مصر موتورز مجتمع السيارات - كيف تتعرف علي الحروف المكتوبة اعلي المحرك

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - كيف تتعرف علي الحروف المكتوبة اعلي المحرك (https://www.masrmotors.com/vb/showthread.php?t=102364)

رد: كيف تتعرف علي الحروف المكتوبة اعلي المحرك

بجد تسلم ايدك عن كل كلمه كتبتها ونقلتها للافاده
ربنا يباركلك:Wkiss5:

رد: كيف تتعرف علي الحروف المكتوبة اعلي المحرك

اقتباس:

المشاركة الأصلية كتبت بواسطة M.TONSY (المشاركة 795819)

http://hyundai-arabic.com/vb/showthread.php?t=4112
http://www.assayyarat.com/forums/post2761071-2.html
استاذ عمرو
دى روابط لمواضيع كوبى بالظبط بتواريخ اقدم من موضوع حضرتك
لذلك هافترض فى حضرتك حسن النوايا وعدم المعرفة بقوانين المنتدى
وهكتفى فقط بالتنبيه دون الانذار وعليك مراعاة ذلك مستقبلا

لو كنت كلفت خاطرك ودخلت على الرابط الاول كنت تعرف انا بتكلم فى ايه الموضوع منسوخ بالكامل كوبى بست بدون الاشارة الى انه منقول او ذكر روابط نقله
ومع ذلك انا ما انذرتش الاستاذ عمرو لانه واضح من مشاركاته انه محترم وممكن نسى او ما يقصدش فانا اكتفيت بالتنبيه وليس التحذير
وبعدين بلاش تحيز منك يا استاذ هشام انت ومستر استرا

اقتباس:

المشاركة الأصلية كتبت بواسطة Hisham.Elgazzar (المشاركة 796034)

يا أستاز محمد تونسى انت مش واخد بالك ان الباشمهندس عمرو كاتب فى اول الموضوع انه منقول من صديقه من منتدى آخر ولا اه ؟؟؟؟

لا يار يت تقتبس كلمة منقول وتوضحها لى وللسادة الزملاء لانى فعلا مش واخد بالى

الباشمهندس عمرو على دراية كافية جدا بقوانين المنتدى اللى كلنا عارفينها ومش عاوز أطول عن كده عشان ماتزعلش منى ، وياريت تسحب الإنزار من المهندس عمرو لو سمحت وإن شاء الله انا هتكلم مع أستاز وائل فى الموضوع ده شخصيا ، بس يارب يرد على تليفونه اللى بقالى 3 ايام بحاول أوصله ومش بيرد
وبأطلب من سيادتك إعتزار رسمى لغلطك فى حق الباشمهندس عمرو

دى بقى انا ممكن ازعلك انا فيها واديلك فيها انذار لانك تخطيت حدودك فيها وبتدخل فيما لا يعنيك وباسلوب هجومى ومستفز وانت مش فاهم حاجة داخل تزيط فى الزيطة
ووائل اكيد مسجل رقمك ولو عاوزك هيكلمك
وانا ما بتهددش وطريقتك مش هتاكل معايا واحب افهمك اذا استمر اسلوبك فى انتقاد اراء الادارة او قرراتها بالشكل ده ممكن تنتهى بايقاف عضويتك يا ريت تتطلع على قوانين المنتدى الاول قبل ما تخش تهاجم عن غير علم
http://masrmotors.com/vb/showthread....d=1#post796371

اقتباس:

المشاركة الأصلية كتبت بواسطة mr_astra (المشاركة 796137)

احلى حاجة فى الدنيا انك تجيب للى ادامك احباااااط
برافو عليك يا استاذ M.TONSY
والى الاماااااااااااااااااام

مش هرد عليك ولينا اجتماع هنبقى نتناقش فيه

اقتباس:

المشاركة الأصلية كتبت بواسطة Hisham.Elgazzar (المشاركة 796149)

وبعدين انت أصلا غلطت لأن مستر أسترا من الإدارة ودخل وقرا الموضوع وماأعترضش على حاجة
عاوز تثبت اه لنفسك وللناس ؟؟

عاوز اثبت ان القانون لو اطبق فى اى مكان فى مصر حتى لو داخل المنتدى اللى هو جزء من مصر هنبقى حاجة كويسة بدون حساب للشللية وانت فاهمنى كويس انا قاصدى ايه

ياأخى عيب والله لما أتخطى زميل ليا ومن غير ماشورة كده أتصرف وأجرح ناس كل همهم انهم يفيدونا

