رد: تقرير عن البرايد سايبا
 

طبعا بعد كلام او توضيح (أبونورا)مافيش كلام لكن لي تعليق صغير بالنسبه للسعر اعتقد انه مناسب لانه 46500 للسياره بدون تكييف وطبعا لو قورن بمثيلاتها حتكون السياره دي أفضل

رد: تقرير عن البرايد سايبا
 

أنا عرفت من واحد شغال في مركز الصيانة إن الموتور مش كوري، لكنه إيراني ومختلف شوية عن الكوري اللي كان بينزل زمان .. هل ده ممكن يسب لي مشكلة لو حصلت مشكلة في الموتور .. يعني هالاقي حد يفهم فيها برة التوكيل؟ وإيه نظام الصيانة في التوكيل .. مريحة وأمينة واللا ايه؟؟ منتظر ردودكم وشكرا

رد: تقرير عن البرايد سايبا
 

رد: تقرير عن البرايد سايبا
 

طب سؤال يا أبو نورا
1- العربية عاملة كام كيلو معاك حتى الآن؟
2- معنى كلامك عن الموتور ان لو حد حب يصلحه هيكون سهل؟ ولو لا قدر الله اضطر يغير الموتور هيلاقي؟ واللا صعب
3- بالنسبة لقطع الغيار الخارجية المختلفة عن البرايد زي الفوانيس ... هل دي موجودة فعلا ومتوفرة عند التوكيل وفي السوق واللا لأ؟
4- في رأيك ما سعر إعادة البيع لها .... يعني لو الواحد جابها وحب يبعيها سواء بعد فترة قصيرة أو طويلة هتتباع؟؟ وفي حدود كام في تصورك؟
5- استهلاكها للبنزين قد ايه؟ كام كيلو في الصفيحة؟
6- ايه أخبار اتزانها وثباتها وخصوصا عند السرعات فوق ال 100 وال 120؟
7- في رأيك تعيش كام سنة قبل ما تفتح بؤها؟

وشكرا مقدماً

رد: تقرير عن البرايد سايبا
 

أنا ان شاء الله هاستلم العربية على السبت الجاي .. الحمد لله مقتنع بيها .. بس كان لي سؤال وهو أنا عايز اركب لها إنذار هل لازم أركبه في التوكيل، وهل لازم أجيبه من عندهم؟؟ ولو عايز أركب فرشة داخلية أركب برة عند أي سروجي واللا لازم أرجع لهم عشان ماخرجش برة الضمان؟؟ يعني إيه اللي لازم يتركب في التوكيل، وإيه اللي أعمله برة عشان ماخرجش برة الضمان وشكرا جزيلاااا