مصر موتورز مجتمع السيارات - سال وهتلاقى المتخصص الى هيجاوبك عن سوالك فى بيجــو

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

رد: سال وهتلاقى المتخصص الى هيجاوبك عن سوالك فى بيجــو

باااااااااااشمهندس..... عندي كام سوال عشام مشروع تعديل كده..... ال 607 الموتور ال 3000 سي سي .... طولي ولا عرضي.... و يعمل كام بالجير بوكس بتاعه و الكباس و الضفيرة لو كان طولي....
الحاجة التانية... طقم الفرامل كامل... الاربع طنابير و الاربع سكاكين بتاع ال607 يعمل كام بردو
طولت عليك...
شكرا مقدما

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة DR.AMER HASSAN (المشاركة 536928)

- جميع مواتير ال 607 موتور عرضى زى جميع موديلات بيجو العادية.
- مش عندى اى فكرة عن موضوع التعديل.
- تقريبا طقم تيل وطنابير أمامى وخلفى مش اقل من 5 الاف جنية

رد: سال وهتلاقى المتخصص الى هيجاوبك عن سوالك فى بيجــو

السلام عليكم ورحمة الله وبركاته
في البداية احب اشكر ادارة مصر موتورز لاتاحة الفرصة للمحترم جدااااا المهندس / هيثم وانا عارف ان احنا كلنا تعبينه معانا بس ده قدره (( إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة)) .
سؤال انا عندي بيجو 307SW 2007 وفيها نفس مشكلة النتشه احيانا بي الخيار الاول والثانى واحيانا قليلة جدااا في رجعة الغيار الاول والتانى برده ( وانا بضرب فرمل احيانا بحس بيها وهي بترجع الغيار من التانى الي الاول ) ومن رد حضرتك الشافي الوافي للزملاء فهمت ان ممكن يكون بلف الفيس .
هل ممكن اصبر علي الموضوع ده لحد ميعاد تغير الزيت مع العلم ان العداد عامل 73000 ك / م ولا لازم اغير زيت وبلوف بسرعة ؟ وهل لو صبرت شويه غي ضرر ممكن يبوظ حاجة تانيه وشكر وهل ممكن يكون النتشه دي في قعدة الفيس ؟ سؤال اخير عايز اعرف طريقة استخدام الامثل للفتيس يعنى مثل اقف علي D طويلاا زي ما بيحصل في اشارات المرور الي بتقعد اكثر من دقيقتين ؟ صح ام غلط وما ضرر ذلك
اعتذر للاطالة يا بشمهندس

رد: سال وهتلاقى المتخصص الى هيجاوبك عن سوالك فى بيجــو

لو سمحت هو المفروض تغير زيت الفتيس علي كام كيلو ؟؟؟؟؟؟

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة haderkhalaf (المشاركة 538667)

اقتباس:

المشاركة الأصلية كتبت بواسطة haderkhalaf (المشاركة 538830)

لو سمحت هو المفروض تغير زيت الفتيس علي كام كيلو ؟؟؟؟؟؟

أولا أشــكرك على كلامك الطيب وجزاك الله كلك خير وربنا يتقبل صالح أعمالنا ويستخدمنا فى الخير........

الفتيــس الأوتوماتيك لبيــجو 307 والــ 406.

الموضوع بأختصار أن فى مشكلة منتشرة وهى النتشة بين الغيار الأول والثانى وسعات بتيجى على فترات متباعدة أو متقاربة وسعات بتبقى على خفيف أو جامد....
وقلنا أن حل هذة المشكلة:- (طبعا لازم تروح مركز خدمة معتمد من بيجو )
1- انك أولا ترفع العربية وتشوف إذا كان فى تسريب زيت فتيس او لأ.. لو فى تسريب بتغير اويل سيلات فتيس لو مفيش نخش على الخطوة الثانية.
2- نحط السيارةعلى جهاز تشخيص الأعطال ونشوف ما إذا كان هناك عطل ما ونشوف ضغوط الزيت عالية ولا واطية ولا ايه بالظبط.
3- لو فى مشكلة فى ضغوط الزيت بنغير زيت فتيس وبلفين فتيس.

بالنسبة للنتشة الجامدة بتكون من الفتيس نفسو مش من قاعدة الفتيس والنتشة الجامدة طبعا لو انت سكت عليها بالتأكيد هتبوظلك القواعد وممكن نتحتاج سعتها إننا نفك الفتيس ونعملو طقم إصلاح (تكلفة عالية من 5 الى 10 الاف جنيه).
نيجى بقى للموضوع المهم ألا وهو تغير زيت الفتيس أمتــــــى؟؟؟؟؟!!!!
الغريب فى الموضوع أن بيجو فرنسا بتقول أن زيت فتيس العربيات دى مش بتغير نهائى الا فى حالة لو الفتيس اتكسر فى حادثة او ما شابه وبتقول كمان إن مستوى زيت الفتيس بيتعملو فحص كل 60 الف كيلو ولو نقص بيتزود ودة بردو لازم يكون عن طريق المركز المختص لان مفيش مقياس زيت تقدر تقيس بيه وليها طريقة معينة للقياس.
وخلاصة الكلام إنك تقريبا بمعدل كل 80 الف كيلو تقريبا تغير زيت الفتيس والبلفين.