برده بتدخل فيما لا يعنيك وباسلوب هجومى ومستفز ومش فاهم حاجة
واحب اقولك يا هشام العبد لله احسن منك ومش هديك انذار ولا حاجة
وفى النهاية يا هشام سلاماااا

رد: طلب ازالة الموضوع

اقتباس:

المشاركة الأصلية كتبت بواسطة amr elsisi 1 (المشاركة 796139)

M.TONSY
يعلم الله انا بقالي فترة بجمع عن هذا الموضوع
لان وجدت بعض الزملاء الكرام في منتدانا كاتبين عن الموضوع بس مش بطريقة كافية
فقلت اجمع من دراستي ومن بعض مواقع النت
علشان احبابي في هذا المنتدي لاني وجدت ناس كتيييييييير لاتعلم معني هذا الكلام
ومن بحثي عن الموضوع وجدت هذا الشخص الكريم ربنا يباركلو مرة اخري
جمع ومرتب تاعب نفسة كتييير
فقلت انا وهوا واحد توصيل امانة العلم مفهوش انا وانت والموضوع العنصري
اما عن موضوع النقل فاي واحد بيقول معلومة في هذا المنتدي فهيا منقولة
من(دراسة_صنعة_واحد قال له عليها_بحثة عن المعلومات)
والحمد لله كان عندي اضافات حتفيد الموضوع
بس لم استطيع انا اضفها ليكون الموضوع خالص لهذا الشخص الكريم
بما انا حضرتك اضفت هذا البصمة في هذا الموضوع
وانا عمري ما كنت اتمني ان يكون في موضوع لية علية تحذير
فبرجاء طالما حضرتك مثلت الادارة
اذن لك السلطة علي ازالة الموضوع فبرجاء ازالتة
واحب ان انوة انا بقائي في هذا المنتدي سوف يتوقف الي حين ازالة هذا الموضوع
ولكم وافر الحب والتقدير

يا اخى العزيز عمرو السيسى
تمعن فى هذا الاقتباس وروابطه وانت تفهم قصدى ايه

اقتباس:

وصدقنى انا اعرفك من مشاركاتك ومواضيعك تدل على انك شخصية تحب الخير وتوسمت فيك حسن النوايا
فحبيت انبه عليك فقط بان ده مخالف لقوانين المنتدى لانه بيجيب للادارة مشاكل ووجع دماغ وحصلت معايا فى القسم عندى واحد دخل يسجل عضوية فى المنتدى علشان يولنا ان موضوعه مسروق ومحطوط فى القسم وكانت شغلانة وفى الاخر علشان احل المشكلة
عدلت الموضوع وكتبت انه منقول
والنقل مش عيب ولاحاجة
اللى خلانى دخلت فى موضوعك وعلقت عليه التعليق اللى مش عاجبك ده علشان منجيبش لنفسنا مشاكل لان فعلا موضوعك منسوخ بالحرف والصورة والفيديو وكل شئ وادخل على اول رابط وهتعرف ان كلامى صح
انا لو كنت مشرف هذا القسم كنت دخلت وعدلت انا يا سيدى الموضوع وكتبت فيه انه منقول
ولو تلاحظ انا شكرتك فى الموضوع على النقل بس حبيت انصحك واعتبرنى اخ اكبر ليك انك تكتب كلمة منقول وان تشير الى المصدر فى نهاية الموضوع منعا للمشاكل
واخيرا ان ما اديتكش انذار ولااى شيئ
ده اسمه تنبيه يعنى تنبيه فى المشاركة ولا يعتبر فيه اى نوع من الجزاءات
المشكلة ان فى ناس ملهاش فى الموضوع ومش فاهمة حاجة ودخلت تسخن وخلاص
اما بالنسبة للموضوع فده مش معناه الحذف ابدا ان شاء الله البشمهندس احمد على مشرف القسم هيعدل فيه فقط بكلمة منقول او وشم منقول منعا لوجع الدماغ وحضرتك يا ريت مشكورا تبعتله روابط المصدر المنقول منه الموضوع علشان يضيفها للموضوع ... تحياتى وتقديرى لك:GROWIN~12:

رد: كيف تتعرف علي الحروف المكتوبة اعلي المحرك

استهدوا بالله !!

رد: كيف تتعرف علي الحروف المكتوبة اعلي المحرك

ربنا يجازيك عنا خير
مجهود جبار ربنا يباركلك فى بيتك واسرتك
:Wkiss5::Wkiss5::Wkiss5:: Wkiss5: