|
رد: محتاج مساعدة الخبراء فى تسقيط موتور
طب محمد انا واحد صحبى قالى على موتور وعاوز اخد رايك الموتور بيقولى نزل فى البولو 96 والجولف 4 موديل 2000 الموتور 1.6 بيقولى ان الموتور 107hp دية صورة للمتور http://img840.imageshack.us/img840/3982/vwpolo97956.jpg Uploaded with ImageShack.us اية رايك فى المتور دة وهل هو قوى طبعا بالنسبة لل1000 الى كان راكب عندى اكيد قوى بس انا عاوز اعرف رايك الشخصى والمتور جاى بالضفيرة والكنترول وفتيس واجزاء العفشة والباور و كباس التكيف بالتركيب ب 4500 اية رايك |
رد: محتاج مساعدة الخبراء فى تسقيط موتور
ما الموتور ده نزل منه في الابيزا مع اختلاف الشكل و شوية اختلافات في الجوهر انما هو 1600 102 حصان اللي هو بتاع الابيزا
و السعر ده خيالي !! بكل ما تحمله الكلمة من معاني ! المحرك ده مبيقلش عن 8000 جنيه !!! و بالتركيب و التظبيط ممكن يقفل 10 بواكي !! لو الموتور و العفشه و الفتيس نضاف و حالتهم حلوه دوووس بدون تردد ده سعر مش هتلاقيه نهائيا انا اقل سعر ممكن سمعته لربع امامي ابيزا 99 1600 سي سي كان 7000 جنيه تأكد من الحالة و توكل علي الله لو بالسعر ده و بالنسبة لرأيي الشخصي في الموتور الموتور ده كويس جدا و قطع غياره موجوده بس غالية شوية و صيانته سهله مش صعبه و اعتماديته عاليه |
رد: محتاج مساعدة الخبراء فى تسقيط موتور
ربنا يطمن قلبك يا محمد
بس انت قلقتنى فى موضوع السعر كدة صحبى لسة مسقط المتور دة عندة فى ابيزا 98 بردة ودافع المبلغ دة وصحبة كمان نزل نفس الموتور فى عربيتة بنفس السعر يا مسهل عموما انا نازل ان شاء الله يوم الاربع الحرفين اتاكد بردة |
رد: محتاج مساعدة الخبراء فى تسقيط موتور
والله الاسعار دي كلها جيالي من الحرفيين و واحد في اسكندرية برضه نزل سأل علي ال 1600 ده و لقاه بسعر اكتر من 8000 يمكن الايام دي الاسعار نزلت شوية عموما اتأكد من الحاله الاول و بعدين توكل علي الله
|
رد: محتاج مساعدة الخبراء فى تسقيط موتور
يا مسهل الحال
انا ان شاء الله نازل يوم الخميس الحرفين وهاخد معاية ميكانيكى وربنا يكرم وان شاء الله اتابعك بالجديد وشكرا يامحمد على متابعتك |
| الساعة الآن 02:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017