|
رد: تجربة قيادة اسبيرانزا A113
[quote=AboNoRa;8680]
اولا اهلا بيك / بيكى فى مصر موتورز العربية سعرها التجارى 52 الف بكل كمالياتها (مانيوال) البدائل فى الشريحة ديه بردوا كليسيا 1000cc جميع الكماليات (مانيوال) 52 الف شيفروليه سبارك 1000cc جميع الكماليات (مانيوال) 56 الف بيكانتوا 1100cc جميع الكماليات (مانيوال) 64 الف هيونداى 1100cc I10 جميع الكماليات (مانيوال) 67 الف سوزوكى التو 1100cc جميع الكماليات (مانيوال) 60 الف طبعا كل دول فى فئة محركات اقل 1 لتر او 1.1 لتر وكل دول مش فيهم كم الكماليات الموجود فى السبيرانزا فضلا عن تصميمها لكن نتوقع اعتمادية اعلى من ( بيكانتو - كليسيا - هيونداى - التو ) الكليسيا منافس قوى لاكن مش منتشرة فى السوق والتوكيل وقطع الغيار مش قد كده فنقدر نقول ان الفرق بينها وبين الافضل منها ( البيكانتو للى مطمنين لها اكتر) 10 الاف جنية وده مع امكانيات اقل وتصميم خارجى او داخلى اقل (وان كانت اذواق برضو) وده مبلغ كافى لتغيير الانظار لل A113 لكن للحق : العربية اللى جربتها كانت الدفعة الاولى (تقفيل وصناعة صينية) مالك العربية (ابن خالى) معروف عنة انة بيحافظ على العربيات وتاخد العربية من تحت ايده فابريكا فهى معاه داخلة فى سنة دلوقتى وماشاء الله مش بيشتكى منها فى اى حاجة علشان كده مقدرش احكم على اعتمادية العربية مع حد استهلاكة عنيف ومجربتش التقفيل المصرى اخبارة ايه وخاماتة عاملة ايه نصيحتى فى الظروف ديه دايما زيارة لمركز الخدمة وحضترك تدردش مع ملاك العربية اللى جايين يعملوا صيانة وتسالهم عن اخبارها واعطالها ومااالى ذلك والاهم اسعار قطع الغيار تسلم يا غالى على الموضوع ده بس انا طالب منك طلب تانى يا ريت تقرير زى ده بس عن اسبرانزا a516 وكمن انا سمعت ان قطع غيار 113 غاليه قوى عشان تقفيل بره فياريت ترد علي يا باشا |
رد: تجربة قيادة اسبيرانزا Chery A113 (مواصفات + صور)
|
رد: تجربة قيادة اسبيرانزا Chery A113 (مواصفات + صور)
>>> الجنوط جميلة جدا مقاسها 14 بس الكاوتش رفيع وتجويف الرفرف كبير فمش بيوحي بحجم الجنط انا انصح بتركيب كاوتش اعلي يعني 70 مثلا لان العفشة ناشفة شوية برضوا وشكلا هيبقي افضل كمان >>>
شكراً أبو نورا مجهود رائع كالعاده أنا بس مش فاهم موضوع علاقه الكاوتش الأعلى (70)ده بيشير للطول و لا السمك و لا المتلنه ولا أيه أنا لسه مستجد فى موضوع العربيات ككل شكراً |
رد: تجربة قيادة اسبيرانزا Chery A113 (مواصفات + صور)
اللى انا اقصدة ب 70 هو قيمة مساحة علو الكاوتش من بعد الجنط او القيمة 40 فى الرسمة بمعنى تانى هيبقى المقاس مثلا 185/70/14 وده هيخلى العفشة اطرى لان العربية عفشتها ناشفة شويتين بس عامة سواء (التعلية) فى ارتفاع الكاوتش او (التعريض) فى سمكة لازم يبقى بالتجريب والقياس قبل ما تشترى وتركب على تضمن ان المقاس ده مش هيحك فى الرفارف او المساعدين |
رد: تجربة قيادة اسبيرانزا Chery A113 (مواصفات + صور)
الف شكر على الموضوع
|
| الساعة الآن 04:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017