رد: و سقط حبى للبرافو ......وقلبى يبكي لفراقها
 

تروح و ترجع بالسلامه يا باشا
و احنا عاوزين نشوفك اكتر ما انت عاوز تشوفنا بالتأكيد
و حاول بقي تيجي في الافطار الجماعي بتاع رمضان طالما مقابله الاسبوع دا فلتت منك
احنا عموما بنتقابل كل شهر مره.

رد: و سقط حبى للبرافو ......وقلبى يبكي لفراقها
 

رد: و سقط حبى للبرافو ......وقلبى يبكي لفراقها
 

صباح الخير عليكوا جميعا

أنا من كتر ما المقاله إستفزتني .... وبما أن شغلي بالقرب من أومترا - الدقي ... ذهبت لهم بالأمس في الساعه الخامسه عصرا أبص على العربيه عن كثب وعن قرب .... أشوف فين المشكله
وبصراحه ياهندسه وجدت التالي:

أولا ملحوظه هامه جدا : لم أجد بالصاله للأسف الموديل إللي بـ 149ألف عشان أعرف أديك رأيي عن كثب وواقع عين مهندس معماري (غلبان بس مهتم بالتصميم برضه زي حلاتك بس واقعي وحقدر أحكم على الموضوع بشكل موضوعي أكتر لأني مش حشتري أنا مجرد بكون رأي وفكره مش أكتر ) فلم يكن يقف من برافو هناك ساعة مارحتلهم غير عربيتين من نوع برافو (ده طبعا غير اللينيا و الـ 500 العزيزه)

لقد وجدت مواصفتين منها الأول بـ 135ألف والثانيه بـ 175ألف (ويالها من سياره إللي بـ 175ألف)
فقلت أبص على الإتنين ... قعدت جوه الأولى بتاعة الـ 135ألف
ووجدت أن بها كل شيء على قدر معقول من الجوده وحسن التقفيل وإن لم يكن عاجني إن التابلوه من فوق (يعني من عند الزجاج الأمامي لحد قدام من خامات بلاستيكيه (تقدر تطبل عليه... مع الإعتذار)
ولكن بقية الخامات والتقفيل جيد جدا وحركة الفتيس الأوتوماتيك شكلها حلو بصراحه
لكن السياره من الخلف ديقه حبتين أنا ظبط الكرسي الأمامي بتاع السائق واللي جنبه على قعدتي (في حين إن فيه ناس بتتجعص في الكرسي بزياده نتيجة الحجم أو العاده)
فوجدت أن ركبي ضاربه في ظهر كلا الراكبين الأماميين (كل ده والراجل عمال يبحلق فيا مش فاهم أنا بعمل إيه بس بصراحه مانطقش بكلمه غير لما سألته في الأول ديه بكام وديه بكام وفين إللي بـ 149ألف وقالي ماسبف وإنتهى دوره بالنسبه ليه)
بعد كده نزلت وأنا مخنوق من الكنبه الخلفيه لضيق القعده بشكل متعب
فتحت الشنطه لقيتها معقوله جدا وتكاد تكون كبيره نسبيا ... وإستغربت وقلت في عقل بالي يادي الغباء مكانوا وسعوا الكنبه الخلفيه على حساب الشنطه شويه (دي عربيه هاتشباك وموضوع حجم الشنطه مش مهم أوي)

ومن ثم ذهبت للساحره إللي بـ 175ألف (ولكنها مانيوال فقط..... 150 حصان)....... تقفيل وجوده وجلد وخياطه ولون مش عادي داخلي أو خارجي
فلونها بالخارج أسود وجنوطها مأكسده على أسود .... ومن الداخل لون أسود في أحمر جلد في قماش وبخياطه قمه في الروعه والشكل الرياضي بلون أحمر حتى بالطاره جلد وبخياطه حمراء جامده من الآخر
ولكن بالفعل التكييف زرايره عجيبه حبتين زي ماقلت ياهندسه ولكن مقبوله (إحنا مش حنكون بنتخانق مع العربيه) فأجده مش بطال
وسيستم صوت جامد وبصب ووفر بالشنطه مدمج بطريقه هايله جدا ولكن عيب الجلوس الخلفي لايغتفر في سياره أصلا أبعادها ليست بالقليله !!!!!!!


