مصر موتورز مجتمع السيارات - دلونى لانها عجبانى

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - دلونى لانها عجبانى (https://www.masrmotors.com/vb/showthread.php?t=73750)

رد: دلونى لانها عجبانى

اقتباس:

المشاركة الأصلية كتبت بواسطة odaoda (المشاركة 570115)

بغض النظر عن قرارك النهائى الى ذكرتة

انا بس اتمنى من اعضاء جاك يعودوا لسكونهم تانى لان بصراحة اى حد بيخش يقول اى كلام وهو لا شاف العربية اصلا ولا ركبها
محسسنى ان احنا الى مش راكبين العربية
العربية بقالها معايا سنة ونص ومغيرتش قطعة واحدة من العربية وعاملة 25 الف كيلو للاخ الى دخل الاسبيرانزا فالموضوع
قرار شراء اى حد للعربية ميتوصفش بالساهل كدة
دة انا عربيتى معملتش معايا اى حاجة واقسم بالله مطلع عينيها فمطبات وسفر ونقر وشوارع زى الزفت ومشتكتش وعمرى ما قلت ولا هقول لحد انصحك بكذا
تخيل لو نصحتة بحاجة وطلعت مش عجباة تتحمل دعوة واحد؟؟؟؟؟؟؟
لكن بكل بساطة بنقول انصحك بكذااا !

واستاذ احمد معدى ال 60 الف كيلو ومغيرش حاجة برة العربية غير بلى العجل
وكل ملاك العربية الكرام تكاد تكون الشكاوى مبسطة
لكن اة الوكيل ضعيف انا مقلتش حاجة
لكن اى حد يخش يفتى ويقول خامات رديئة
وواحد يرد يقول مقبولة
بقيت حاسس انهم بيتكلموا عن عربية لا املكها
وبنفضل ساكتين ساكتين ونرجع مع اول موضوع نلاقى ناس تخش تقول اى كلام الى يكلم عن السعر والى يكلم الخامات الرديئة!!!!! رديئة!!!! رديئة ازاى طبلوة جلد وفرش جلد وصاج محترم لعربية ب 80 الف جنية
امال الدايو خاماتها تبقى اية؟؟؟؟ ولا الشفورلية افيو ودى شخصيا كانت معايا
بجد الواحد بقى بيخش هنا يتحرق دمة وبس لناس بتكتب كلام لا تعى معناة اصلا
عموما اتقوا الله فى كلامكواا

اولا انا لما قلت ان العربية خاماتها رديئه فده مكنش فتى زى انت ما قولت وانا قولت قبل كده ان انا شوفتها فى المعرض وكانت زى الزفت ومفيش حد خالص من اللى كانوا بيتفرجوا عليها عجبتهم نهائى ولما كانوا بيسالوا عن السعر من باب العلم بالشىء ويعرفوا انها ب 84000 جنيه ومانيوال كلوا كان بيضحك ( استخفاف طبعا ) لانه وببساطة كان البرتيشن اللى قدام الجاك فى المعرض كان بتاع البريليانس وكانو عارضين الاف اس فى الكامله الاوتوماتيك والاف ار فى الكروس الكاكله الاوتوماتيك ب 88000 جنيه وبعدين لو انت مش متقبل راى فى عربيه انا شايف انها سيئه يبقى ردك لازم يكون بلياقه يعنى مش لازم بقى كلام فتى ومش عارف ايه والحاجات دى احنا كلنا هنا بندى وجهات نظر واراء مش اكتر

رد: دلونى لانها عجبانى

ياجماعة إية الاختلاف الرهيب دة ! كل واحد يشترى اللى عجبة , و بعدين بلاش التعصب لحاجة معينة يار يت نكون موضوعيين شوية بلاش الاراء المطلقة فى كل حاجة و التعميم فى الحلو و الوحش . فى الاول و الاخر القدرات المادية هى اللى بتحكم على كل واحد فينا هيجيب إية !
كلنا نفسنا نركب بى أم و مرسيدس و هوندا وووووو
الموضوع ابسط من كدة !
بالنسبة لموضوع الخامات المستخدمة فى الجاك عن تجربة ووجهة نظر شخصية الخامات محترمة و جيدة جداً مقارنة بموديلات أغلى منها بحاجات بسيطة .
بالمناسبة العربية عاملة معاى 71000 كيلو و الحمد الله كويسة

رد: دلونى لانها عجبانى

اقتباس:

المشاركة الأصلية كتبت بواسطة ahmedchina (المشاركة 570802)

العرض المحترم لوجهات النظر لا يفسد للود قضية ابدا ولكن الكلام غير اللائق زى (الفتى - واتقوا الله وغيره ) طبعا لا يليق بمحاورات لائقة فة منتدى جدير بالاحترام زى مصر موتورز.
والله الموفق

رد: دلونى لانها عجبانى

اقتباس:

المشاركة الأصلية كتبت بواسطة mody112 (المشاركة 570674)

شوفوا ياجماعه هى العربيه اللى انا شفتها كانت خامتها مقبوله . والشكل العام للسياره فخم . وصاحبها شكرلى فيها عالاخر . وسالته عن سعرها فقال انه جايبها ب76 الف. ودا كان تمن من وجهه نظرى مش قليل على عربيه صينى لكن يمشى الحال اذا كانت فعلا جيده . لكن ب 84 الف مستحيل اجيبها وحتى على فرض ان خامتها ما زالت على نفس الجوده . اى كلام عنها وهى ب 84 الف لا يعنينى ولا هتكون فى قائمه خياراتى اصلا ..وعفوا ولا عند اى عاقل ..ازاى عربيه صينى 1500 سى سى منيوال ومش منتشره او معروفه وتكون بالتمن ده .... مالها النيو اكسنت والا الجين تو والاوبترا .حتى لو فيه الفين تلاته زياده هيكونوا لا شك فى محلهم ...الكلام ده انا بقوله عن اقتناع تام ورجاءا محدش يزعل لان فعلا 84000 بالنسبه ليها سعر يضحك .

رد: دلونى لانها عجبانى

عندك حق لان الوكيل سياستة التسعيرية مش صح و بعدين مش عامل تشكيلة موديلات يعنى يخلى فئة ب69 و فئة ب74 و فئة ب78 و أعلى فئة تكون 84 مثلاً
خصوصاً إن العربية فى الصين متوفرة بموديلات كتير
و البافارية بتعمل الموضوع دة مع البريليانس و الاخر الناس بتختار موديل معين و الوكيل بيركز علية و يشتغل علية طلما الناس شايفة إن سعرة مناسب لهم بس النهاردة العربيات اللى حضرتك ببتكلم عليها الفرق كبير فى السعر بينها و بين الجاك يعنى مش الفين و بس العربيات دى زحفت بقدرة قادر الى رنج ال90 الى 110الف
，دة اللى اعطفى الفرصة للعربيات الصينى إنها تزحف الى الارقام الحالية .
يعنى النهاردة الالنترا الشكل القديم كانت من 100 الى 135 الف تقريباً
الشكل الجديد زحف الى 125 الى 160 الف خلى النيسان و الاوبترا دخلت حيز مساحة الى 90 الى 110 الف بعد ما كانت ب 80 الى 95 الف و الاكسنت الجديدة نفس الحكاية فى الاخر المشترى هو الضحية