رد: اعلانات رمضان المستفزة
 

رد: عايزة اتجوز
 

بصراحه المسلسل كوميدي لكن مبالغ فيه شويه
و الطبيعي ان اي عريس يكون فيه عيب زي ما هي اكيد فيها عيوب برضه

رد: عايزة اتجوز
 

ونقول الاسباب بس انا هقول من وجهة نظري المتواضعة وهقول مشكلة الزواج ككل مش ان البنات ممكن تاخد اي حد وخلاص

1. ظروف اجتماعية :
الامهات والقريبات
اغلبنا ان لم يكن كلنا امهاتهم او جداتهم من اهل الزمن الجميل الذي مضي وولي كان معدل سن الزواج عندهم ما بين 13 و 18 سنة اكثر من ذلك تكون البنت عنست وغالبا القلق بيكون مصدره الأم قبل البنت ، وطبعا كلام الجدات والامهات والخالات والعمات البيت ياختي مبيجلهاش حد والا ايه ، مش تروحي تشوفي ام فلان الخاطبة ، والا تخرجي بيها تروحي عند ام فلان والا ام علان تشوفها يمكن يحصل قبول بين البنت وبينها ده عندها ولدين طول بعرض بارتفاع كل واحد منهم قد النخلة ، ومحدش يقولي الكلام ده مبيحصلش لان الكلام ده لازال حتى يومنا هذا بيحصل سواء بالشكل المتعارف عليه او غيره

الفروق بين الجنسين ذكور / اناث
الحاجة التانية البيئة الاجتماعية اللي اعطت للولد حقوق اكبر من البنت خلت البنت عاوز تتحرر اكتر وتخرج من القوقعة اللي اتحبست فيها ولو كل بيت فيه بنت وولد يشوف المقارنات اللي بتحصل بينهم في كل حاجة مع ان ده انسان ودي انسانه والاتنين مش انبياء ولا معصومين من الخطأ ووارد جدا ان الولد يحصله مشاكل ويبوظ اكتر من البنت، ونتيجة للضغط ده مع الضغط الأول اللي قلنا عليه بتاع الامهات والقريبات البينت حاسة انها هتنفجر وعاوز الملاذ والخلاص من البيت ده باي شكل وبيزود الاحساس ده عندها لو واحده صاحبتها نده شوية تحرر او واحده اتخطبت او اتجوزت بدري وطبعا كلهم بيفشروا فشررررررررررررررررررررررر مفيش بعد كده ، اللي هو كل واحده فيهم بتخلي اصحابها عارفين ومتأكدين ان الخطوبة والجواز دول حاجة هايلة مفيش بعد كده وانها في قمة سعادتها وان خطيبها او جوزاه مش حارمها من اي حاجة ابدااااااااااا وانهم في منتهي السعادة ( مع انها لسه عاملاله محضر في القسم بعد ما اديتله روسة اخد فيها 7 غرز بس قالت ءأمن نفسي بمحضر ضده ) وهنا بقى تبدأ البنات تغير وقسما بالله انا سمعتها من اكتر من واحده ( اتخطب بس مش مهم اتجوز بس احس اني زي باقي البنات وان مرغوب فيا واني لا ينقصني شيء )

المهم تتجوز علشان تروح بيتها ومملكتها وتأمر وتتحكم في كل حاجة وكل كبيرة وصغير ةمش هتمشي من غير ما تحط بصماتها عليها ( لكن طبعا هيهاااااااااااااااااااااا ت )