رأيي شاور نفسك تاني وبص على الموجوده بـ 135ألف يمكن تقنعك لو مش مهم موضوع الكنبه الخلفيه بالنسبه ليك
ولو مهم لاتتعب نفسك وفكر في الألماني كما سبق وقلت ليك
هاتها ياسيدي BMW 116 هاتشباك وحتلاقي منها سيارات بأسعار محروقه زيرو من بتاعة فودافون
وفيه واحد على فكره بالمنتدى بيعلن عن واحده من بتوع فودافون زيرو للبيع بسعر مغري جدا

ولك تحياتي ياهندسه
كان معكم أحمد كامل
محدثكم من القاهره - الدقي

رد: و سقط حبى للبرافو ......وقلبى يبكي لفراقها
 

واضح يا اتش باشا ... انك تقريبا اتفرحت على كل العربيات اللي في رينج ال 150 ...
و انك ميال لحاجه اوروبي هاتشباك بمواصفات محترمه وجوده خامات و تقفيل ...
لكن مقلتش رأيك في الاسترا ...

رد: و سقط حبى للبرافو ......وقلبى يبكي لفراقها
 

خلى بالك يا اتش انى قولت انى كنت هجيب اللى ب 150000
أكيد شوفتها
و شفت كمان اللى ب135000 مع محمد كمال
يعنى شوفت الاتنين
على فكرة أنا طولى 180 سم و وزنى 125 كجم
احسبها انت بأه

رد: و سقط حبى للبرافو ......وقلبى يبكي لفراقها
 

بص يا أبو حميد يا هندسة ...............بما أن إحنا طلعنا قرايب أنت راجل بتهندس وكل حاجة عندك بال سم و أنا راجل بتاع ديزاين و اللى بيحط فرشة لون غلط فى غير مكنها بخرشمو.......عارف المشكلة فى ايه

أن انت لما تحب حاجة قوى و دى كانت طبيعتى مع البرافو ...أكيد العيب لو كان صغنن بيتعب أوى ....ذى لما أقرب واحد ليك مثلا يشتمك ....هاتزعل أوى عن لو واحد ماتعرفوش...عشان أنت مش مستنى من صديقك اى حاجة وحشة...بس أنا سبب رفضى للبرافو ماكنش فقط الحاجات الحسوكة اللى فى التصميم الداخلى بس أنا قلت حاجات واقعية فى العربية مش هايختلف أثنين عليها

1- النور الضعيف ....و ده ممكن تجربو لأنه كويس فقط فى موديل ال150 حصان عشان الزينون
2- ضيق المساحه الخلفية للركاب ..ودى أنت بنفسك لاحظتها
3-مشكلة التيربو بعد ال 100.000 ودى كل الناس بره بتتكلم عنها وممكن تسأل حد بره عندو العربية لأن العربية ماكملتش 20000 كم فى مصر لسة
4- عدم إختبار الوكيل بشكل جاد فى المشاكل الفنية و التكنولوجية خصوصا أن العربية مالينا إلكترونيات و أوماترا مابقالهاش كتير ......و العمالة هناك صغيرين فى السن و الكفاءات مشيت من زمان و مفيش مدربين أجانب ذى زمان ...عن تجربة بالبرافا فى التوكيل

اللى أنا عايز أقولة أن أنا بموت فى البرافو و لا غبار عليها كاسيارة و مفيش أثنين يختلفو على الجمال الصارخ للتصميم الداخلى و الخارجى بس العربية مش موتور و هيئة و بس وأنت سيد العارفيين...يبقى المسألة بالنسبة لى كانت محسومة بس أنا اللى مش شايف كويس عشان حبلا للعربية كان مغطى على رؤيتى لعربية أخرى لا تقل عنها فى جمال التصميم و القوة و هى الليون.

عشان كجة أنا قررت و أخترت و أنا مقتنع تماما و طبعا ناس كتير هاتختلف معايا بس لولا إختلاف الأذواق لبارت السلع ....أنا فى رأيى الليون هنا تكسب ...جودة التقفيل و الخامات و الأبشنز ...و على فكرة فيها 8 أير باج وكل الأمكانيات الأخرى مثل ابرافو و زيادة فتحة سقف و مساحة لطيفة بالخلف و متور مش هين و تصميم ثورى متميز برضة و فوق كل دة we are talking about german car ...الموتور جولف و ده ماحدش هايقول نص كلمة علية و المفاجأة أن العفشة عفشة أودى ....يعنى ناعمة و رياضية و خدمة شاقة فى نفس الوقت.................... .طبعا انت لو شوفتنى فى الشارع و أنت راكب البرافو و أنا الليون هاتسبق يا باشا بس مش هاتبعد أوى ...و فى النهاية هانقف جنب بعض فى أول اشارة على بعد 100 م من بداية جرينا مش كدا ولا أية

