مصر موتورز مجتمع السيارات - سال وهتلاقى المتخصص الى هيجاوبك عن سوالك فى بيجــو

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة tihab (المشاركة 608587)

السلام عليكم بسأل عن البيجو 505 استيشن !!
=========
أنا ملاحظ إن العربية دي سعرها مستعمل غالي أوي
من 65000 الى 75000 !! طبعا الي حالتها ممتازة !!
هي تستاهل ولا لأ ؟؟
قطع غيارها متوفره .. يعني الي يشتريها هتعيش معاه ولا هيدوخ معاها ؟
يعني يتدفع فيها فلوس ولا قلتها أحسن ؟؟
========================= =
الف شكر

اكيد تجيب عربية زيرو أحســـن وبالنسبة لقطع الغيار متوفرة وكل حاجة

رد: سال وهتلاقى المتخصص الى هيجاوبك عن سوالك فى بيجــو

السلام عليكم يا بشمهندس أخبار حضرتك إيه يارب تكون بخير ... معلش أزعج حضرتك بسؤال أنا عندي 307 موديل 2006 كله عندي كان تمام من أسبوع كده لاحظت إن صوت الماتور عالي جدا جدا بشكل ملحوظ لما أشد بيها وعداد ال rpm عالي عند 2.8 وساعات 3 وهي لسه عالتالت بعد كده ينزل بس صوت الماتور بيفضل عالي جدا ... يا ترى إيه المشكله

ثانيا وأنا بلف شمال أسمع تكتكه كده غاريبه من نحية الكاوتش هل ده ممكن يكون كابلن
؟؟؟؟؟؟

ولحضرتك جزيل الشكر

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة frafisho (المشاركة 617922)

وعليكم الســلام ورحمة الله وبركاته..... الحمــد لله تمــام.
بالنسبة لصوت المحرك العالى أول حــاجة حضرتك تعملها تكشف على مستوى زيت المحرك ولو بقالو أكثر من سنة غيرو .
بالنسبة للتكتكه ممكن تكون كبالن او بطاحات

رد: سال وهتلاقى المتخصص الى هيجاوبك عن سوالك فى بيجــو

انا هشترى 307 SW انهاردة و هى عاملة 20000 كم فعايز اعرف سعرها فى رانج كام و اية اللى ممكن اعملة قبل ما اشترى..شكرا مقدما يا باشمهندس

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة eng_sam_85 (المشاركة 620320)

من 70 الى 85 الف جنيه على حسب حالتها وعلى حسب البائع والمشترى

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة hisam2010 (المشاركة 621676)

من 70 الى 85 الف جنيه على حسب حالتها وعلى حسب البائع والمشترى

السلام عليكم ورحمة الله وبركاته
اولا احب اشكر حضرتك بجد على الموضوع الهايل ده وبجد ربنا يجازيك بيه خير يارب.:Wkiss5:
المهم يا هندسه محسوبك اول مره يشترى عربيه وطبعا بعد حيرة السنين فى قدامى عربيه بيجو 308 مو 2008 عامله تقريبا 60000كم وتانى فئه بعد الهاى لاين اوتوماتيك (ستيب ترونيك) وصاحبها بيقول كاوتش وبطاريه جديده ورخصه حتى شهر 7/2012

المهم طبعا انا خبرتى فى العربيات زيرو وكمان بدور على عربيه عائليه والعربيه دى عجبانى جدا بس الكل بيخوفنى من البيجو فى قطع الغيار اللى غاليه نار ونظام كمبيوتر الاعطال اللى بيجبرك تروح التوكيل وتكع:010105~332:

طبعا انا استفدت كتير بعد ما قريت الموضوع الرائع بتاع حضرتك وجذبنى اكتر للبيجو بس عندى شوية اسئله وارجو انى اجد رد عند حضرتك:
اولا العربيه على المواصفات دى تعملها فى حدود كام
لما اروح اعاينها اخد بالى من ايه وايه اللى ممكن يكون مطلوب صيانه ليها دلوقتى فى 60 الف كيلو ويتكلف كام
ثالثا: انا شغلى فى شرم الشيخ لو العربيه حصل لها حاجه هلاقى مركز خدمه معتمد فى شرم ولا لا؟؟
رابعا هل العربيه مناسبه هنا علما بان الحراره بتوصل فوق الخمسين فى الصيف ولا ايه
اسف جدا على الاطاله يا هندسه ويارب الاقى عند حضرتك الرد الشافى4BY4

رد: سال وهتلاقى المتخصص الى هيجاوبك عن سوالك فى بيجــو

اقتباس:

المشاركة الأصلية كتبت بواسطة amradels (المشاركة 621787)

أولا:-
بالنسبة لسعر السيارة الى حضرتك بتتكلم عنها من 80 الى 90 الف جنيه.
ثانيا:-
أهم حاجة تبص عليها حالة المحرك وحالة الفتيس الاوتوماتيك وما اذا كان السيارة بها حادثة او اى صدمة فى الشاسيهات ولازم تسئل صاحب السيارة ايه الصيانات الى هو عملها زى البوجيهات سير المجموعة الفلاتر والحجات دى
وبالنسبة لصيانة ال60 الف كيلو ممكن تخشلها فى حوالى 3000 جنيه
ثالثا:-
لا يوجد اى مركز خدمة معتمد فى شرم الشيخ ... بس فى مركز صيانة لصديق اعرفو هناك .
رابعا:-
اه طبعا السيارة مناسبة لجميع الاجواء وخاصة انها كمان بتنزل فى الخليج.