مصر موتورز مجتمع السيارات - مراوح الرديتر مابيفصلوش

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

- - مراوح الرديتر مابيفصلوش (https://www.masrmotors.com/vb/showthread.php?t=132183)

رد: مراوح الرديتر مابيفصلوش

عليكم السلام ورحمة الله وبركاته

انا كنت ناوي ابطل ازعجكم بس واضح انكم مصرين تساعدوني :)
هاحاول اقول كل المعلومات اللي اعرفها على قد خبرتي البسيطة

لما باشغل العربية المروحتين بيدوروا مع بعض بعد تقريبا 5 او 7 ثواني باقصى سرعة ومابيفصلوش غير لما بابطل العربية
المكيف شغال تمام وبيبرد جدا لدرجة اني بافصله علشان باسقع
مؤشر درجة الحرارة في الطبلون رجع يقرا الحرارة على الحساس الجديد بعد مافكيت الفيشة اللي راكبة في الحساس وركبتها كام مرة كده
مؤشر الحرارة في الطبلون مابيوصلش بين النقطتين اللي في النصف غير بعد ما امشي مثلا 20 كيلو وانا مشغل المكيف غير كده بيبقى علي الثلث او اقل
فيشة حساس الحرارة 3 اطراف ماعرفش ممكن يكون فيه طرف بايظ
حاولت العب في علبة الفيوزات فيه فيوزات ضخمة لونها ازرق بتاعة مروحة الكوندنسر ومروحة الرديتير حاولت اغير اماكنهم مع بتاعة المكيف والبلاور بس مافيش فرق
بطلت المكيف مافيش تغيير حاولت ادور على اي مفتاح بيطفي المراوح ملاقيتش حاولت اتصل بصاحب العربية الاولاني مابيردش :)
لما مروحة من الاتنين باظت وشيلتها علشان اغيرها كنت ملاحظ اداء العربية ممتاز جدا من غيرها .. صوت العربية كان انعم وسحبها كان احسن بكتير

معلش صدعتكم بس حاولت اجمع اي معلومات ممكن تفيدكم

رد: مراوح الرديتر مابيفصلوش

فى ريلية بايظ المسؤل عن المراوح
على ضهر علبة الفيوزات هتلاقى رسم بيوضح كل ريلية مسؤل عن اية

رد: مراوح الرديتر مابيفصلوش

دي الفيوزات اللي تحت الكبوت (مافيش فيهم ريلاي للمروحة)
http://oi58.tinypic.com/2i0d8o2.jpg

http://i.imgur.com/4zrMbyI.jpg
ودي اللي جوة العربية
http://i.imgur.com/xg0En4Y.jpg?1

رد: مراوح الرديتر مابيفصلوش

اقتباس:

المشاركة الأصلية كتبت بواسطة mr_astra (المشاركة 980805)

ايوة كدة يا باش مهندس / ولاء اشترك معايا
لحسن الاستاذ ZaShawky زانقنى فى الكرنر وعمال يضرب مش عارف اطلع منة

هو انا كنت قلتلة يشوف زرار التكييف يمكن يكون شغال على طول وبالتالى المراوح شغالة طول الوقت

جة فى بالى حاجة كمان دلوقتى
الاوبل مثلا لو الشحنة بتاعة التكييف اتسربت ...كاجراء وقائي الكنترول بيشغل المراوح على طول
ممكن تكون حاجة زى دى حصلت معاه

السلام عليكم
مستر استرا احنا بنتعلم منك
وانت قدها وقدود
بس اللى اعرفه انه لما تهرب الفريون مروحة التكييف مش بتشتغل وفي عربيات كلاتش كمبروسر التكييف كمان مش بيشتغل
والله اعلى واعلم
والله المستعان

رد: مراوح الرديتر مابيفصلوش

اقتباس:

المشاركة الأصلية كتبت بواسطة ZaShawky (المشاركة 980813)

السلام عليكم
آخر ريليه اللى مكتوب عليه cond fan اكشف عليه ممكن يكون معلق
والله المستعان