مصر موتورز مجتمع السيارات - مقارنة شاملة بين الاسبيرانزا و اللوجان

اقتباس:

المشاركة الأصلية كتبت بواسطة ABCABCABC (المشاركة 284887)

استاذ / رينجو - شكراً لردودك الجميلة و الموضوعية عن العربية و انا انشاء الله انا هجيبها بعد العيد من محمد ذكى بالقطامية وانا مقتنع بالعربية تماماً .

الف مبروك وربنا يباركلك فيها وتستلم على خير ان شاء الله

بس كنت عايز أخد رأيك فى حاجه - هل يعتبر عيب فى اللوجان ان مكنتها 8 صباب - و بتدى 87 هورس باور -

لا يعيبها فى شيئ .. بالعكس انت معاك ماتور الايام حتثبت انه ماتور معمر وكفائته عاليه سواء سحب او استهلاك بنزين
(اللوجان 90 حصان) .. اللانوس هى 87 حصان

خصوصاً ان المدافعين عن الفيرنا بيركزوا على العيب ده - مع احترامى و تقديرى الشديد للفرنا وان فيها مكنة بتدى 106 حصان -
دة مش عيب فى العربية وبعدين حنروح بعيد ليه بعد ما تخلص تليين وتظبط عربيتك وتكون حالتها مستقرة شد مع اى عربية فيرنا تقابلك فى الطريق بقلب جامد كمان لا تقلق
(ماتور الفيرنا اقوى لكن مش بفرق كبير... لكن انت كمان ممكن تستخدم ثبات عربيتك وقدرة التحكم فيها فى تخطيه وتحرجه رغم انه معاه ماتور اقوى) عادى ومع ذلك انت معاك ماتور محترم بيوصل من 0-100 فى 12 ثانية

وان كان وفى الواقع هو ده من الحاجات الحقيقية اليى ممكن نتكلم فيها عند مقارنة السيارت بخلاف العيوب الثانوية الغير جوهرية فى اللوجان ( زنة الدواسة - اهتزاز عصا الفتيس - سخونة بالدوسات نتيجة عزل التكييف الساخن - أماكن زراير الزجاج - مكان الكلاكس )

ويريت اعرف وجهة نظرك عن العيوب الثلاثة الأولى وهل هيا محسوسة فعلاً و لا في تزيد من الغير مؤيدين للوجان :
فيه مبالغة طبعا فى المقارنات ودة راجع لانحياز كل واحد لعربيته .. انا نفسى ساعات بكون منحاز
1- زنة دواسة البنزين
حتحس الموضوع بنفسك .. ويدوبك حتعمل 5000 كيلو ومافيش زنة .. وهى اصلا يعنى حاجة كدة خفيفة جدا ... انا مش عارف اوصفها .. عموما انت بنفسك حتحكم عليها دة اذا حاسيت بيها اصلا
2- اهتزاز عصا الفتيس
هزة الفتيس ماهياش زلزال هى رعشة خفيفة .. وموديل 2011 الهزة اقل من 2010
3- سخونة بالدوسات
دى مش عيب اساسى فى اللوجان .. يعنى انا ما حستش باى سخونية ومع ذلك انا فى الصيانة لاقيتهم مركبين العازل من غير ما اقول فى التوكيل
على فكرة السخونية دى موجودة فى عربيات كتير زى النيو اكسينت والكيا سيراتو ودة لا هو عيب ولا حاجة ... بالاضافة انها مش سخونة قوية .. دى بتكون زى دفئ كدة ممكن تدايق حد فى الصيف لو بيسوق بشورت
وسؤال تانى يا ترى فكرت تركب سنسور بارك خلفية للوجان - علشان موضوع ارتفاع الشنطة
الحقيقة انا سرعان ما تاقلمت مع العربية وبركن بمنتهى السهولة ماعنديش مشكلة مع ارتفاع الشنطة
الله اعلم ممكن يكون ارتفاع الشنطة بيضايق حد غيرى طبعا وممكن تركب سينسور بارك فهو اختراع رائع طبعا وناس كتير اوى بشوفهم ماركبينه فى اللوجان

الف مبروك وتستخدمها فى الخير ان شاء الله