رد: بيجو 504 الرائعة
اقتباس:
بحكم مهنتي ودراستي (مهندس ميكانيكا - إدارة صيانة سيارات) أنا شايف إن الحديث أفضل لإعتبارات كتير أوي والتحديث لا يقارن بالتكنولوجيا الأصلية مطلقا لأن السيارة منظومة متكاملة كل جزء فيها يعتمد على أداء باقي الأجزاء إحنا في مصر يناسبنا العربيات القديمة نظرا لظروف التشغيل والبيئة في مصر لكن ده لا يمنع إن فارق الأداء كبير (خصوصا في موضوع استهلاك الوقود) لكن ده لا يمنع إن القديم أمتن وأأمن أنا معاك في دي يعني أنا على سبيل المثال خدت حجر بتاع ربع طن كدة بين العجل الأمامي في عربيتي القديمة (لادا 1600 موديل 83) وسحفت بيه بتاع خمسة متر كده . وطلعت منها زي الفل والعربية اتكلفت حوالي 300 جنيه تصليح بس كانت محتاجة تغيير قنطرة المحرك وأنا كسلت وبعت على طول طبعا ده لو حصل مع عربية حديثة كانت ممكن تيجي نصين أوتتقلب باللي فيها ومن الإعتبارات السابقة دي أنا كونت فلسفتي الخاصة . أحسن عربية ممكن تشتريها في مصر - في رأيي - هي العربية التي تقع في منطقة متوسطة بين القديم والحديث بحيث تجمع لك بين ميزات الإثنين متانة وأمان وأيضا تكنولوجيا متطورة إلى حد ما الأنسب في رأيي الموديلات من 97 إلى 2000 وتقبل تحياتي |
رد: بيجو 504 الرائعة
اقتباس:
بس الناس خدت إيه من التكنولوجيا دى غير الندم أدينا شايفين اللى بيحصل للعربيات الحديثة أم تكنولوجا وهى بترجع للمصانع لعيوب فى الصنع ....عمرها ما حصلت فى 504 و لا 505 أوتوماتيك خد عندك بقى كلامى 1- العربية البيجو 504 ظلت منتجة حتى 2005 أو 2004 على حد علمى 2 - البيجو 504 موديل 2005 فى نيجيريا و البرازيل بنفس جودة ال504 الفرنساوى 3 - زيادة عدد السرعات من 4 إلى خمس سرعات 4 - تحديث شامل للعربية من ناحية الشكل , الدواخل , الصالون , التابلون , و أهم حاجة الآداء الفعال لو العربية دى فشلت مكنش يتصنع منها لغاية 2005 بالرغم أنها موديلها قديم مش كده ولا إيه؟؟؟ |
رد: بيجو 504 الرائعة
يا أخي الكريم أنا لم أقل أنها فشلت بالعكس دي محترمة جدا دي دبابة مش عربية
أنا بأتكلم عن المبدأ بشكل عام وقلت في الآخر رأيي اللي استنبطته من مشاهداتي ودراستي وربنا يرزقك بالعربية اللي نفسك فيها :fun_36_3_11[1]: |
رد: بيجو 504 الرائعة
من الاخر ياباشا اللى مركبش بيجو 504 مركبش عربيات :10CC26~164: موضوع مميز جدا SLAM |
الساعة الآن 04:28 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017