مصر موتورز مجتمع السيارات - موضوع يهتم بإستفسارات الأعضاء عن فواتير الكهرباءوشركات التوزيع

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

رد: موضوع يهتم بإستفسارات الأعضاء عن فواتير الكهرباءوشركات التوزيع

اقتباس:

المشاركة الأصلية كتبت بواسطة Xirox1313 (المشاركة 60848)

كتر خيرك يا باشا على مجهودك القيم
كان عندي إستفسار .. هل من المنطقي إني أدفع حوالي 80 جنيه شهرياً مع العلم إني معنديش تكييف أو سخان كهرباء وكل الأجهزة إللي ممكن تكون بتسحب كهرباء عندي هي: ثلاجة و Deep Freezer و 2 TV وغسالة ملابس أتوماتيكية وغسالة أطباق و PC وخلاف ذلك فإن معظم الإضاءة في المنزل يستخدم فيها ما يسمى بالمصابيح الموفرة (ولا موفرة ولا حاجة).
فما تعليق سيادتك على ذلك؟

الحاجات اللى بالأحمر دى هيا اللى ممكن تستهلك منك كهرباء بس حسب معدل تشغيلها شهريا طبعا

جرب حضرتك تستخدم البرنامج اللى فى مرفقات اول مشاركه وياريت تقرأ الموضوع كله

بالنسبة للمض الموفرة فاللمض دى ماينفعش تشغلها وتطفيها بمعدل تكرار عالى والا مش حاتبقى موفرة خالص لو حاتنورها وتطفيها كمان دقيقة يبقا ماتولهعاش احسن اللمض دى موفرة فى مدى التشغيل الطويل نسبيا بالمثل الشاشات سواء كان تى فى او كمبيوتر الحاجات دى الطاقة الازمة لتشغيلها فى البدايه كبيرة ولكن تكلفة استمرار تشغيلها منخفضه نسبيا

رد: موضوع يهتم بإستفسارات الأعضاء عن فواتير الكهرباءوشركات التوزيع

شكراً على الإفادة
طبعاً الثلاجات دي شغالة على طول بينما الغسالات فحسب طول البرنامج ومش يومياً أما التليفزيونات والكمبيوتر ففترات طويلة في اليوم.
وعلى فكرة أنا كنت طلبت معايرة العداد فجاؤا في يوم ما كنتش موجود فيه وقالوا لي بعد كده أنهم لقوا كله تمام! وما زال الإستهلاك كما هو.
وقد كان الإستهلاك منذ بضعة سنوات أقل من 40 جنيه في الشهر مع نفس الغسالات والثلاجة وأحد التليفيزيونات والكمبيوتر (وأسعار الكهرباء القديمة) وبدون لمبات موفرة. وأهم الأشياء إللي زادت هي التليفزيون الآخر منذ سنتين ثم الـ Deep Freezer من شهرين مع ملاحظة أن الفاتورة بلغت الـ 80 عدة مرات قبل شراءه.

رد: موضوع يهتم بإستفسارات الأعضاء عن فواتير الكهرباءوشركات التوزيع

جرب حضرتك تستخدم البرنامج اللى فى مرفقات اول مشاركه وياريت تقرأ الموضوع كله وده عشان تعرف ان الإستهلاك بيتحسب على اساس فرق قراءة العداد

رد: موضوع يهتم بإستفسارات الأعضاء عن فواتير الكهرباءوشركات التوزيع

مشكور سيادتك على المعلومات المفيدة..
وعندي سؤالين..
حاليا في العمارة بنقوم بتركيب مصعد.. والعمارة بها عداد عادي ولكن المصعد هايحتاج عداد 3 فاز
السؤال الأول هل يمكن تركيب عداد مستقل للمصعد ام انه لابد من رفع العداد القديم واستبداله بالعداد 3 فاز؟
السؤال الثاني: كم مصاريف او رسوم تركيب العداد 3 فاز؟
ولك جزيل الشكر

رد: موضوع يهتم بإستفسارات الأعضاء عن فواتير الكهرباءوشركات التوزيع

اقتباس:

المشاركة الأصلية كتبت بواسطة tamera (المشاركة 67061)

انا دلؤتى مش فاهم هيا ازاى العمارة كلها ع عداد واحد؟

ماعلينا
طبعا الأفضل انك تركب عداد مستقل للمصعد وبتروح الشركة وتيجى لجنه تعاين المكان وتعملك مقايسه لتوصيل التيار للمصعد على حسب المساحة للمكان غالبا بتبقا 10 حصان لو المصعد كبير فالمقايسة التقريبية 10 حصان ×250ج =2500 تقريبا طبعا دى نتيجة من دماغى من غير معاينه

رد: موضوع يهتم بإستفسارات الأعضاء عن فواتير الكهرباءوشركات التوزيع

اقتباس:

المشاركة الأصلية كتبت بواسطة Romeeoo (المشاركة 67102)

انا دلؤتى مش فاهم هيا ازاى العمارة كلها ع عداد واحد؟

انا آسف على عدم التوضيح :)
هي كل شقة فيها عداد طبعا
بس اقصد ان في عداد مستقل في العمارة لنور السلم وموتور المياة وكدا.... عداد في مدخل العمارة..
ماكينة المصعد 8 حصان.. والتيار سيتم توصيله للمصعد بواسطة الشركة القائمة بتركيب المصعد..
انا اللي كنت عايز اعرفه سعر العداد 3 فاز..
ولك جزيل الشكر على اهتمامك

رد: موضوع يهتم بإستفسارات الأعضاء عن فواتير الكهرباءوشركات التوزيع

العداد ال 3 فاز فيه منه 3 انواع (ميكانيكى-الكترونى-مسبوق الدفع) انته حاتجيب انهى فيهم؟ وحاتدفع طبعا المقايسة بالحصان +تمن العداد والإلكترونى سعره تقريبا ف حدود 750 ج