اللي نعرفه احسن من اللي منعرفوش
المثل الدائم واحدي مشكلات المجتمع المصري عدم المقدرة على خوض اي تجربه الا اذا كان متأكد تماما من نجاحها علشان ميطلعش باي خسائر ولا مادية ولا معنوية والامثله على كده كتير في مواقف الحياة لكن في موقف الجوزا اللي بيحصل ان ابن خالتك اوخالك او عمك او عمتك او ابن الجيران اللي عارفينهم من 20 سنة او ابن زميل الوالد او موظف جديد عنده او او او او االمهم انه لازم يكون شخصية معروفه للاسرة ( وطبعا ده حقهم لكن برضة عدم الاقبال على توسيع الدائرة ده في حد ذاته مشكلة لان الخيارات بتزيد كل ما الدايرة توسع )
انا مش بقول اي حد يروح بيت الناس توافق عليه بالعكس فترة الخطوبة معموله علشان الطرفين والاسرتين يعرفوا بعض اكتر ويعرفوا اوضاع بعض اكتر قبل الخطوة الحاسمة ( الجوااااااااااااااز )

جواز الاصغر
الكارثة او المصيبة الكبري اللي بتكون عند البنت لو اختها الاصغر او اكبر منها بسنة او اتنين اتجوزت وخلفت ودي لسه قاعده ويا سلام بقى لو كان اخوها مش اختها هو اللي اتجوز دي بقى تبقى فيها حريقة في البيت ونار قايدة في البنت بسبب حاجة زي كده معقول البت المفعوصة دي اصغر مني بسنتين وتتجوز وتجيب عيال وتقعد في بيتها مرتاحة معززة مكرمة ولا بتقشر بصل ولا توم ولا بتخرط ملوخية ( لسه قايلين الفشر في الموضوع ده كتير )
ممكن الامور في الاسرة الواحده تكون اقل من كده بكتير خصوصا لو سنة الاخوات قريب من بعض ومتفاهمين وبيحبوا بعض ، لكن بقى لو بنت خاله او بنت عم وعلى صلة دايمة بالاسرة وعندهم بنت اتخطبت او اتجوزت وام دي تيجي لام دي وتقعد تحكي والعيال والجهاز وهنجيب الغسالة ال جي لا ياختي خليها زانوسي والا اقلك بيقولوا يونسفرسال شغااااااااااااااااااااااا ااااال كل ده والبنت المسكينة الغلبانه قاعده تسمع وتتقهر وتهري وتاكل في نفسها وهتموت من الغيظ
بقى البت المفعوصة دي اللي كانت بالمريلة اول امبارح هتتجوز وانا قاعده الله يرحم لما كنت بجيبها من شعرها واجرجرها في الارض وهيا تقلي يا ابله خلاص حرمت وهسمع كلامك


.............. يتبع

رد: عايزة اتجوز
 

منور ياعم حازم
ايه مش نويت تغير رايك


فعلا يا حازم باشا المسلسل كوميدي وده لو مكنش في اطار كوميدي مكنش ينفع يتقدم بالشكل ده ولو كنت شوفت المؤلفة وشخصيتها الكوميديه المرحة كنت عرفت انها عملاه على حسب شخصيتها
وانا عن نفسي شوفت مواقف بتحصل بين ناس قريبة جدا من اللي بيحصل في المسلسل

اما بقى عن العيوب فكلنا فينا عيوب
لكن مين فينا يقدر يقاوم عيوبه او يتقبل عيوب الاخر او يقدم تنازل علشان الاخر

رد: عايزة اتجوز
 

ونكمل


2. ظروف اقتصادية
كل اسرة فيها اللي فيها فيه على قد حاله واسر بسيطة عايشين اليوم بيومه واسر متوسطة واسر مقتدره وكله بياخد على قد ظروفه وكله برضة بيشكو من ضيق ذات اليد اللي دخله 500 بيشكي واللي دخله 1000 بيشكي واللي دخله 10 الاف بيشكي

