رد: انهى افضل الفتيس العاده ولا الاتوماتيك ؟
 

الاتجاه العام لسرعه النقلات و انواع التروس الجديده 7 و 8 نسب صعب جدا يتم التعامل معاها من خلال دبرياج عادي ..
المستقبل حاليا للدويل كلاتش او الترونيك ... او what ever
النهارده لما نتكلم عن عربيه رياضيه زي فيراري كاليفورنيا مثلا ... بتتكلم عن سرعه نقل 1/100 من الثانيه و تروس بسبع نسب ...
هات عربيه رياضيه حديثه بدبرياج عادي تنافس بيه عربيه دويل كلاتش ب 7 نسب اماميه !!
وطبعا التقنيه المستخدمه في العربيات الرياضيه و الفورميلا و الراليات هي مستقبل العربيات العاديه
فبالتالي الدبرياج التقليدي في طريقه الي الفناء ...
وإن كان مسيطر لعقود ...
العربيه الاوتوماتيك حاليا تعتبر لعبه بالنسبه للمانيوال ...
وبكره حيكون الاوتوماتيك تقنيه قديمه بالنسبه للعبه الجديده
لأن التقنيه كل يوم بتقدم جديد في سبيل تحويل العربيه الي لعبه بريموت كنترول او جوي ستيك ...
النهارده في عربيات بتركن لوحدها .. و بكره حتمشي لوحدها ..
اهم حاجه بس العربيه متنسناش ونكون جواها ptmnlo123per1106

رد: انهى افضل الفتيس العاده ولا الاتوماتيك ؟
 

اية اللى دخل جوجل والترجمة فى الموضوع دلوقتى ..

انا جيبلك فيديو عربية بتتحرك لوحدها اهة و من غير قائد ....."ولا انت فاكر الفقرة دى كانت هزار "

و بعدين القيادة مش محتاجة كل هذة العبقرية يعنى الا فى مصر بس "بلد الفوضى" ,...
انما فى بلد فيها نظام و ناس بتحترم القانون و اشارة المرور حتلاق تطبيق القيادة الالكترونية سهل جدا
و هو دة ا لمستقبل سؤاء اردت او ابيت ...
هى دى الطريقة الوحيدة اللى حتقضى على الحوادث و على رعونة و غباء بعض السائقين و المشاة فى حل واحد .

و عندك البداية موجودة بالفعل فى السيارت التى تركن اليا , و حتبداء هذة الخاصية فى الظهور بالتدريج فى السيارت ...اهة الكمبيوتر بيقيس المساحة المتاحة و بيقوم بركن السيارة و التحكم فيها لتمام الركن .

http://www.youtube.com/watch?v=h8oBB2WjKOA


, مهتمين جدا انهم يوصلو لدة خلا بضع سنين , و انا شوفت تجارب كتير فى الموضوع دة و بمستوى التطوير اللى بيحصل فى المجال دة ,, ممكن جدا نشوف سيارت بتتحرك لوحدها خلال 5- 10 سنوات .

و عندك انظمة شغالين فيها بافعل زى مثلا النظام دة .

http://www.eventhelix.com/ThoughtPro...ve_concept.htm

الفكرة مش صعبة و مش مستحيلة زى ما انت متخيل , و مش محتاجة كمبيوتر معجزة ولا حاجة لان التطور التكنولوجى مستمر بسرعة كبيرة جدا فى مجال الاتصلات و الكمبيوتر .

رد: انهى افضل الفتيس العاده ولا الاتوماتيك ؟
 

مع إن الموضوع ده خارج الموضوع لكنى معترض تماما على الإعتقاد ده - لإن الكلام إللى حضرتك بتقولة ده بالظبط زى الكلام إللى الناس كانت بتقولة من 200 أو 300 سنه إعتقد كثير منهم إن البشر وصلو لقمة المعرفة و حدود العلم القصوى و ده مش صحيح .... طول ما فيه تطور على المستوى النظرى للعلوم طول ما هيبقى فيه تطور تكنولجى تابع ليه .


أنا برضه مختلف تماما مع الفكر ده ... ليه ؟ لسبب بسيط ..... أين المتعه ؟ أين الاختلاف ؟ أين التميز ؟
لإن صعب تخيل الحياة بدون إخنلاف فى الأذواق ... إيه علاقته الكلام ده بالموضوع ؟ ..... لو كل الناس بقى عندها عربيات بقيادة ألية يعنى كلها بتمشى بنفس الطريقة و بنفس السرعةو ردود أفعالها متطابقة يبقى كده على صناعة السيارات السلام أهم ميزة فى السيارة إنها تعكس شخصية صاحبها أو قائدها حتى فى القيادة فيه الهادى المنظم و فيه المعفرت أو العصبى .

