مصر موتورز مجتمع السيارات - اول تقرير لـ بيجو 508 الجديدة حصري لمصر موتورز

انا قريت بره فى بعض الدول زى تايلاند ان التوكيل هو اللى بيعمل ECU Tuning للعربيات عشان تمشى مع ال92 كمان فى بعض دول اوروبا بيتعمل بالعكس عشان يستفاد بالباور بتاعة ال98 وال97 عشان ال95 دا اى كلام بالنسبة لهم، عموما دا حال التوكيلات فى مصر، بالنسبة للPower boxes ممكن تكون حل مناسب عشان الضمان بس عشان اجيبها من يره وتطلع مش مناسبة او الضمان والحركات دى صعب دا غير انى انا بتكلم عشان البنزين بس لكا فرق ال156 من 175 او حتى ال 185 حصان بالنسبالى مش اللى هو يعنى، انا ممكن اعوض بتاع 15 حصان بماشروم فلتر APIX محترو وللا حتى Intake كامل بس خلاص انا كبرت على الحاجات دى وبقى عندى عيال :)) نادرا لما بجرى جامد مع حد كمان انا بالنسبالى اللعب فى الهارد وير افضل من السوفت وير وخصوصا الPlug and play عشان الحاجات اللى هتتعبك هتشيلها بسهولة لكن السوفت الواحد مش هيبقى عارف ممكن يدمر ايه قبل ما يتشال، فالافضل فى الECU tuning فى نظرى اما الPower box من شركة محترمة او الRemap المعمول على يد واحد من الناس اللى فى التوكيل... خلاصة الموضوع انا مش هلعب فى العربية حتى لو البنزين غلى لدرجة 5.75 جنيه بس عاوز اشوف حل سهل، أو هشترى واحدة 128 واشيل دى تذكار :)))))

طبعا الاسود اشيك لون والابيض كمان،
انا البواب طلعلى مخصوص لما لقى العربية الاوكتافيا اختفت وراكن مكانها عربية الحاجة اللى كانت معايا زمان فعرف ان العربية بايظة او اتبتعت وطلعلى على غير العادة وخبط على، خير يا ناصر "اسمه ناصر"، قاللى هحلفك بحياة زياد "ابنى" لو ليه معزة عندك لو هاتجيب عربية تانية تجيبها فضى بالله عليك، طبعا الموقف كان منتهى الكوميديا بس لما جبتها وقولتله اغسلها فى اول يوم عشان كانت فى الشارع عند المعرض، هووووووووووب نط غسلها فى 5 دقائق وانا واقف قدامه ولما قولتله ادينى جبتلك لون حلو اهه قاللى انا مستعد ابوس ايدك والله عشان انت رحمتنى :))
بس انا فعلا كنت احد كوابيسه اليومية لانه كان يغسل العربية وتجير ويلمع بفوطه زفره فتلم تراب وبعدين فوطة لما انزل من البيت وكان بيعد يعمل فى العربية 3-4 مرات فى اليوم من الصبح لبليل عشان ساعة ما انزل الاقيها نضيفة :))
جمد حاجة فـ مواتير التربو الجديدة، الـT-JET والـTSI والـTHP.. سهل جدا تطلع بأور أعلى بـSimple Mods..؟؟!!!

عند عدد كيلومترات معين، هتضطر تغير التوربينة.. طبعا ممكن 100-150 أو لحد 250 ألف كم (حسب الإستخدام والبنزين والصيانات...etc)
- اللى بيحصل انك بتغير بتربو أكبر (من نفس الشركة زى تربو الأبارث للفيات، أو تربو الـGTi للفولكس).. ويطلع الـMissing-Power.
طبعا ممكن بـRemap فقط (أعتقد البيجو كده)، ممكن +رشاشات وتغيير بروفايل الكامات (الفيات والفولكس)..!! وهكذا.

Edit:عايزينك تكملنا التقرير عن الفتيس بالتفصيل، مش الفتيس عندك الـEGC/EGS الـ6-سرعات بتاع Magneti-Marelli؟؟!!!
يعنى الأداء، التسارع وسرعة الـShift، نعومة النقلات (فيه نتشة 1st-2nd-3rd ولا لأ).. استهلاك البنزين مع الحرق، إستجابته للكيك-داون أيه بيسقط نقلة ولا 2؟؟ وكده...

تكملة لباقى المميزات والعيوب

- الCup holders مكانها غبى جدا وهى مفتوحة صعب جدا الوصول لزرار الانتظار
- طفاية السجاير قدام الفيتيس مزنوقة جدا يعنى اكيد هتلسع الكاسيت وزراير التكييف لو بتطفى فيها
- العربية بتاكل بنزين بمعدل 10-12 لتر / 100 كم، مكتوب فى الكاتالوج ان المعدل هينخفض بعد 3000 كم، اللى يقدر يفيدنا فى الموضوع دا السيد Maskeen

حاجة غريبة جدا بقى الكارتيرة المحاوطة للعجا موكيت :)) مش عارف دا من ايه دا
هما فاكرين الناس هتعد حوالين العجل وللا ايه...

بالنسبة لموضوع الفرامل انا دلوقتى اتعودت عليها شوية (على مقدار الدوسة يعنى) بس هى تمام نقدر نقول ان هى بتوقف العربية على اى سرعة زى ما انت عاوز

هو اللى انا اعرفه ان الdsg dual clutch زى الباسات كده والpower shift بردو dual clutch لكن بmechanism مختلف البيجو بقى فتيس عادى single clutch بس متطور شويه هو هادى والنقلات مش بتتحس

هى فتيس اوتو عادى مع امكانية التحكم فى النقلات يدويا يعنى ستيبتروك..

منقوووووووووووووووول
وشك خاص لصاحب الموضوع الاصلى