|
رد: اقذر مرور فى العالم فى مصر.... اقذر مرور......
أن تابع لمرور السلام
وهو مرور مشهور مش محتاج أوصفه يكفي أنه يتعامل معه جمهور حوالي ربع ملاك السيارات في مصر كلها ملاكي وأجرة لكن أحب أقول لحضرتك إني لا أدفع جنيه واحد رشوة وبرخص هناك أكثر من سيارة لي ولإخوتي لأن إحنا اللي بنعلم الموظف الحرام والرشوة طالما ورقك سليم وكامل خش بقلب جامد ولو حسيت بأي عطلة من الموظف أو حسيت إن بيتمحك في رشوة فهمة إنك مبتطلعش جنيه ولو وقفلك شغلك تطلع على الظابط مدير الوحدة بدون تفكير وعلى فكرة أنا رحت مرور الوايلي خلصت ورقي هناك بدون ولا مليم ولما حصل مشكلة صغيرة دخلت للظابط وكان في قمة الإحترام الخلاصة الرشاوي حضرتك بتدفعها بمزاجك مش عايز تدفع أصبر شوية ويكون أوراقك كاملة وسليمة وهتخلص بإذن الله أنا عن نفسي بعتير دفع الرشوة حرام زي أخذها طالما ممكن تخلص حاجتك وتاخد حقك بدون ما تدفع وصدقني الناس هما اللي علموا الموظفين المرتشين إنهم يكونوا مرتشين آخر مرة بعد الفحص في مرور السلام رحت أختم من المهندس وقفنا قدامه طابور الناس كل واحد مجهز خمساية عشان يرشي المهندس المرتشي وصلت دوري حطيت قدامه الورق بصلي شوية لقى مفيش فايدة قال لي طيب على ما أمضيلك هاتلي زجاجة مياه ما اتحركتش من قدامه راح خاتم وماضي وقالي متنساش تبقى تجبلنا زجاجة مياه خدت الورق ومعبرتوش طبعاً كنت جاهز عشان لو وقفلي ورقي كنت هطلع على الظابط وهعمله أكبر فضيحة في حياته الخلاصة لو مش عايز تدفع إعتمد على الله وربنا هيوفقك |
رد: اقذر مرور فى العالم فى مصر.... اقذر مرور......
حسبنا الله ونعم الوكيل، اللهم عليك بالظلمة. آمين
|
رد: اقذر مرور فى العالم فى مصر.... اقذر مرور......
اقتباس:
ROSE4Uالسلام عليكم و رحمة الله و بركاتهROSE4U والله العظيم , انا لو من قريبك ده . كنت روحت للظابط المرتشى ده و كنت اتكلمت معاه و سجلتله الكلام كله بالموبايل و أشتكيه بشكوى خاااااااااااااااااصة و ملبسة الى السيد الوزير البلطجى , ( وزير الداخلية المصرى -الله يلعنه- مطرح ماهو متلقح ) يعنى هيحصله ايه أكتر من اللى حاصل , هو أصلا لسه مش عارف يطلع رخصة . أو يبلغ وزير الداخلية و يتعمل كمين لابن الكلTEEEEEEEEEEEET ده و يا سلام لو يعرف يصور ابن الكلTEEEEEEEEEEEET المرتشى ده بالموبايل السامسونج ال8910 أبو كاميرا 8 ميجابكسل . بس , انا معتقدش أن وزير الداخلية محترم عشان يعمل كده , ده ممكن يطلعوا قريبك ده هو اللى بيحاول يرشى الظابط الشريف العفيف . ولا أقولك بلاش , لحسن يتهموه انه تبع جماعة الأخوان المسلمين المحظورة و لا بيساند الفلسطينين فى غزة و يعتقلوه , خليه يبوس ايده وش و ضهر و يقول الحمد لله . MERCEDES S430 |
رد: اقذر مرور فى العالم فى مصر.... اقذر مرور......
انا بجدد فى مرور الحدايق ونيابة الوايلى فعلا بس مش بقابل الكلام دة
هيا عشرين جنية لمهندس الفحص و 5 جنية للواد بتاع البصمة وخلاص على كدة ويمكن حسب حالة كل عربية ليهم تسعيرة يعنى انا بدفع المبالغ دى غناوة بس عشان انجز انما لو مدفعتش برضو برضو حجدد عشان العربية مفيهاش الهوا وربنا معاك |
رد: اقذر مرور فى العالم فى مصر.... اقذر مرور......
الكلام دة للأسف موجود فى المرور والأحياء وجميع المصالح الحكومية والتى تتعلق بمصالح الناس ودى صفة من صغات كتيرة للأسف أصبحت موجودة بينا زى الوسائط والبلطجة والأستغلال والغش وعدم احترام الكبير للصغير وغيرها كتير...
وربنا يرحمنا جميعا |
| الساعة الآن 02:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017