رد: تجديد بيجو 505
 

بص الجنط دة فى منة 3 انواع
استيراد مستعمل طبعا
جديد صينى
جديد تايلندى ودة عمال تقريبا 900 او 1000 جنية
وانا طبعا ارشحلك الاستيراد لو عرفت توقع واحد نضيف يبقى انت كدة تمام اوى
غير الاستيراد يبقى التايلندى واوعى تجيب الصينى
وبالنسبة لمكانة فهو هتلاقية موجود فى المنصور فى الحسينية ولو وصيت عادل سراج هيجبهولك
انما هيكون متوفر اكتر فى بنك الاسكان فى بورسعيد وربنا يوفقك

رد: تجديد بيجو 505
 

ألف شكر يا باشا و ربنا ما يحرمناش منك

أنا متهيألى أن الاستيراد فعلا هيكون فى بنك الاسكان فى بورسعيد بس المهم أن الواحد يلاقى طقم نظيف,و بصراحة أنا لو مالقيتش من أول مشوار, هجيب التايلندى و خلاص:HAPPY_~211:.

ألف شكر يا ملك

رد: تجديد بيجو 505
 

شكرا ليك يااستاذ حماده علي المعلومات الجامده عن البيجو 505
وبصراحه قريت الموضوع من اول صفحه لحد الاخر وهات وخد مع الاستاذ مرسيدس وفعلا عرفت حاجات كتير مكنتش واخد بالي منها وربنا يكتر من امثاللك يااستاذ حماده ....
بالنسبه لي عندي عربيه بيجو 505 تبع الحاج موديل 80 المهم كانت العربيه راكنه جنب الرصيف وسواق الله يسامحه معهوش رخصه داخل فيها بعربيه اجره عشه من ورا بسرعه عاليه المهم جابت رف شمال بتاع تانك البنزين اتدمر خالص وفين وفين علي مالقينا سمكري رضي يشتغل في العربيه .....
قال عايز رف جديد او مستعمل غير الرف المخبوط مش عايز اقوللك لفينا مصر كلها
مدينه السلام والحرفيين والوكاله واغلب محلات توكيل البيجو المنيره وفي الاخر ملقناش
واحد معرفه اتصل بتاجر سيارات وقاله صعب تلاقيها لان محدش بيشتغل في البيجو 505 دلوقتي وقال تاني يوم هبلغك ولحد مالقي ربع عربيه موديل احدث من ال80 قولنا الحمد لله اننا لقينا رحنا للسمكري مخدش باله قبر مايقطع ويلحم ان الموديل ده احدث من ده غير بعد اسبوع من التركيب !!!!!
هل فعلا مفيش مكان في القاهره متخصص في البيجو 505 ؟
عارف انك في المنصوره بس قلت يمكن تعرف حد
وشكرا

رد: تجديد بيجو 505
 

أنا أعرف سمكرى شاطر كان سمكرلى العربية بتاعتى من حوالى 4 سنين

هو فى سندوب - المنصورة

اسمه هانى , فاتح ورشة هناك هو و أخوه هشام , الاتنين سمكريه

لو حبيت تروحله , هو فى سندوب فى الشارع اللى أمام المدرسة الاعدادية اللى على الشمال و أنت داخل سندوب بعد المقابر عالطول

روحله و قوله , أنا من طرف الدكتور أمين صبرى , أمين صبرى ده كان واحد صاحبى معاه عربية بيجو 505 -1982 و كان هو اللى معرفنى عليه

و آدى رقم تليفونه 0124231191

ان شاء الله , الراجل ده هيجيبلك من الآخر و بعدين أنت مادورتش ليه فى بورسعيد عند بنك الاسكان؟؟؟

MERCEDES S430

رد: تجديد بيجو 505
 

ربنا يخليك ياباشا دة بس من ذوقك
شوف يا سيدى مفيش حاجة اسمها حد بيعرف يشتغل فى فى البيجو ولالاء بس للاسف كل السمكرية انهاردة او معظمهم
مش بيردوا يشتغلوا الا فى الجديد علشان الصاج خفيف وردة سهل غير انة لو لقدر اى حاجة بيبقى معظمها فيها تغير يعنى بيبقى الموضوع مقتصر على الفك والتركيب ولما يشتغل فى عربية جديدة بيعرف يطلب الى هو عاوزة على عكس العربية القديمة بس لو الرفرف بتاعك فعلا انت شايف انة معتش ينفع يترد
فانت احسن حاجة انك تجيب رفرف تانى فعلا واى حاجة عاوز تجيبها للبيجو زى ما الاستاذ مرسيدس قالك اطلع على بورسعيد فى بنك الاسكان هتلاقى هناك كل ما يشتهى قلبك كل حاجة للبيجو موجودة هناك لانها بتيجى استيراد فى كونتينر من العربيات الى بيتجى متقطعة من برة عن طريق ميناء بورسعيد حتى فى المنصورة حاجة ال 505 صعب تجيبها مش زى ال 504 لانها منتشرة فى المنصورة
اصحاب المحلات عاوزين يجيبوا الحاجة الى بتشتغل وبتمشى على طول مش تتركن
وربنا يوفقك ان شاء الله