رد: ساعدوني في مشكلتي ارجوكم
 

شكرا م سمير تعبتك معايا
ليا سؤال لحضرتك
لاحظت و الميكانيكي بيضبط التقسيمه ان بيفك البوجيه الاول و يعاير بمفك لحد ما يوصل البستم لاخر الشوط و ساعتها بصيت علي الزنبه اللي في طنبوره الكرنك لقتها فارقه حوالي 1 سم فقلته الزنبه مش مضبوطه قالي كده ادق من الزنبه و انه لما ضبط علي الزنبه لقي البستم مش علي الاخر و بس اظن الياباني اللي صنع الموتور مش حمار و اكيد الزنب بتاعه الشركه ادق حتي لو كان البستم مش علي الاخرو بعدين خلصنا من اللي تحت نيجي للزنب اللي فوق قالي اهم حاجه ان يكون الشواكيش مريحه بتوع الصبابات مش مهم الزنب لما بقيت هتجنن المشكله اي ميكانيكي لو حس انك فاهم و بتعدل عليه يقولي دا شغلي و انا ادرا بيه منك طب جيتلي ليه و انت دكتور ماتفهمش في الحاجات دي
السؤال الثاني
ضبط التكيهات: اللي اعرفه ان 4 صبابات بتوع الفرن بتاع الشكمان بتمددوا بنسبه اكبر من ال4 التانيين بتوع البنزين و الهواء لذلك لازم نكبر خلوصهم اكتر
يعني مثلا نضبط 20 25 او 25 30 الميكانيكي مش مقتنع تماما بالموضوع ده
نفسي في ميكانيكي دارس و فاهم مش حافظ و خلاص
معلش طولت عليك

رد: ساعدوني في مشكلتي ارجوكم
 

و انا قرأت الكلام ده في منتدي سيارات
(المهمة الثانية للبستم انه يرتفع لأعلى علشان يكبس المخلوط، فى هذة الحال تكون الفتحتين العلويتين، اللى هانسميهم من ديلوقتى صباب الوقود وصباب العادم مقفولين، كأنك بتضغط على حقنه هواء بإيدك وانت سادد طرفها العلوى بصباعك، لحد ما المكبس يوصل لنهاية مشوارة من فوق، وعادة نهاية المشوار مش بتكون عند نهاية السلندر من فوق ولكن قبلها بشوية لان المخلوط الموجود لازم يبقى له حيز يعيش فيه(جرب بنفسك انك تضغط على حقنه هواء وانت سادد مخرجها بإيدك، لو انت عضلاتك قوية هاتكسر الحقنة قبل ما تقدر توصل المكبس لنهاية الحقنة )
مما يدل ان العيار بالمفك مش شرط يكون مطبوظ و الزنب ادق
و الله اعلم

رد: ساعدوني في مشكلتي ارجوكم
 

العيب ده من وش السلندر عامل معاك تنفيس علشان انت عملت فيه شغل والوش ما ريحش كويس على وش البلوك بتاع الموتور وده يقلل من سرعة الموتور ويعمل سخونه وصوت برجله فى الصبابات وكل مره تظبط فيها التاكيهات تلاقيها فاتحه او قافلة راجع وش اموتور (سطح البلوك)

رد: ساعدوني في مشكلتي ارجوكم
 

الله ينور عليك

رد: ساعدوني في مشكلتي ارجوكم
 

شوف التعليق ده يادكتور

عن أهمية الزنب وعلامات الترقيم لمجموعة التقسيمه

http://www.masrmotors.com/vb/showthr...t=38839&page=2