رد: مطب جرين بلازا .......... العربيات بتطير
 

رد: مطب جرين بلازا .......... العربيات بتطير
 

الحمدلله طلعنا جيران

أنا كنت من سكان مدينة آسيد قبل ما اتجوز وحاليا ساكن في شارع النصر اللي قدام جرين بلازا

قوللي إمتى ناوي تعمل الموضوع ده وإن شاء الله أساعدك، ولا حضرتك عايز تاخد الثواب لوحدك :)



...

رد: مطب جرين بلازا .......... العربيات بتطير
 

من اللى قريته ياباشمهندس أحمد إن فى أعضاء كتير عاوزين يساعدوا فى الموضوع ده
فأنا بأقترح إننا نيجى معاك الفجر وقت ما هاتدهن ونساعد فى غلق الطريق وتحويل مسار السيارات الى حارة واحدة وندهن الأخرى ولما تجف نحول المسار للحارة التى جفت وندهن الأخرى ولما يكون عددنا 4 أو 5 ها نقدر ننجز بسرعه ، بس قلنا الميعاد إمتى

رد: مطب جرين بلازا .......... العربيات بتطير
 

جزاك الله خيرا يا استاذ عكرمة
فعلا انا فكرت فى اليافطة بس معرفش اعملها و ان الصراحة اولريدى جبت اللاكيه جالون و روله وسط و عندى ثينر

طيب يا عمر باشا قولى رايك انا النهارده لسة جاى من برة كنت بصلح تكييف العربية (ادعيله) و اشتريت (طبعا قبل ما اقرأ كلامك الجديد) جالون لاكيه اصفر و روله وسط

واجب برضه ..............ههههههههههه ههههههههههه

لا طبعا يا ريت تيجى و بالمرة اشوفك

الحمد لله يا استاذ نبيل و حضرتك برضه اللى شجعتنى
ان شاء الله انا نويت النهارده بالليل كنت ناوى مثلا من 2 قبل الفجر او قولولى اللى يناسبكم

لان و الله امبارح الفجر عربية اوبترا طارت و نزلت و كل بطنها هبد فى الارض و زحف و طلعت شرارة بحجم و طول العربية مرتين تلاتة firework
و عربية ميجان ديى بقى سمعت حاجات اتكسرت و فضل صوت التكسير مستمر

ان شاء الله النهارده و نمرتى 01001648489 و معايا : مقشة + جالون لاكيه اصفر + ثينر + روله + و للاسف معايا جردل واحد لونه احمر مش عارف استخدمه للبويه و لا علامة تحذيرية لتحويل العربيات
منتظر ردكم يا جماعة الخير

رد: مطب جرين بلازا .......... العربيات بتطير
 

الحمد لله جالى الاستاذ borio1704 و ساعدنى جزاه الله خيرا و الحمد لله الحمد لله الموضوع فشل :k_crying77[1]:
انا ابتديت الساعة 2 و فعلا خففت الجالون بتاع اللاكيه الاصفر بتينر كتير و دهنت تقريبا نص المطب و الاستاذ borio1704 راح لجرين بلازا و جاب جركينيت استخدمناهم مع مثلثين عاكسين لتحويل العربيات عن النص المدهون + وقفتنا احنا الاتنين لغاية الفجر عشان نضمن ان البوية بقدر الامكان تنشف
طبعا الفجر لما اذن اتضطريت الم الحاجة و امشى و الحمد لله دلوقتى ببص من الشباك معدتش فى و لا نقطة صفراء باينة الحمد لله :HAPPY_~211: ههههههههه هههههههههههههههههههه ههههههههههههههههههههههههه ههه ( لا و قال ايه كنت ناوى اكمل النص التانى النهارده هههههههههه)
بس اللى استفدناه من وقفتنا ان انقذنا عربيات كتير
الحل و الله اعلم فى يافطة فسفورى معرفش حتتكلف كام و تتعمل فين بس انا مستعد اساهم فى تكلفتها دا اللى اقدر اعمله
بس بجد يا جماعة خدوا بالكم لان المطب مدمر
امبارح و احنا واقفين جه اتنين بيسابقوا بعض واحد اكتافيا تقريبا كان على اليمين كل المطب و كان العربية اتفشفشت و النترا 2012 كان على الشمال ناحية الحتة اللى دهناها فشاف الجراكن و المثلثات و فرمل جامد و خبطهم طيرهم بس كان هدى خالص و مكنش شايف المطب فالحمد لله خده بشويش

اللى بياخد المطب غالبا عربيته بتبوظ جامد