رد: عاوز رايكم بالله عليكم
اقتباس:
انارحت لواحد عفشجى تانى وقالى العربية محتاجة علبة دريكسيون وبيضة مقص فقط لاغير وقالى هيكلفونى حوالى 300او400جنيه بالمصنعية والتركيب وانشاء الله هاسأل ثالث ورابع للتأكيد بس نسيت اسأله البيضة مسلوقة ولامقلية ههههههههههه:ROFL_C~118: |
رد: عاوز رايكم بالله عليكم
اقتباس:
ومن خلال خبرتى كده اقدر اقولك ان البيضة بتاعة العربية دى Omelet لانه اخف على معدة العفشةههههههههههههههههه:0 959C9~155: |
رد: عاوز رايكم بالله عليكم
اقتباس:
انا رحت الوكالة يوم الجمعة اللى فاتت ولفيت حوالى ربع ساعة فقط ولقيت محلين لقطع الغيا ر شغالين فى السيمكا ولقيت عندهم عفشة سيمكا 73 كاملة بسعر 500جنيه طيب ما الحاجه موجودة اهيه ليه الاخوة الكرام قالوا صعب نلقيها ولايمكن انا اللى حظى كويس على العموم انارايح انشاء الله للعفشجى يوم الجمعة القادمة حسب الاتفاق ادعيلى ربنا يوفقنى عشان ابدأ بقة حصص التعليم لأنى اشتقت جدا للسواقةMADDRIVE |
رد: عاوز رايكم بالله عليكم
اقتباس:
شوفت بقى ان اللى يدور يلاقى ..؟؟؟ اديك حطيت رجلك على اول الطريق ومجهود شخصى منك.... انت كده 100 100 المهم يا بطل انك تتابع بقى مع الوقت انزل كده ساعة روقان وشوف اللى ناقص فى العربية(حسب رؤيتك) ولما تكون فاضى او معدى جنب الوكاله عدى واسأل على الحاجات اللى انت عايزها خد فكره عن السعر ع الاقل وطالما لاقيت واحد عنده قطع الغيار دى يبقى ان شاء الله هتلاقى اتنين وتلاته واربعة وباين عليك عندك اصرار انك توصل لحاجه (ميزة مهمة جدا) بالنسبة ان بعض الاخوه الافاضل قالك مش هتلاقى قطع غيار اعتقد ده بيرجع الى ندرة(او انعدام ) وجود الماركة دى فى السوق سواء على مستوى الاقتناء (حد عنده) او على مستوى التجارة( بيع وشراء) فا ده اللى خلاهم يفكروا ان مالهاش قطع غيار وان شاء الله كل شىء هايتلم ويبقى تمام ظبط عفشتك + موتورك كويس والحمد لله+ راجع على الكهربة والاشارت وتوكل على الله واتعلم وطالما العربية تحت رجلك يبقى بكتيرك اسبوع وتبقى سواق ماهر وبعد ماتخلص والتعليم فى الشوارع الداخلية الزحمة العادية بتاعة الطريق خللى اللى بيعلمك يخطفك كده حبه على الدائرى عشان برضه تاخد احساس الطريق ده لانه رخم ههههههه لا منه طريق سفر وفاضى ولا منه شوارع جوه البلد وزحمة حاجه عجيبة فعلا وربنا يحفظك اه نسيت اقولك : لو العربية عجباك.. وهاتحتفظ بيها شوية.. ومش هاتزهق منها فى يوم من الايام... وناوى تهتم بيها ...!!!!!! حاول فى كل فرصة تعرف قطع غيارها فين فى الوكالة والحرفيين وعزبة شلبى ودايما خليك فى حوار مع الصنايعية لما تعمل اى حاجه فى العربية ولاغيهم وكلمهم فى حاجات مختلفة عشان تاخد منهم كل المعلومات اللى تفيدك وربنا يوفقك يا عُص:waving: |
رد: عاوز رايكم بالله عليكم
اقتباس:
والله يااخى ردودك ومتبعتك معايا بستفيد منها وبذداد حماس وعلى فكرة اناا ستفدت كتير من الموضوعا ت بتاعتك مع انى ماكملتهاش كلها علشان وقتى ضيق لكن انشاء الله اكملها لانها فعلا مواضيع هايلة ومفيدة :018A1D~146: |
الساعة الآن 06:39 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017