مصر موتورز مجتمع السيارات - حل لاى مشكلة خاصة بالسيتروين والبيجو والرينو واجابه لاى استفسارات مجانا

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة mr.a7med (المشاركة 977454)

كل الشكر و التقدير للأستاذ/ FARID SHAWKY على هذا المجهود الكبير

و عندي استفسار
أريد شراء سيارة في حدود عشرين ألف جنيهًا 20000
محتار بين
بيجو305 طيارة
ستروينAX
ستروينZx
128 - 127

ياريت رأي حضرتك ولو عند حضرتك سيارات للبيع

كل العربيات ال قولتها كويسة
اهم حاجة تختار عربية سليمة
وتكشف عليها عند متخصص

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة tahoun33 (المشاركة 977450)

أنا عربيتي رينو لاجونا 1
وعايز اعمل فيها حبة شغل

انا عايز اغير طنابير أمامية

ومقصات أمامية

وريداتير

واغير سير الكاتينة والسير العمومي

وكمان حساس الشكمان

وأكشف على الفتيس الأوتو ومشكلته كالآتي
بعد تغيير زيت الفتيس ( mobil 320 )
الغيار الثالث بيتأخر شوية وساعات لما ييجي ينقل متأخر يروح صوت العربية عالي وواطي بعدها علطول يعني تعمل ( فوووم ) صوت يعني
وساعات بتنقل عادي خالص
وأيضا ساعات وأنا مسافر بس مشاوير طويلة تروح جايبة غيار عكسي ومتنقلش الا لو بطلت العربية ودورتها تاني وطبعا تروح منورة service ,, وساعات بتمشي زي الفل وبتعملش حاجة خالص

لو تعرف حضرتك تفيدني أجيب قطع الغيار منين وبالذات الريداتير
ولو في مركز صيانة محترم ممكن اروحه أو ميكانيكي محترم بس أهم حاجة الأمانة والصنعة وانه يبقى عارف يشتغل في العربية وشكرا

كل قطع الغيار ممكن تجيبها من السابع فى مدينة نصر فى حد كويس جنب ابو راما او من شارع دمشق اما بالنسبة للتركيب حضرتك ممكن تكلمنى حسب عنوانك اقولك الأقرب ليك

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة ahmed25 (المشاركة 974816)

تحياتى للجميع : من فضلكم حد ممكن يدلنى على مكان رقم الموتور فى الستروين بيكاسو اكسارا 200سى سى ؟ ولكم جزيل الشكر

لو انتى واقف ادام العربية ها تلاقى على أيدك الشمال فى طرف البلوك من اعلى من الخارج أسفل وش السلندر مباشرة يعنى اعلى نقطة من الطرف الأيسر الخارجى فى البلوك

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

مستر فريد
أتمنى أن تكون بأفضل حال
أنا إشتريت عربية ستروين C4 موديل 2006 والحمد لله زي الفل بس من يومين كنت محتاج بنزين ومش لاقي 92 إضطريت إني أحط 20 لتر 80 ومشيت عليها مفيش مشكة وفجأة إبتدت العربية ترتل زي ميكون شغالة 3 رشاشات بس ومفيش سحب للعربية روحت زودت بنزين 92 وحطيت زجاجة منظف للرشاشات وسحبت العربية معايا كويس وبعد يوم فولت العربية بنزين 92 وأنا ماشي حصلت معايا نفس المشكلة العربية بترتل ومفيش سحب والعربية بالنسبة لى جديدة معرفش عنها أي شئ أرجوا من حضرتك التوجيه والإفادة ولكم مني كل الشكر والإحترام أخيك / مجدي السيد

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة MohamedGhobish (المشاركة 970493)

السلام عليكم
انا عندي ال 307 و انا ماشي الباور بيفصل و الدركسيون بيكون ثقيل كانها مفهاش باور و عندما اطفيها و اشغلها تاني يشتغل عادي كإن محصلش حاجة
يا ترى ايه المشكلة؟؟؟

فصل الباور للأسباب الآتية
فيوز الباور العمومى
مشكلة فى هارد وير طلمبة الباور