المشاركة الأصلية كتبت بواسطة The MERCURY (المشاركة 458279)

على فكرة ، المازدا 6 عليها ثبات و اتزان لا يمكن ان يتكرر ، ده من خبرتى فى قيادة سيارات متنوعة.
هو انت معك السيارة خارج مصر (مع انه يبدو من اللوجو انك ضابط) ام داخلها ن و لو داخلها كيف تتحصل على قطع الغيار ؟

و بالنسبة للاستاذ /على صاحب المازدا 3 الف مبروك و اختيار موفق.
و الله الثبات و الامان لا يقدروا بثمن فى المواقف الحرجة.

المشاركة الأصلية كتبت بواسطة Bahi (المشاركة 458327)

الف مبروك يا على باشا على الوصول لمرحلة التقييم اللى منتظرين اكمالة كما وعدت ان شاء الله. الله يبارك فيك فعلا أنا مستغرب من عيب استهلاك البنزين والجيربوكس! ليه ؟ هى عربيتك فتيس أوتوماتيك ولا عادة؟ أوتوالاستهلاك العالى دة والجيربوكس 4 سرعات بيقول انها أوتوماتيك. تمام شكلك غاوى حرق شوية ولا أنا بيتهيألى؟ مش قوي

أنا ركبتها فتيس عادى سنة 2007 مع صديق مصرى شاب فى قطر وحسيت أنها عربية رائعة وصاحبها كان سعيد بيها جدا وبسحبها علشان كان غاوى جرى. 2007 خليجي , طبعا تفرق
أولا ممكن تكزن 1800
ثانيا الشكل كان مختلف و الوزن أخف
و كمان لو مانيوال تفرق كتير

على العموم معدل استهلاك البنزين قريب -ولكن لا يصل- الى معدل استهلاك البنزين عندى فى الأوكتافيا الأوتوماتيك لما بكون مستعجل شوية بس مش بحرق يعني الأوكتافيا أكتر ولا أقل ؟؟؟ فمتزعلش وحاول تخف رجلك من على دواسة البنزين وأنت بتزود السرعة (السحب) وهتفرق كتير معاك. بحاول و الله الثبات نعمة كبيرة يقابلها تضحية فى بعض الأحيان فى السحب واستهلاك البنزين.

ربنا يباركلك فيها ويكفيك شرها ويعطيك خيرها ويحفظك ويحفظهالك ... آمين جزاك الله خير

المشاركة الأصلية كتبت بواسطة mf86 (المشاركة 458364)

المازدا 6 عليها اتزان وثبات مشفتوش في اي عربية ركبتها قبل كده طبعا دة مشهور عن المازدا سواء اللانوس او اللانسر او السيراتو انت بتهزر ؟ العريات دي مفيهاش ثبات أصلا
انا وصلت بيها لسرعه 220 علي طريق النطرون _العلمين وكنت حاسس اني ماشي علي 120 ما شاء الله

العربية استيراد "شحن" من السعودية واخويا مهندس ميكانيكي في السعودية فأي قطع غيار بحتاجها هو بيبعتها من هناك تمنها تقريبا في السعودية 95000ريال ...

وبالنسبة لمشكلة السحب عند الاستاذ علي في المازدا 3 او في الشد او الحرق ممكن حضرتك تشيل رجلك من علي دواسة البنزين لمده ثانية عشان العربية تسقط غيار وتسحب معاك كويس ... و الله جربت كل حاجة تقريبا بس الفرق مش بيبقى كبير أوي , واضح إن مشكلة شركة مازدا الكبرى إنهم معرفوش يظبطوا موضوع استهلاك البنزين دة

انا شايف ان استهلاك البنزين عندي عالي لان العربية 2000سي سي انما عندك مش مبرر بس لو هنقارن بثباتها واتزانها يبقي حضرتك كسباااان الحمد لله

المشاركة الأصلية كتبت بواسطة احمد الشناوى1981 (المشاركة 458410)

تسلم ايدك يا علي على التقرير الرائع و دى فعلا اكتر حاجة حلوة فى المندتى ان الناس بتنقل التجربة العملية مع الوكيل و الصيانة و الثبات و استهلاك البنزين يعنى بإختصار كل الى انا محتاج اعرفه عن عربية من ملاكها
و بكدة كل واحد فينا يقدر يحكم على اى عربيه بيفكر فيها و يبقا عارف كل مميزاتها و عيوبها قبل ما يشتريها
ربنا يبارك لك فى عربيتك و تفضل مبسوط بيها دايماً

المشاركة الأصلية كتبت بواسطة AboNoRa (المشاركة 458592)

تسلم ايدك يا استاذ على وان كانت حتى تسلم ايدك مش كفاية قصاد الخبرات القيمة اللى حضرتك بتنقلها لنا دائماَ وبمنتهى الامانة والبساطة عن سيارة لها عشاقها ومريديها دائماَ

وبقدر ثقتى الكاملة فى امانة حضرتك فى الوصف والنقل ويقينى الكامل من حبك للعربيه زيي واكتر
بس حاسس انك متجنى شوية على العربيه

بس منتظر باقى التقرير وللحوار بقية ان شاء الله :Bravo: