مصر موتورز مجتمع السيارات - حل لاى مشكلة خاصة بالسيتروين والبيجو والرينو واجابه لاى استفسارات مجانا

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

كل الشكر و التقدير للأستاذ/ FARID SHAWKY على هذا المجهود الكبير

و عندي استفسار
أريد شراء سيارة في حدود عشرين ألف جنيهًا 20000
محتار بين
بيجو305 طيارة
ستروينAX
ستروينZx
128 - 127

ياريت رأي حضرتك ولو عند حضرتك سيارات للبيع

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة filex17 (المشاركة 969566)

متابع لاني لسه شاري c3 2004 موتور 1100 مانيوال
عندي العربيه سعات تبطل و هيه ماشيه كل ماشيل رجلي من علي البنزين و تفضل كده 10 دقائق و ترجع تتظبط لوحدها 2-لمبه الشيك علطول منوره بس العربيه ماشيه عادي
3-العربيه بتاخد و قت علي ما بتجمع اقصد لما بدوس علي البنزين علي الاخر مبتسحبش بسرعه
4-لما بستخدم المفتاح العادي لفتح باب السياره مش بيخش كله جوه الكالون بس السنتر بالريموت شغال عادي
5 اخيرا و اسف علي الاطاله في زرازرن تحت الكاسيت يمين مش عارف بتوع ايه

ال فى العربية عندك ده ممكن يكون فلتر البنزين مكتوم شوف اخر مرة امتى غيرته ولو الفلتر سليم وسالك تمام ممكن يكون ضغط طلمبة البنزين ضعيف وده يفضل الكشف بالجهاز اما بالنسبة للكالون يفضل يعاد ضبطه عند أخصائي كوالين

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

ياباشمهندس.... اسف للازعاج .. بس ممكن توضيح
هو فعلا فيه مشكله في فتيس الاوتوماتيك بتاع ال c4 لغاية موديل 2006 ... وياتري المشكله دي اتحلت في الموديلات اللي بعد كده .. ولا الكلام دا مش مظبوط ؟؟؟
وياتري لو الكلام مظبوط .. نفس المشكله دي موجوده في ال c3

ثانيا ... هو ال c3 الموجوده الفتيس اسمه تقريبا tiptronic والقديم منها قبل 2010 اسمه
sensodrive
هما دول فعلا اوتوماتيك في السواقه والفرق بس في التصنيع ... ولا فيه فرق في السواقه عم الاتوماتيك العادي ...
وياتري اي نوع من الفتيس احسن ؟؟؟؟

وشكرا جزيلاااااااااا

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة dr_youtobia84 (المشاركة 978416)

الفتيس ال c4 مش نازل بعيب ولا حاجة بس ساعات الفتيس ممكن يتعرض لارتفاع درجة الحرارة عن الطبيعى نتيجة خلل فى دائرة التبريد. او عطل فى مروحة التبريد لو ال راكب العربية تجاهل ارتفاع درجة الحرارة ده بيأثر على الفتيس او ممكن اويلسيل يتلف فينقص الزيت وده برضو يأثر على الفتيس جداً يعنى كل العيوب نتيجة إهمال فى الصيانة لأكن انا اعرف ناس عاملة كيلو متر اكتر من 200000 كم وفنييها ماشى تمام علشان بيحترموا العربية وصيانة محترمة ف بالتالى المحصلة ها يكون الفتيس معمر
و قيس ده على كل السيارات الفرنسية وغير الفرنسية
وكمان ال c3 نفس القصة اما بالنسبة ال c3 وطبعا بالنسبة للفتيات المانول كهربا ذى البلوريال فهى عبارة عن وحدتين تحكم كهربا واحدة للدبرياج واسمها اكتويتور لفصل الدبرياج وواحدة سلكتور لنقل الغيارات وطبعا دول بيتحكم فيهم الكنترول الخاص بالفتيس وطبعا ليهم عمر افتراضى وليهم برمجة بالجهاز يعنى فى مانول معين للصيانة قبل تلف اي قطع بالاوضح ممكن تعطل العربية نتيجة اى خلل فى الكهربا مثلا ذى تلف الدينامو فلو ذاد الفوات او نقص عن الحد الطبيعى ممكن العربية تفصل فتيس وبعد إصلاح العطل لازم تبرمج من جديد وتبقى ذى الفل اهم حاجة وباقولها مليون مرة اى سيارة حديثة لازم ال يشتغل فيها لازم يكون عنده خلفية عن لغة التفاهم مع السيارة سوى بالخبرة او الاجهزة
أتمنى أكون قدرت أفيد ال يشوف. الكلام ده

وشكرا
فريد شوقى

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا

اقتباس:

المشاركة الأصلية كتبت بواسطة MohamedGhobish (المشاركة 970493)

السلام عليكم
انا عندي ال 307 و انا ماشي الباور بيفصل و الدركسيون بيكون ثقيل كانها مفهاش باور و عندما اطفيها و اشغلها تاني يشتغل عادي كإن محصلش حاجة
يا ترى ايه المشكلة؟؟؟

ده اكيد الفيوز الخاص بالباور لأما. ممكن الهاردوير فيه مشكلة