|
رد: اى سؤال بخصوص الرخام و الجرانيت انا تحت امركم
اخى الكريم ابو نورا
نورت الموضوع بتشريفك الكريم الجرانيت الاسود الموجود فى الصورة اسمة ( دبل بلاك ) وموجود منة نوعين 1- دبل بلاك صينى ودة جرانيت سيئ جدا لانة مصبوغ ومع الوقت اللون الاسود يهرب و الجرانيت يجرب 2- دبل بلاك هندى ودة جرانيت ممتاز طبعا فرق السعر مغرى بين النوعين و بعض المقاولين من ضعاف النفوس بيشتغل من الجرانيت الصينى على انة دبل بلاك هندى نفرق بين النوعين ازى الدبل بلاك الصينى بيكون لونة اسود قالب على بتنجانى الدبل بلاك الهندى بيكون لونة اسود بس فى نمشة اقرب ما تكون فى شكلها مثل حبة الارز و بيكون لونها افتح شوية من الارضية السودة مشكلة الخرابيش دى غريبة جدا نفسى اعرف قدر يجرح و يخربش الجرانيت ازاى وهو لسة بيركبة ؟ على اية حال اما ان تفك الجرانيت ويتم اعادة جلاء المطبخ مرة ثانية ( طبعا تكلفة فك جرانيت و نقلة و اعادة جلاء الجرانيت مرة اخرى ثم اعادة نقلة و تركيبة ) اعتقد هتكون تكلفة مقاربة لشراء جرانيت جديد الثانى اعادة جلاء الجرانيت و هو راكب على المطبخ المشكلة فى الحل دة انة مش اى حد يعرف يعيد جلاء الجرانيت + بهدلة و عفرة وتراب نتيجة اعادة الجلاء بعض الصنايعية يدهن الجرانيت شمع او زيت و تانى يوم يرجع تانى وطبعا يكون الصنايعى خلص حسابة ومشى حضرتك جرب الحل دة من عند مستلزمات البناء اشترى ( سيلر جرانيت ) علبة لونها احمر مش ازرق وادهن الخرابيش بالسيلر وربنا يسهل و الخرابيش تختفى او تقل شوية بخصوص الاسعار سعر المتر المربع من جرانيت الدبل بلاك الهندى فى حدود 350 جم ( معرفش سعر الصينى ) بخصوص سعر التوريد و التركيب هيكون فى حدود 650 للمتر المربع واى استفسار انا تحت امرك مع خالص تحياتى :GROWIN~12::GROWIN~12: |
رد: اى سؤال بخصوص الرخام و الجرانيت انا تحت امركم
متشكر لحضرتك جدا على المعلومة بتاع جرانت واجهات المحلات ومداخل العمارات.. جرانت وادى غزال اللى حضرتك قلت عليه دة فى منه واردى محمر زى الصورة دى
https://fbcdn-sphotos-f-a.akamaihd.n...42253214_n.jpg هل الجرانيت اغلى من الرخام ام العكس؟؟ وماذا عن التكلفة التركيب؟ ايهما اغلى الجرانيت ام الرخام؟ ممكن تقولى لى سعر متر الرجرانيت اللى حضرتك قلت عليه وادى غزال بكام بالتركيب؟ الحقيقة حضرتك فاهم قوى فى الشغلانة دى قوى... فى سؤال كمان. جار لينا جايب رخام الراجل اللى شغال عندة بيقول رخام صناعى؟ فهل هناك رخام يتم تصنيعة ولا يأتى من المحاجر؟؟ شاكرين على الوقت |
رد: اى سؤال بخصوص الرخام و الجرانيت انا تحت امركم
وجدت هذا الموقع الرائع الذى به عدد من التشكيلات التى لم اتوقع ان يكون الرخام بهذه المرونة فى التشكل .... الصنيعى لازم يكون فنان لطوع هذا الخام الثقيل
http://www.first-marble-granite.com/4/index.php |
رد: اى سؤال بخصوص الرخام و الجرانيت انا تحت امركم
الف الف شكر يا استاذ هانى على ذوقك وردك المفيد جداً والموضوع منور بأصحابة طبعاً
ومن كلام حضرتك اعتقد ان اللى عندى ده الهندى لان لونة اسود تماماً ماعدا النمشة البسيطة اللى حضرتك وصفتها ده غير ان من تجارب كتير عملتها لقيته صلب جداً ماشاء الله موضوع الخرابيش ده زى ما فهمت كده الافضل انى اسيبة زى ما هو لان هو جرب موضوع الشمع ده برضو مش فارق كتير وهو الحمد لله مش باين اوى انا بس اللى بهتم بالتفاصيل والفينيش اوى اخيراً ياريت حضرتك تضيف وسائل الاتصال بحضرتك سواء تليفونات او عنوانين فى التوقيع او على الاقل فى الموضوع علشان لو حد حب يتواصل مع حضرتك مباشرة |
رد: اى سؤال بخصوص الرخام و الجرانيت انا تحت امركم
اقتباس:
سعرة طاولات فى حدود 180 جم للمتر المربع طاولات وفى حدود 400 الى 450 توريد وتركيب اما بخصور استفسار حضرتك عن ايهما اغلى الرخام ام الجرانيت ارخص سعر هو الرخام المصرى ( جلالة . صنى . سيلفيا . تريستا . ملى براون) من 50 جم الى 100 جم للمتر المربع طاولات يلى ذلك اسعار الجرانيت المصرى( وادى غزال . احمر غردقة . حلايب . جندولا ) وهى فى حدود 175 جم الى 200 جم للمتر المربع طاولات ثم الرخام المستورد واسعارة من 180 الى 600 جم للمتر المربع طاولات اما بخصوص الرخام الصناعى فعلا يوجد رخام مصنع وليس طبيعى ( مطبوخ ) واستخدامة الاكثر بيكون فى المستشفيات و المعامل بسبب عدم تكاثر البكتريا و الفيروسات على سطحة وبعض العملاء يفضلونة لتميز الوانة و بما انة صناعى فيمكن تلوينة اثناء التصنيع لالوان لاتوجد فى الرخام الطبيعى مثل اللون الموف او الفوشيا او ابيض بدون عروق اقصد ابيض سادة مثل ورق التصوير شكرا على مرورك الكريم وتقبل تحياتى :fun_36_3_11[1]: |
| الساعة الآن 10:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017