ومن ضمن الشكاوى للأسف الشكوى من حمل او مصاريف الابناء خصوصا في ظل عدم وجود ظروف عمل مناسبة وياما ناس كتير قالت لولادها في وضها او من وراها امتى بقى تغورو من وشي بقى انا عاوز اشم نفسي شوية من الحمل اللي على كتافي وطبعا لو بنت سمعت كلمة زي دي او عرفت بيها او حستها بتتمنى اليوم اللي تخرج فيه من البيت ده على خير وتلاقي شخص يكون قادر على فتح بيت وتعيش حياتها بعيد عن الهم ووجع الدماغ
وفيه منهم اللي بتنزل تشوف اي شغل منه تخرج وتشوف وجوه جديده ومنه تفرغ طاقتها فيه ومنه تجيب مصاريفها ومنه ماتسمعش اللي بيضايقها كل يوم سواء من الاب او الام ومنه يمكن تصدف وتتكعبل في واحد لابس نظاره قعر كوبايه وتتدبس فيه وخلاص ( هههههه بهزر )

لكن فعلا بقى امر مؤسف ومخزي ان توصل بالناس تقول كده في وش ولادها ومحدش يقولي مبيحصلش لان انا غير حضرتك يا للي هتقول غير فلان غير علان

........... يتبع

رد: اعلانات رمضان المستفزة
 

انا باتخنق لما باشوف اعلان موبينيل بتاع شهريار والاعلان التانى بتاع اتصالات لماجد الكدوانى

رد: عايزة اتجوز
 

3. ظروف ثقافية
اختلاف الثقافة من جيل لجيل
في علم النفس والاجتماع كان الفرق بين جيلين 15 سنة ثم تقلص الفرق الى 10 سنين ثم الي 6 سنين والله اعلم دلوقتي الفرق بقى كام سنة بين الاجيال وبعضها

في الفترة الاخيرة ( اخر 30 سنة ) ومحدش يربط بينها وبين حاجة تاني علشان انا مش عاوز اروح مارينا
في الفترةالاخيرة حصل انفتاح كبير على ثقافات اخري وتحرر من ثقافات موجوده ومن ضمن الانفتاح ثقافه الزواج
اولا تغيير مفهوم الزواج المبكر ورفع السن القانوني ل 18 سنة وكان فيه اقتراح لرفعة مرة تانية ل 21 سنة مع العلم ان فيه ناس حتى وقت قريب بيتعملها شهادات تسنين وتتسجل انها 18 سنة وتتجوز والكلام د هبيحصل في مناطق ريفية او على الاقل البنت بتكون في ثانوي او اعدادي ومخطوبة ويوم ما تكومل 18 سنة بالظبط هو يوم عقد القران ويمكن الزواج كمان

ثقافة الوعي بالمسؤولية
كنا زمان بنشوف البنت وهيا عندها 10 سنين بتقف مع امها في البيت وبتعرف كل كبيرة وصغيره في البيت وكانت بنت 10 سنين تعي وتدرك الحياة ماشية ازاي وتتصرف ازاي احسن من بنت 30 النهاردة ، لكن النهاردة كل ما حد يكقول للام خلي بنتك تتعلم تشيل مسئوليه البيت لييييييييييييه لسه بدري بكرة تروح وتتبهدل ويطلع عينها خليها لما يجي النصيب نبقى نعلمها ولما يجي الاخ يالقي كل حاجة بتتعمل في البيت من ايد الهانم خد البسبوسة دي دي البت سوسو اللي عمالها بايديها ، دوق المحشي ده ده هيا اللي لفاه بايديها ، ويبص يلاقفيها قمر 14 قدامه مين اللي عامل الميك اب ده ده هيا والله اللي عاملاه بايديها ( مش عارف انا هو كل حاجة بايديها بايديها وحد كان قال انها بتعمل برجلها ) وبعدين يكتشف المغلوب على امره ان كل انواع الاكل دي حماته اللي عملاها وانالميك اب ده بعتوها شهر عند الكوافيره تعمل عمليه تغيير جلد ، وشد وش وبوتوكس وبعدين في الاخر 2 كيلو بوية من عند عم عبده النقاش يدولها وشين ، كل ده علشان الباشمهندس يشرب ويتبدس في الموضوع

مع ان البساطة مفيش احلى منها والطبيعي يكسب والبلدي يوكل ( فينك يا عبد الفتاح القصري)


................... يتبع