رد: مأساتى المتكررة مع مصر للتأمين افشل شركة تأمين فى مصر
 

رد: مأساتى المتكررة مع مصر للتأمين افشل شركة تأمين فى مصر
 

كل الناس نصااابه والاستاز اللي عامل الموضوع ده جاي ينصب علي مصر للتامين وكل اللي بيعملوا مشاركات ع المنتدي يشتكوا من سوء المعامله نصابين ده حتي زميلي اللي معايا ف الشركه اللي عربيته اتخبطت وطلعتوا عين اللي جااابوه علي ما اتصلحت عربيته طلع نصاب وحرامي وله سوابق كتييير
حسبي الله ونعم الوكيل ف اي شركه نصابه او اي حد مش بيقوم بشغله علي اكمل وجه

رد: مأساتى المتكررة مع مصر للتأمين افشل شركة تأمين فى مصر
 

طبيعى يا استاذ احمد دة يكون ردها لانها بتدافع عن مكان اكل عيشها وللاسف العيب مش عليها ولا حتى على شركتها العيب فى الدولة اللى ماعليهاش اى رقابة على الشركات دى والادهى انها حكومية يعنى الدولة مش عارفة تراقب نفسها فاهتراقب على القطاع الخاص ازاى يعنى
اما عن حكايتى فا مش من الطبيعى مطلقا ان المندوب يجى ويتكلم مع التوكيل يقوم مايعجبوش الكلام يقوم واخد نفسة ويمشى واكلمة يقولى دة اللى عندى مش عاجبك اخبط راسك فى الحيط وعنهم مااشتغلوا بنفس اللفظ واللى خلانى ماكلمش الاستاذة ايمان اصلا انى كلمت الادارة ودة بردة كان ردهم ان اللى اعتمدة المندوب التامينى هايمشى وحتى لو نزل واحد تانى هايعتمد كلام الاولانى واحنا اصلا مابنزلش ناس تانية الادهى بقة من كدة يابية انة انا بالصدفة بسال على العربية قالك دة المندوب نزل عاين ومشى من غير مايتفق معانا ومقايستة اخدت رفض طب حتى حد يكلمنى حد يفهمنى حد يقولى طيب مافيش طيب بلاش ماتقولوش طيب انا مندوب من التامين اللى ليا كعميل مامن تبع مصر للتامين انى ارمى عربيتى ان شاء الله فى القمر وتتصلح لكن المندوب يروح التوكيل يقدم مقايسة فالتوكيل مايعجبوش الكلام يقوم سايب الموضوع ويمشى ويقولك اخبط راسك فى الحيط
وبعدين بقة الاستاذة ايمان تقولك كلمنى ونحل الموضوع موضوع اية بس اللى يتحل اذا كنت كلمت الادارة وقالى مافيش حاجة اسمها مندوب تانى ينزل يعاين دى ولو نزل فى اضيق الاحوال هايعتمد كلام الاولانى يعنى نقدر نستنتج من هنة اية ان مافيش حاجة اسمها مستشار تامينى فى البلد لان اصلا شركات التامين نصابة عاوز تاخد حقك لازم تبقة بلطجى لكن كلام مستشار تامينى والكلام دة مابياكلش عيش مع الناس دى دى ناس تخاف ماتختشيش
عشان انا كدة انا من موقعى هذا وللمرة المليون بقول بلاش تأمنوا تبع مصر للتأمين بلاش مصر للتأمين بلااااااااااااااااااااااا ااش الله يخليكوا دور واتأنوا تانى مع شركة تانية

رد: مأساتى المتكررة مع مصر للتأمين افشل شركة تأمين فى مصر
 

وانا باضم صوتي لصوووتك بلاش مصر للتأمين امن علي شركه يهوووديه اقسم بالله يهووديه احسن ما تأمن عند مصر للتأمين كفايه اللي زميلي شافه قدام عينيا من بهدله ومرمطه وقله ادب منهم زي ما يكون بيشحت من اللي جابوهم واقسم بالله ان من كلامه عن اللي عملوه معاهم من عصبيتي قلت له روح لهم المره الجايه وف جيبك مطوه قرن غزااال وهددهم بيها طبعا ده كلام نرفزه بس انا لو حصل معايا ربع اللي حصلل معاه كنت اقل واجب مديت ايدي علي حد فيهم

رد: مأساتى المتكررة مع مصر للتأمين افشل شركة تأمين فى مصر
 

علي فكره انا زكرت ان انا مروحتش عشان كان عندي ظروف
مزكرتيش انتي ليه بقا لما ادتيني معاد ومحدش جالي
مش تقولي اللي ليكي واللي عليكي برضه عشان تبقي حقانيه
ومزكرتيش ليه لما فضلت اتصل بيكي اكتر من اسبوع وانتي مش بتردي عليا
ومزكرتيش ليه انك بعتي رساله ليا لما فضلت اتصل كتير قولتي فيها اول اما وصل الشغل الصبح هاكلم حضرتك وجه الصبح وكالعاده الطناش
ومزكرتيش ليه لما كنت انا بتصل وانتي تروحي فاتحه وقافله عليا وتكنسلي يعني بصراحه حركات ......................