مصر موتورز مجتمع السيارات - حلقات مسلسل تيجو

تنويه ..
انا اشتريت فى حياتى مجموعه من العربيات
ما بين غاليه ورخيصه وده طبعا كان حسب ظروفى فى كل وقت ..
يعنى ممكن ابقى راكب عربيه بالشئ الفلانى والشهر اللى بعده اركب عربيه نيفا
ركبت الروسى والالمانى والفرنساوى والكورى والصينى
اشتريت مستعمل واشتريت زيرو
بالنسبه للزيرو /
اشتريت هيونداى اكسنت سنة 2000 زيرو ب 38000
اشتريت هيونداى فيرنا فى 2007 زيرو ب 68000
اشتريت هيونداى النترا فى 2009 زيرو ب 106000
واخيرا امبارح
اشتريت اسبرنزا تيجو 1600 زيرو ب 82500
وبأمانه انا اكتر مره ابقى فرحان بالصوره دى وانا راجع بالتيجو
عموما ده احساسى المبدئى ( مجرد شعور )
اما بالنسبه لاى تفاصيل
فأنا بوعدكم انى هكون صادق معاكم فيها
بحيث
انو يبقى مرجع حقيقى للى حابب يجيب العربيه دى
انا هقلكم
على اللى الاحظه او اكتشفه او اتعرضله
وانتم
لو حد حب يسأل على اى حاجه انا مقلتهاش او نسيتها
تأكدم انى مش هتأخر عليكم ابدا