رد: ممكن اركب تكييف للماتور ده
 

يعنى مفيش حل عشان يركبوها على فتحات التهوية اللى فى العربية طيب اشمعنا يعنى اية الحكمة فى كدة طيب والفتحات الجديدة هيركبوها فين
وانا من رأيى خلى كله جديد احسن ومفرقتش على 200 جنية او 500 توكل على الله وانا كمان ان شاء الله معاك

رد: ممكن اركب تكييف للماتور ده
 

ايه رايك يا هشام باشا
انا لحد دلوقت محتار
لاني كنت مكلم السمكري ومفهمه اني ان شاء الله هركب تكييف قال لي مش له داعي ومش هتحس بيه ولما قولت له جديد قال لي ماشي ركب انا كنت فاكر هتركب بتاعها الاستيراد ( السمكري عارف اني بحب اجيب كل شي استيراد واصلي للعربية علشان كده افتكر اني بتكلم علي التكييف الاستيراد )
وقال لي اظبط العزل الاول ( ناوي احط عزل من بتاع الثلاجات والافران اللي خامته زي الفويل وفيه من ناحيه صوف حراري مش اسفنج ده ان ملقتش حاجه تانيه افضل اعزل بيها ) واظبط قفله الابواب وكاوتشات الابواب والشنطه وكمان ناوي اجلد تحت الابواب بورق العزل او بلاستيك شفاف

رايك التكييف اعمله عند صنايعي جنبي هنا ولا انزل مصر اعمله لكل حاجه ميزة وعيب
ميزه ان الصنايعي هيكون جنبي هي ميزة القرب وانه وارد ان فى بدايه التشغيل هيكون في اعطال
وعيبه ان الصنايعي جنبي هو ان الصنايعي مش عنده تنوع فى قطع التكييف اللي عنده فهو هيوفق لي من عنده حاجه تركب عندي حتي لو هيقطع من العربية او لو مثلا ركب ثلاجه صغيرة بس داخله وخلاص
والمراكز اللي في مصر اعرف انها توكيلات يعني فيها انواع ومقاسات من الاجزاء بس يعيبها بالنسبة لي بعد المسافة

رد: ممكن اركب تكييف للماتور ده
 

ال131 اللى اتدبست فيها

ايوة اتدبست فيها لأنى اكتشفت انها كانت عاملة حادثة وآخرها17 مش 21
واللى باعهالى نصب عليا فى 4000 جنيه
بس موتورها كويس ، الكارونة بس هى اللى صوتها على (وأنا السبب )

المهم

هى اساسا كانت نازلة مكيفة
هتلاقى من جوا التبلوه الكويل الساقع وخراطيمه خارجة ع الحوض

روحت لبتاع التكييف قاللى عاوزة كباس

وطبعا لسه الشحن وازا كان فيه تسريب ولا حاجة

ده غير شغل الكهربا لازم يكون بعيد عن الضفيرة

والعزل ده قصة تانية

المهم قررت انى الأول أغير الردياتير علشان بقى عامل زى المصفه (كل مشوار نص جركن ، تخيل )

وبعدين هروح لبتاع الكباسات أركب كباس بتعديل القعدة واللذى منه

وبعدين ع الكهربائى وبتاع التكييف

حتى لو الموتور هيفوت ، لازم بإذن الله أستهلك العربية بال5 الاف اللى اتنصب عليا فيهم

ولو بإذن الله قابلت صاحب نصيبها همشيها وبالسعر اللى انا عاوزوا ومابين البايع والمشترى يفتح الله

رد: ممكن اركب تكييف للماتور ده
 

معلش يا استاذ هشام والله الناس بقى معندهاش ضمير وانا كمان زيك خدت العربية ب 23.5 مع انها كانت ممكن تخلص على 20 او اقل واكتشفت انها محتاجة سمكرة كتير ومرشوشة دواخل وفيها برومة كتير لكن الحمد الله احنا احسن من غيرنا وصنيعى جارى هو اللى لبسنى فيها
طيب دلوقتى انا عندى فتحات النكييف والزرار بتاعة هل كدة يبقى الوصلات بتاعتة موجودة

رد: ممكن اركب تكييف للماتور ده