المشاركة الأصلية كتبت بواسطة الايطالى الصغير (المشاركة 658095)

مش عيب ان اللى سايقة واحدة ست

ومش عيب انهم بيسوقوا على قدهم

انما العيب يبقى عيب

لما يكون الرجالة هم اللى بيعملوا الغلط ويسوقوا الهبل على الغباء

وانا عندى اقتراح تخلى الموضوع عنوانه

ازاى تعرف ان اللى سايق مصرى مش جنسية تانية

لما تلاقى اللى جمبك بيحدف عليك

وبيلف عليك فى الدوران صف تانى

وبيفتح النور فى وشك ويعميك

ويمشى وهو بيتكلم فى التليفون وممشى الشارع كله وراه

لما تلاقى واحد ماشى عكس الاتجاه ومش فى باله كوم الحديد الى واره عمال يزمرله

لما تلاقى الى قدامك بيقفل عليك فى ثلاثة متر علشان يعدى هوه من حارتك انت ويجبرك انك تهدى

بالذمة

بقى دى سواقة

بقى ده شعب

استغفر الله العظيم

وبعدين نعيب على الستات

طيب الستات كثر خيرهم

نقول ايه بقى على مصر

الى كل حاجة فيها باظت

وبقى اسلوب البلطجة المرورية هو الى بيحكم الشارع

وعايز تشوف

انزل شوف سواقين السرفيس والميكروباص

بيعملوا ايه

بيشترى الشارع لحسابه

ويركنك واره كانك شفاف مش موجود

وبعدين نعيب على الستات

ده عيب على الرجالة

وعجبى

المشاركة الأصلية كتبت بواسطة queen (المشاركة 670211)

شكرا لتوضيحك وياريت الناس تفهم ان المشكله فى السواقه فى مصر هى مشكله عقليه وتربيه وادب مش راجل وست . المصريين عندهم مشكله فى دماغهم فى السواقه معرفش مرض ولا غباء ولا قله ادب متفهمش بدليل ان الرخصه المصريه متساويش تعريفه خارج مصر لان الدنيا كلها تعرف اننا بنسوق بالدراع مش بأصول القياده.
وياريت كل راجل بيتريق على سواقه ست يحط نفسه مكانها للحظات ويتخيل ان دى اخته او زوجته اللى مكتوب عليها تدرس او تشتغل ومضطره تنزل كل يوم من بيتها تتحشر فى ميكروباص ولا اوتوبيس ( على حسب حالتها ) وتتهان وتتبهدل ويتحرش بها كلاب السكك اللى ماليين الشوارع ولو فكرت تعترض ولا تزعق او تدافع عن نفسها تسمع كل ما لا يحمد عقباه من الافاضل اللى عايزين يروحوا مشوارهم بالسلامه من غير عطله . ويتقالها معلش مكنش يقصد المسامح كريم مع( همهمه كده ان الستات مش محترمه اساسا ايه اللى نزلها م البيت. او ما تركب تاكسى احسن) وفى الآخر لما تحترم نفسها وتصون كرامته وعرضها وتحاول تتعلم تسوق عشان تحفظ ادميتها وتلتزم بدينها . تيجوا حضراتكو تتريقوا وكان كل واحد اتولد شوماخر فى السواقه. مع ان كل واحد فى بدايته لما اتعلم بهدل الدنيا والناس اتريقت عليه . يعنى فى كل الأحوال مش عاجب نركب مواصلات نتبهدل . نسوق عربياتنا نتشتم وتتريقوا . يبقى المشكله عند مييييييييييييين؟؟؟:12422A ~17:
ده غير ان الست حتى لو سايقه كويس وماشيه فى امان الله على جمب تلاقى اللى بيعاكس واللى يخوفها مره واحده واللى يصر انه يعدى قبلها فى ملف على الرغم انها داخله قبله لانه هو راجل ولازم يسبقهاMAD

ياريت كل واحد شايف نفسه شوماخر . لما يشوف ست اتلخبطت وعملت غلطه وهى سايقه يبقى يساعدها او ينصحها بدل ما يخوفها بكلاكسه ولا يرمى عليها . :CONGRA~238:
مش انتو بردو القوامون؟؟؟؟؟
اعتذر للإطاله وياريت محدش يزعل