مصر موتورز مجتمع السيارات - عندي مشكلة محيراني

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - عندي مشكلة محيراني (https://www.masrmotors.com/vb/showthread.php?t=38933)

رد: عندي مشكلة محيراني

اقتباس:

المشاركة الأصلية كتبت بواسطة walidelwahsh (المشاركة 419277)

تخيل حضرتك لفت نظري لنقطة مهمة جدا كنت تايه عنها
بس عايز اسالك الاول
هو ممكن تكون المروحة بتلف عكسي
يعني تكون الفيشة مقلوبة فتلف عكسي
ولا ليها اتجاة واحد فقط للدوران

كله وارد بالذات فى الاعطاب الخبيثة الواحد يحاول يفكر فى الاحتمالات الغير معتادة
بالاخص ان الموضوع مش حياخد وقت للتأكد

رد: عندي مشكلة محيراني

اقتباس:

المشاركة الأصلية كتبت بواسطة حسام البورسعيدى (المشاركة 419796)

اسف جدا يا باشا ع التاخير .. معلش سامحنى والله مكنت شايف الموضوع ...

المهم ان 90 % مشكلتك فى المروحة ...

واستاذ احمد على لفت نظرنا لموضوع ان ممكن يكون حد من العباقرة لعبلك فى كهربة المروحة وقلبها وبالتالى اصبحت شفاط مش مروحة ..

اتأكد من النقطة دى ضرورى ..

وكمان اتاكد ان المروحة شغالة كويس مش ضعيفة .. وجرب كده والمروحة واقفة تلفها بايدك وتتاكد انها بتلف بسهولة (هى طبعا مش هتبقى خفيفة ميه ولكن المفروض تلف معاك) ...

ممكن تكون المشكلة من ترموستات المروحة (الساعة) بحيث يكون بيشغلها متأخر ..

ممكن فى الحالة دى تجيب ترموستات 70 ..

واسف مره تانية على التاخير ...

متابع باذن الله .......

اقتباس:

المشاركة الأصلية كتبت بواسطة احمد على 1999 (المشاركة 419867)

اولا اود ان اشكركم على مساعدتكم النبيلة والجميلة قبل اي شيء
ثانيا لسة راجع من التوكيل النهاردة واتاكدت منهم بان المروحة تمام مافيهاش مشكلة
واتجاها صحيح حتى انا اتاكدت الهواء في اتجاة المحرك
كمان بتلف في معادها مش بتتأخر
كمان دورة المية مافيهاش مشاكل او تسريب خالص
فية مهندس هناك قاللي حاجة غريبة اوي
التكييف اتركب في مصر في العربية
يعني العربية اصلا نازلة مصر بدون تكييف وهو اتعمل هنا
فقالي حل عايز اعرف رايكم فية
تغيير الريداتير بواحد اعرض من اللي راكب فيها بحيث يكون متركب علية مروحتين مش واحدة بس
قاللي دا الحل السحري
مش عارف دا صح ولا لأ
وهل ممكن اركب على الريداتير الموجود حاليا قميص جديد بمروحتين وخلاص
ولا اجيب واحد اعرض شوية برضة بمروحتين
منتظر الرأي والمشورة

رد: عندي مشكلة محيراني

فى حالة زى دى خد برأيى المهندس الى فى التوكيل لان من الواضح انه مجربه و متأكد من حله النهائى للمشكلة

رد: عندي مشكلة محيراني

شوية أسئلة:

-*- هل الحرارة مرتبطة بتشغيل التكييف أم تحدث بدون تشغيل التكييف ؟؟

جميع الأسئلة التالية بدون تشغيل التكييف
-*- عن السير بسرعات عالية دون قرص على الموتور وبدون التكييف هل تسخن السيارة ؟؟
-*- هل تأكدت من توصيل كابل الأرضي من البطارية بجسم السيارة جيداً وكذلك من الأرضي بجسم الموتور ؟؟

-*- لو إنت واقف في عز الظهر في إشارة بعد مشوار مثلاً هل العربية بتبرد أم بتزداد سخونة ؟؟
-*- عندما تسخن السيارة على السرعات العالية فهل المروحة تعمل ثم تنخفض الحرارة وتفصل المروحة أم تعمل ولا تفصل أم لا تعمل أبداً ؟؟

لاحظ أن جميع أسئلتي لم تتحدث في حال عدم تشغيل التكييف لنعرف عيب السيارة وبعد ذلك حل التكييف سهل جداً

-

رد: عندي مشكلة محيراني

اقتباس:

المشاركة الأصلية كتبت بواسطة ahmed1981 (المشاركة 421031)

شوية أسئلة:

انت تامر يا باشا

-*- هل الحرارة مرتبطة بتشغيل التكييف أم تحدث بدون تشغيل التكييف ؟؟

لا الحرارة مش مرتبطة بالتكييف
مرتبطة بالتحميل على الموتور زي حاجة من اتنين
1- تشغي التكييف طبعا
2-السنة اللي فاتت كنت راجع من اسكندرية وطبعا معايا الاسرة وكمية شنط ماقولكش بس الجو كان حار جدا العربية برضة سخنت وانا ماشي وعلى فكرة كان لسة التكييف بايظ ماتصلحش

جميع الأسئلة التالية بدون تشغيل التكييف
-*- عن السير بسرعات عالية دون قرص على الموتور وبدون التكييف هل تسخن السيارة ؟؟

بتسخن بس مش اوي يعني مش محسوسة

-*- هل تأكدت من توصيل كابل الأرضي من البطارية بجسم السيارة جيداً وكذلك من الأرضي بجسم الموتور ؟؟

ايوة

-*- لو إنت واقف في عز الظهر في إشارة بعد مشوار مثلاً هل العربية بتبرد أم بتزداد سخونة ؟؟

العربية بتبرد في الاشارة او لو ماشي في شارع تاتا تاتا يعني يادوبك اول وتاني بالعافية

-*- عندما تسخن السيارة على السرعات العالية فهل المروحة تعمل ثم تنخفض الحرارة وتفصل المروحة أم تعمل ولا تفصل أم لا تعمل أبداً ؟؟

المروحة تشتغل شوية وتفصل وتشتغل تاني وهكذا

لاحظ أن جميع أسئلتي لم تتحدث في حال عدم تشغيل التكييف لنعرف عيب السيارة وبعد ذلك حل التكييف سهل جداً

-

ياريت
وربنا يسهل ان شاء الله