|
رد: 75% من مصانع السيارات في مصر مهددة بالإغلاق
طبعا يا أ / سيف ،، هيا وجهة نظرك منطقية طبعا الناس مش هاتموت لو العربيات فضلت غالية و مش اكبر مشكلة في مصر سعر العربيات فيه مشاكل تانية اكبر و اهم بس ما لا يدرك كله لا يترك كله يعني احنا افتقدنا للايجابية في حاجات كتييير فلو فيه حملة ايجابية مينفعشي نقف ضدها بحجة انها ليست اهم مشكلة |
رد: 75% من مصانع السيارات في مصر مهددة بالإغلاق
اقتباس:
أولا لا يوجد ضريبة مبيعات إطلاقا لسيارات الجيش ثانيا خصم بقيمة 20% من قيمة الجمارك ثالثا العربيات دى من غير أعتاب و كمان من غير أكر نيكل نقول كمان ؟ يعنى بردو الدولة المسؤلة عن تخفيض السعر مش الوكيل |
رد: 75% من مصانع السيارات في مصر مهددة بالإغلاق
اقتباس:
شكرا يا ريس علي التوضيح الوافي يا عم خلاص حقك عليا ،، متخفشي او كل توكيلات العربيات في مصر قفلت توكيل ميتسوبيشي مش هيقفل ده ادمااان |
رد: 75% من مصانع السيارات في مصر مهددة بالإغلاق
يا سيدى مش موضوع يقفل ولا يفتح
زى ما ربنا كتبلى رزق فى ميتسوبيشى قادر يكتب لى رزق فى مكان تانى لو قفل انا اللى ضايقنى إن معظم الناس بيخدوا بالمظهر و مش بيسألوا عن الجوهر مش فى العربيات بس فى كل حياتهم و ده أكبر غلط على العموم انا مش زعلان كل واحد حر فى وجهة نظره |
رد: 75% من مصانع السيارات في مصر مهددة بالإغلاق
عزيزى Nissan
شكرا جدا على التوضيح وعزيزى Ahmed Anwer طبعا احيك على رايك وان حضرتك اخذت بالك من وجة النظر فى ان السيارات مش اكبر مشكلة وكمان احب اوضح لحضرتك شى مهم جدا اسال كدة اى حد فى مصر قولى حملة خليها تصدى دة ابتدات ازاى واساسا كانت بسبب اية هيقولك ميعرفش ولو سالتة طيب العربيات لو رخصت من 100 الف الى 50 الف هتشترى عربية هيقولك لا مش المشكلة فى تخفيض السعر للعربية صدقنى بدليل ان الحكومة عملت مشروع الاحلال والتجديد المرحلة الثانية الان بكمية 30 الف سيارة واكثر ودة هيساعد التوكيلات الكبيرة وهيرفع ثمن العربيات ال موجودة علشان زيادة الطلب ( عارف فى اول اسبوع مدتة 5 ايام عمل فى البنوك كان كام طلب اتقدم اكثر من 5 الف طلب وطبعا ال قدم الطلب الطبقة الكادحة من الناس طبعا دة يوضح اد اية ان البيع والشراء لية مقايس تانية ) وبستغرب اننا كشعب متحضر الى اليوم نسمع حاجة ونقلدها دون اى وعى والشباب ال راحت تقول خليها تصدى فى مصر يروح يعملوا شى مفيد لان الحملة بتعتهم فى مصر مش هتجيب نتيجة مع نظام سياسى واضح يروح يعملوا حملة علشان يشتغلوا علشان يجدوا شقق تيجوزا فيها يعموا حملة علشان مغالات طلبات الزواج من الاسر حملة توقف التدخين والمخدرات ال بقت فى كل مكان شى مفيد مش حملة على سيارات وهما مش هيشتروا دة البنزين زاد والناس كلها اتضرت ومحدش عمل ربح حملة والاغذية ومواد البناء يعنى خلاص حلوا كل المشاكل ال عندهم وبقت مشكلة العربيات هى السبب نشغل عقلنا علشان يكون لينا دور مهم وشكرا على كل الكلام الكويس من كل الاعضاء |
الساعة الآن 05:25 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017