أنل أستقريت و دفعت و هاستلم كمان يومين أدعولى ربنا يباركلى فيها..و أكون أحسنت الإختيار و ربنا يكفينا شر طريقها

أما الصديق العزيز Sam Ram هما كلمتين و بس يا ريس ......الشركة المنعة إتباعت و العربية متجمعة فى بولندا .....وعندى صديق يمتلكها و و الله قاللى الزراير فى الدريكسيون بتقع...بس الحق يقال أنا كنت مسافر مرة بالبرافا و كنت ماشى بتاع 180 و الاقى طلقة بتعدى من جانبى و تطلع لأوبل أسترا بس كانت الكوبية ودى متقفلة فى المانيا مش بولندا......ثانيا الناس بتقول و ده كلام أنا مسألتش علية بنفسى للأمانة أن قطع غيارها أغلى من البرافو و الليون .....طب ليه بقى ...و بعدين برضو شكلها ماينافس "ده رأىى الخاص" البرافو أو الليون

أما الأخ الجديد leader فواضح كدا يا باشا أن إحنا هاندخل فى بعض شمال من الأول :HAPPY_~211: يعنى أيه ال 150000 ...مش مليون و نص ؟؟؟؟؟؟ هى مش فلوس ولا أنا لقيتهم مرمين على الأرض ...و لا قيمة الجنية بقت صفر للدرجة دى لدرجة أن ال 150000 بق رقم عادى على أى حال يا باشا لو دول رقم عادى بالنسبة ليك ...ممكن تسلفنى ذيهم و أجيب ال وان سريوس و أريحك من همى ؟؟؟؟؟...على العموم رأيك موضع إحترام كثير وكفاية نصيحتك الغالية ..مشكور بس أنا عاوز أقللك أن إحنا فى زمن الحسوكة لان دة اللى خلى دول أوروبا و أمريكا تتقدم ...متقدرش تسلمهم بضاعة أى كلام ...أنما أحنا بنفوت وطالما بنفوت هانفضل نركب صينى و هنجى كمان عن قريب "من غير ضرب ده رأى و كل واحد حر ولا دى كمان عليعا قانون حظر تجول"

أما SuMo ماشى يا عم أنت أتفقت أنت , الهندسة علي ....و الله لجبلكم باب ........ يا باشا رأيك على عينى و راسى بس أهو دماغ و لفة شمال ....بس أنا لما أشوف حاجة فيها عيب بتضايقنى .... و المصيبة أنك تاخد بالك..... لأنك كل ما تركب العربية عينك مش هاتبص على حاجة الأ العيوب اللى شفتها قبل كدة و اللى ممكن ماتكونش عيوب فى نظر حد تانى ....بس أنا شايف أنك داخل على قصة حب مع البرافو ذيى قبل كدة و إذا ماكنش عندك مشكلة فى اللى أنا قلته يبق مبروك مقدما البرافو....و لو سمحت لفه ...و ممكن نبدل يعنى :)

حزومه...................ش لتك للأخر ....باشا أكيد لازم نتقابل بس إبعتلى الأميل بتاعك عشان ابعتللك موبايلى عاليه....معلش مش هاقدر أكتبه هنا ....عشان أنا أتعلمت درس فى قصة كتابة الموبايلات فى المنتديات لنا جيت ابيع البرافا ....غلط و كتبت موبيلى و أستلمتنى واحد من أياهم و هاتك يا رن .......أتصلت و قلتلها يا بنتى أنا مش كدة دا أنا عندى جوجو ......أنها تعتقنى أبدا و أهى كل يوم تخلصلى البكارية من 100 ميسد كوول ؟؟؟؟أرحمنا يا رب من الأشكال دى......هاستنى أميللك و أبعت نمرتك و هاكلمك على طول عشان أعرف إذى ببتتقابلو و الكونتكت ما بينكو بيكون إذى

فين بق عم مشرف قسم السيات ......أهو ياعم انا جبت الليون....أدينى نصايحك :)

سلام للجميع بجد أنتو ناس هايلة و أنا حبيت الكلام معاكو "أيه ده أنا ليه بتكلم كأنى هاموت؟؟؟" :) سلام سلام عشان أنتو عارفيين أن انا مش رغاى ptmnlo123per135

رد: و سقط حبى للبرافو ......وقلبى يبكي لفراقها
 

ابو جوجو حبيب قلبي لازم ان شاء الله تشرفنا و نتقابل
خد اميلي اهو
zoma2000@hotmail.com
hazem_khidr@yahoo.com
و دا رقم موبايلي حكتبه هنا(ما انا ماعنديش جوجو ولا جمعه الشوان حتي هههههههه)
0122949398