ناهيك عن إن إعتماد تكنولوجيا القيادة الأليه مش هيمنع الحوادث قوى كده و الدليل إن الطائرات الحديثة كلها مزودة بـنظم القيادة الأليه بما فى ذلك الإقلاع و الهبوط و مع ذلك لم تتوقف حوادث الطيران ، لأننا بنتكلم عن عدد لا متناهى من الظروف إللى ممكن تواجه بما فى ذلك ظروف ناتجه عن أخطاء بشرية برضه ..

نقطتين بس حبيت أوضح وجهة نظرى فيهم .

رد: انهى افضل الفتيس العاده ولا الاتوماتيك ؟
 

مهو للاسف يا حازم دى الحاجات اللى مضطرين نضحى بيها فى سبيل المميزات الاخرى ,
احنا بعدنا عن الموضوع الاصلى ..بس الموضوع دة ظريف برضو ..

مهو انت مثلا عندك التميز اختفى فى حاجات كتير . كمثال مثلا , الواحد زمان كام عايش فى بيت و على ارض بتاعتة هو يبنيها بمزاجة و على راحة و بالشكل اللى ريحية .

الان مع الاعداد الرهيبة فى البشر , اصبح امل اى واحد انة يلاقى اى شقة كام حجرة و خلاص فى عمارات اسمنتية ليس بها اى تميز ..

للاسف الاختلاف و التميز و حتى المتعة بتختفى تدريجيا معى كل زمان ....تقدر تقولى اية المتعة حاليا فى القيادة فى الشوارع المصرية المزدحمة باخطاء و بالمخلافات و بالفوضى .

و بعدين التميز و المتعة حيكون موجودة برضو بس باسعار مرتفعة اكتر و فى اماكن خاصة , يعنى ممكن مثلا يكون فى تراكات خاص لمحبى القيادة اليدوية سنة 2040 , تقطع تذكرة و تدخل تسوق براحتك فى تراك مافيش فية حد و بالسرعة اللى تعجبك من غير مخلافات او اشارات ....اية رايك

على فكرة التارك دة موجود بالفعل فى المانيا و بتذاكر فعلا الان .....

محدش عارف المستقبل حيروح بينا فين , من 100 سنة فقط كان السيارات دى حاجة غاليا جدا و ميقدرش عليها غير اغنى الاغنياء , الان السيارت بتتوزع مع كروت الشحن .....

رد: انهى افضل الفتيس العاده ولا الاتوماتيك ؟
 

انا بحب المنوال جدا لان بحس انى مسيطر على العربية واكتر تحكم فيها

رد: انهى افضل الفتيس العاده ولا الاتوماتيك ؟
 

موضوع الترجمة ده كان احدى اكبر مجالات الذكاء الاصطناعى, و لازلنا نفشل فيه بشكل مخزى. هو اكبر مثال حى على الفرق بين قدرات الحاسوب و قدرات الانسان.
الانسان قد لا يكون سريعا مثل الحاسوب فى العمليات الروتينية, لكنه مبدع و لديه تراكم الخبرات, و له قدرة أكبر على التوقع و الحدس احيانا بلا معطيات.
ترى هل يستطيع الحاسوب الحدس؟
الركن تطبيق مختلف تماما, لأن الحالة ثابته, و لا يوجد معطيات تتغير,
طب لو فرضنا انو العربيات كلها هتمشى بطريقة الية زى القضبان, و المشاة هنعمل فيهم ايه؟ هنبرمجهم هما كمان و لا ايه النظام؟
صدقنى هو الموضوع حلو كده مش محتاجين تطوير, احنا مبسوطين كده بالحوادث بالفوضى.

رد: انهى افضل الفتيس العاده ولا الاتوماتيك ؟
 

انا بتكلم فى المستوى المنظور بالمعطيات الحالية,
بعد 200 او 300 سنة محدش عارف,
لكن بدايات الثورة الصناعية و التكنولوجية كانت من 300 سنة فقط, و حتما سوف تصل الى حدود النهاية, فهناك نهاية لكل شىء, توقعى الشخصى,
أننا وصلنا الى النهاية الحزينة.
بل اننا ربما نتراجع خطوات عدة الى الوراء مع نفاذ البترول, و ربما نعود الى استخدام الدواب,
فيصبح الحمار سيارة اقتصادية,
و الحصان سيارة رياضية,
و الجمل سيارة دفع رباعى,
و العربة التى يجرها حصان سيارة فارهة!!