مصر موتورز مجتمع السيارات - مصيبة كبيرة لكل ملاك الجاك

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - مصيبة كبيرة لكل ملاك الجاك (https://www.masrmotors.com/vb/showthread.php?t=61621)

رد: مصيبة كبيرة لكل ملاك الجاك

اقتباس:

المشاركة الأصلية كتبت بواسطة odaoda (المشاركة 462761)

دكتور كمال ربنا يخلية نزلنا كتاب الضمان والضمان دة فكل العربيات بيبقى متجزأ
واكيد لو الكلام كان حقيقى ان العربية ملهاش ضمان كنا رحنا نعمل صيانة عندهم لية طيب؟؟
استاذ كمال وضح جزئيات الضمان ومعظم العربيات ضمانها بيبقى كدة
واسف على سؤ التفاهم دة
ولا اسف لية اصلا مفيش بين الاخوات اسف:120105~352:GIFT4U

طبعا اخوات واصدقاء لاخر العمر
:CONGRA~238::CONGRA~238:: loveu:

رد: مصيبة كبيرة لكل ملاك الجاك

امال توكيل EIM واللا توكيل نيسان مصر لما مش عارف ايه يبوظ يقوموا يغيروه من سكات خلال سنة او اكثر
عشرات شكروا في توكيل نيسان السبع و EIM رينو على ان كل حاجة مشمولة في الضمان حتى البطارية ضمانها سنة و ده الطبيعي

رد: مصيبة كبيرة لكل ملاك الجاك

ياجماعة اضح ان كلامى مش مفهوم :
اولاً: انا لم اقول ان العربية برة الضمان بس العربية فى حاجات كتير اوى برة الضمان تقدر بـ75% من العربية .
ثانياً: استاذ هيونداى بيقول اروح اصلحها فى اى مكان ...يا استاذ هيونداى مينفعش علشان التوكيل قال اى حاجة لعب فى الكهرباء فى خارج التوكيل يخرج عربيتك من الضمان وطبعا الكلام دة مينفعش .
ثالثا :حضرتكوا مش عارفين الحاجات الاستثنائية اللى عملة التوكيل وانا حقولها ....
ىموضوع جديد باسم الاستثنئات .
رابعا: الاستاذ ...ويعذرنى لعدم تذكرى لاسمة اللى بيقولى معلش ونصيب
بقولة لا لانى مش جايب عربية مستعملة انا جايب المفروض عربية ثمنها معدى الـ80000 الف جنية يبقى ازاى تقولى نصيب نصيب ان العربية جاية فيها عيب صناعة اونصيب ان العربية مخرجين 75% من محتوياتها برة الضمان

رد: مصيبة كبيرة لكل ملاك الجاك

علشان خاطر الموضوع دة من زمان أنا مقرر ماجيبش صيني
حتى التوكيل قررت مارحهوش ( غبور ) و طظ في الضمان لو حايبقى الاستغلال و الجشع كدة

رد: مصيبة كبيرة لكل ملاك الجاك

اقتباس:

المشاركة الأصلية كتبت بواسطة د.كمال (المشاركة 462686)

ماالذى يغطيه الضمان
تضمن شركه هورس موتورز مع الالتزام بالبنود والشروط التاليه ان سيارتك جاك الجديده خاليه من عيوب المواد والتصنيع . سيقوم وكيل جاك المعتمد بالاصلاحات الازمه مع استخدام قطع غيار جديده اومعاد اصلاحها لتصحيح اى خلل يغطيه الضمان .
باستثناء الامور المحدده أو المستثناه المبينه ادناه بفقره الاستثناءات
كل مكونات سيارتك جاك الجديده مشموله بضمان لمده 36 شهر او مئه الف كيلو أيهما يسبق من تاريخ البيع .
الاستثناءات
تختلف مده تغطيه ضمان البنود المذكوره أدناه عن مده الضمان الاساسى
ضمان لمده 3شهور او خمسه الاف ك....الكشافات الاماميه والفوانيس الخلفيه ..الكلاكس. الكتاوت.المارش الدينامو البطاريه الكاسيت طقم الدبرياج كاوتش العجل .
ضمان لمده 4شهور او20 الف ك ...طلمبه الجاز. اويل سيل الكرنك الامامى والخلفى . طقم الشمبر. ماستر الفرامل العمومى . تابلوه العدادات . الطنابير والصره . بلى الفتيس . زهره الفتيس .
ضمان لمده 10 شهور او 25 الف ...الكمبريسور. اكس الدفرانس . التنك وخزانات المياه والزيوت . زراع الانوار . الرديتير. المساعدين الاماميه والخلفيه . وسوست التعليق . طلمبه الزيت . عامود الكرنك . السبيكه . مبرد الزيت .
ضمان لمده 18 شهر او 30 الف ..عامود اداره الفتيس . ترس الفولام . علبه الشكمان . عامود الكردان . مجمع السحب والعادم . طلمبه الباور .
ماالذى لا يغطيه الضمان
_ اى قطع غيار غير اصليه يتم تغيرها خارج مراكز الخدمه المعتمده .
_ خدمه الصيانه العاديه للقطع الاستهلاكيه مثل الغسيل والتنظيف والتلميع والتشحيم والتزييت وتبديل الذيوت والسوائل والفلاتر وسائل التبريد .
_ ضبط الزوايا والترصيص حتى الصيانه الاولى للسياره .
_ قطع غيار الصيانه العاديه مثل السيور وتيل الفرامل الامامى والخلفى ومساحات الزجاج والفيوزات واللمبات وغيرها من القطع التى يتم استهلاكها اوتلفها نتيجه عوامل الجو مثل الزجاج .
_ الاعطال الناتجه عن سوء الاستخدام والحوادث
_ أى أخطاء تنتج نتيجه تعديل بالمواصفات الاساسيه للسياره.
_ الاعطال التى تحدث نتيجه الاهمال فى الصيانه الدوريه كما هو فى كتيب دليل المالك .
_ الاعطال التى تحدث نتيجه استخدام وقود او زيوت غير ملائمه وغير مطابقه لمواصفات السياره .
_ اى إصلاحات أو تلاعب بعداد الكيلو متر
_ عدم استخدام جدول الصيانه بالشكل المطلوب .
_ تلف نتيجه ظروف البيئه مقل عواصف الرياح . الاملاح . سوء التخزين
الخسائر الناتجه عن التحميل الزائد .
_ أى خسائر تنتج من عدم الوقوف والمعالجه الصحيحه عند إضاءه أى من اللمبات التحذيريه بتابلوه العدادات .

أعتقد حسب ما فهمت من الضمان أن كل مكونات السياره مشموله فى الضمان ولمده 3سنوات او 100 الف كيلو ماعدا الاشياء المستثناه التى ينتهى الضمان فيها بعد 5 الاف وال20 الف وال25 الف وال30 الف .
إذن ماكينه الزجاج ليست من ضمن الاشياء المستثناه وبذلك تكون داخل الضمان حتى ال100الف هذا حسب ماأنا فهمت ....إللى فاهم حاجه تانيه يقول .