مصر موتورز مجتمع السيارات - تجربتى مع الغاز فى الفيرنا

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - تجربتى مع الغاز فى الفيرنا (https://www.masrmotors.com/vb/showthread.php?t=72283)

رد: تجربتى مع الغاز فى الفيرنا

اقتباس:

المشاركة الأصلية كتبت بواسطة tonsy1979 (المشاركة 555783)

شوف يا اخ احمد انت راجل مؤمن قال تعالى (قل لن يصيبنا الا ما كتب الله لنا)
بالنسبة للبلوة اللى فى الشنطة ففى بلوة تحت الكنبة اسمها تنك البنزين وربنا هو الستار وبعدين تحويل السيارات بالغاز موجود فى مصر فوق 10 سنين مسمعناش ان لاقدر الله عربية ولعت منه انما عربيات كتير ولعت من البنزين
نيجى لموضوع العفشة صدقنى مش ماثر خالص والله بيبقى راكب معايا 4 افراد فى العربية مش كلهم تخان والحمدلله مش بتحك معايا ولا حاجة انا2011 اعرف ناس تانية 2010 اتنين بس قدام ومفيش غاز وبتحك فى المطبات فالموضوع بيختلف من عربية للتانية وحسب استخدام كل واحد
اما مسئلة انك بتخاف من كل ماهوجديد فده امر طبيعى علشان كدة اناعملت الموضوع ده علشان تجربوا فيا هههههه:smileW4:

مفيش كلام يتقال بعد اللي انت قلته والله شكرا للمعلومات الجامده دي ربنا يجعله في ميزان حسناتك

رد: تجربتى مع الغاز فى الفيرنا

الله عليك يا تونسي باشا موضوع في الجون وانا كنت عايز بقا اخد نصيحتك انا بعمل في السنة 10 الاف كيلو بالعربية هل احول لغاز ولا اخلي عربيتي بنزين زي ما هيه انتا ايه رئيك

رد: تجربتى مع الغاز فى الفيرنا

اقتباس:

المشاركة الأصلية كتبت بواسطة corsair (المشاركة 555992)

تسلم يا احمد باشا ممدوح على فكرة انا كمان محمد ممدوح ..التونسى ده لقب العائلة يعنى طلعنا اخوات :fun_15_8_204[1]:
شوف بقى يا اخويا بالنسب للغاز هو عملى واقتصادى ومستقبلا هو اخر طاقة معرضة للنفاذ واوفر بكتييير من البنزين نظرا لوفرته والاكتشافات المستمرة لاباره وبعدين انا متخوف من ان السنة اللى جاية دعم البنزين هيقل خالص ان مكانش هيتلغى اصلا فممكن نلاقى لتر البنزين يوصل 5 جنيه تبقى كملت وساعتها تيجى تحول تلاقي مصاريف التحويل وصلت 10000 ج لان الضغط عليه هيبقى كبير ...على فكرة الكلام ده انا مش مستبعده .. وربنا يستر
نيجى لموضوعك يا حمادة انت طبعا فى الوقت الحالى ولو فضل سعر البنزين زى ماهو وعلى قد مشاويرك القليلة هيبقى الغاز بالنسبه لك مش عملى انما الحكومة لو ناوية تتجنن وترفع البنزين هتلاقى مصر كلها حولت غاز ... ولك منى ارق التحيات :HAPPY_~211:

رد: تجربتى مع الغاز فى الفيرنا

اقتباس:

بالنسبة للبلوة اللى فى الشنطة ففى بلوة تحت الكنبة اسمها تنك البنزين وربنا هو الستار وبعدين تحويل السيارات بالغاز موجود فى مصر فوق 10 سنين مسمعناش ان لاقدر الله عربية ولعت منه انما عربيات كتير ولعت من البنزين

بس الغاز مضغوط يا باشا
انما البنزين مش مضغوط
هي فكره معقوله للي مش محتاج الشنطه في سفرياته

رد: تجربتى مع الغاز فى الفيرنا

كدا بصرة يا محمد باشا وبعدين انا عندي في العيله اتنين احمد ممدوح وعندي محمد ممدوح بردك ههههههههههههههههه

وتسلملي يا غالي علي المعلومات الجميلة ديه وانا فعلا مجبر علي البنزين لان مشاويري قليله وربنا يستر والبنزين يفضل راسي علي السعر ده