مصر موتورز مجتمع السيارات - اية رايكم فى الافيو الكورى

مصر موتورز مجتمع السيارات (https://www.masrmotors.com/vb/index.php)

- أفيو (https://www.masrmotors.com/vb/forumdisplay.php?f=155)

- - اية رايكم فى الافيو الكورى (https://www.masrmotors.com/vb/showthread.php?t=31449)

رد: اية رايكم فى الافيو الكورى

انا معايا افيو كورى 2007 شاريها من الزيرو عامله 68000كيلو العربيه سحبها حلو جدا جدا والتكييف معقول اما بالنسبه للاتزان فهى فعلا بعد 120 خفيفه جدا جدا واقصى سرعه وصلت بيها 160 بعدها حسيت انى مش هقدر اتحكم فيها كمان فى مشكله انها كوزن خفيفه جدا وده بحس بيه فى فصل الشتاء الهوا بيحدفها على حسب اتجاهه وانا من اسكندريه والهوا فى الشتاء بيبقى جامد شويه الفرامل بتاعتها معقوله وبرغم كل شىء انا معجب بيها لاكن هناك عيب هو الى مكرهنى فيها وهو الصاج بتاعها زباله وخصوصا فى اسكندريه لان الرطوبه عاليه وملوحة الجو خلى العربيه من حروف الرفارف فيها بارومه فهى عيبها من وجهة نظرى الذى لا يقبل هو الصاج وعلى فكره مش عربيتى بس الى ظهر فيها كده بس لاكن اكتر من عشر عربيات شوفتهم كلهم فيهم صدأ وبارومه من حروف الرفارف

رد: اية رايكم فى الافيو الكورى

اقتباس:

المشاركة الأصلية كتبت بواسطة odaoda (المشاركة 222810)

ثايتة؟؟
طب انا كان واللة العظيم فيها ما كانت ثابتة بعد ال120
مفيش الكلام دة نهائى العربية بتطير بعد ال120 مش تاخد بيها غرزة لااااااااا
بتطير
عارف اعلان رينو لوجان صحيح جامدة بس مبتطرش
لا دى بتطير بقى فالهوا
والله ال160 دى انا كان قلبى هيقع وهى ماشية عليها وكنت فمتنتهى الاستغراب
ارجوك متقلش حاجة مش حقيقية عشان الناس متصدقش وتجيبها على انها فعلا ثابتة
لكن اصلا انا بقول لكل الناس الى هيمشى بعهد ال 120 يبقى بيقتل نفسة وربنا يعافينا ويعافيكم جميعا

و الله العظيم عندك حق انا جبت افيو كورى موديل 2007 زيرو و بعتها فى أخر 2008 و هي عاملة 20000كم عشان عدم ثباتها و صاجها اللى زى الورق انا خفت اموت بيها خصوصا بعد ما واحد صديق ليا مات بيها على طريق شرم (بعد الشر عنكم و على السامعين)

و بعدين بص على أختبارات التصادم بتاعتها على YouTube و انت تعرف ان العربية دى فعلا خسارة فيها الفلوس و فعلا خطر على الراكبين فيها

بص بعد الألمانى و اليابانى مفيش عربيات تانى

رد: اية رايكم فى الافيو الكورى

قطع غيارها غاليه جدا
احد اصدقائي قالي انه اشترى فرش البابين ب2400 جنيه في حين ان تمن بابين الانسر كاملين وممكن نفس اللون وبالمرايات كهربا ب2400 جنيه
GIFT4U

رد: اية رايكم فى الافيو الكورى

بصراحة الافيو عربية حلوة جدا وجميلة جدا جدا

رد: اية رايكم فى الافيو الكورى

بصراحة انا شايف ان الناس ظالمة العربية الافيو خالص لانها عربية ناعمة جدا والله وعالية عن الارض وقطع غيارها حلوة مش غالية وكمان ممكن تصلحها بارة عند الميكانيكي مش لازم في التوكيل