رد: تقرير و تجربة و تقييم للسيارة مازدا 3 2010 (الجزء الثالث )
اقتباس:
انا وصلت بيها لسرعه 220 علي طريق النطرون _العلمين وكنت حاسس اني ماشي علي 120 العربية استيراد "شحن" من السعودية واخويا مهندس ميكانيكي في السعودية فأي قطع غيار بحتاجها هو بيبعتها من هناك تمنها تقريبا في السعودية 95000ريال ... وبالنسبة لمشكلة السحب عند الاستاذ علي في المازدا 3 او في الشد او الحرق ممكن حضرتك تشيل رجلك من علي دواسة البنزين لمده ثانية عشان العربية تسقط غيار وتسحب معاك كويس ... انا شايف ان استهلاك البنزين عندي عالي لان العربية 2000سي سي انما عندك مش مبرر بس لو هنقارن بثباتها واتزانها يبقي حضرتك كسباااان |
رد: تقرير و تجربة و تقييم للسيارة مازدا 3 2010 (الجزء الثالث )
تسلم ايدك يا علي على التقرير الرائع و دى فعلا اكتر حاجة حلوة فى المندتى ان الناس بتنقل التجربة العملية مع الوكيل و الصيانة و الثبات و استهلاك البنزين يعنى بإختصار كل الى انا محتاج اعرفه عن عربية من ملاكها
و بكدة كل واحد فينا يقدر يحكم على اى عربيه بيفكر فيها و يبقا عارف كل مميزاتها و عيوبها قبل ما يشتريها ربنا يبارك لك فى عربيتك و تفضل مبسوط بيها دايماً |
رد: تقرير و تجربة و تقييم للسيارة مازدا 3 2010 (الجزء الثالث )
تسلم ايدك يا استاذ على وان كانت حتى تسلم ايدك مش كفاية قصاد الخبرات القيمة اللى حضرتك بتنقلها لنا دائماَ وبمنتهى الامانة والبساطة عن سيارة لها عشاقها ومريديها دائماَ
وبقدر ثقتى الكاملة فى امانة حضرتك فى الوصف والنقل ويقينى الكامل من حبك للعربيه زيي واكتر بس حاسس انك متجنى شوية على العربيه بس منتظر باقى التقرير وللحوار بقية ان شاء الله :Bravo: |
رد: تقرير و تجربة و تقييم للسيارة مازدا 3 2010 (الجزء الثالث )
اقتباس:
اقتباس:
اقتباس:
دة من بعض ما عندكم اقتباس:
أنا مش عارف أقولك لإيه على المجاملات دي كلها , أنا مش باعمل حاجة و الله فيه أعضاء أفضل مني بكتير جدا و أنا متعلم منك و من عتاولة المنتدى ( تربيتكم :) ) موضوع التجني دة بالنسبة لأنهي نقطة تحديدا ؟؟ على العموم أنا نفسي تجرب العربية و تدينا تقييم من تقاييمك الحلوة كدة |
رد: تقرير و تجربة و تقييم للسيارة مازدا 3 2010 (الجزء الثالث )
الأوكتافيا استهلاك بنزينها أعلى من المازدا3 يا على باشا وكمان أتقل فى السحب حتى من العربيات اللى فيها نفس موتورها بالظبط زى الفولكس الجيتا والبورا ودة لأنها أتقل فى الوزن منهم بالرغم من أن الشاسية A4 واحد والموتور واحد والجيربوكس كمان.
|
الساعة الآن 10:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017