|
رد: اى حد محتاج اى معلومه عن رينو
بعد اذنك يا باشمهندس انا كنت قولتلك ان فيه ميجان 1 موديل 2002 قدامى معروضة على 43 الف بس بعد اذنك ايه اخبار قطع الغيار والصيانة و شكرا يا باشمهندس |
رد: اى حد محتاج اى معلومه عن الرينو
ربنا يكرمك وشكرا على ردك وافادتك بس حاليا مفيش غير قطع غيار فى التوكيل لوا بقا موجود بره التوكيل انا بشوف محلات قطع غيار حالا اوقلات فى الشوارع بس انت مش شايف تمن الاكصدام 1300 او 100 غالى شوى وتمنى المرايا برضه بص من الاخر انا عجبانى العربيه بس برضه بحسبها وايه رايك فى توكيل مابل بتاع ابو غالى بصراحه برضه العربيات جامده بس مقلق وشكرا
|
رد: اى حد محتاج اى معلومه عن رينو
السلام عليكم ياباشا كنت بتكلم مع واحد أنني سوف أشتري لوجان رد عليا واحد شغال فى معرض للكموني بطنطا وقال ليه تشتري لوجان مشاكله كثيرة فى العفشه والكهرباء إشتري فيرنا بنفس الثمن ومش حتنزل قوي فى سعرها لما تحب تغيير ماهو رأي فى الكلام ده ولكم جزيل الشكر
|
رد: اى حد محتاج اى معلومه عن رينو
اقتباس:
والله يا باشا موضوع السعر ده رهن بالحاله ولو العربيه متبهدله متاخدهاش لانها لو متبهدله هتصرف عليها كتير عشان تفوق عشان كده لو الحاله حلوه والعربيه ماسكه نفسها يبقى اتكل على الله السعر كويس على الموديل ده ولو عرفت تنزل الف ولا حاجه يبقى كويس ولو نزلت ال3 يبقى العربيه كده لقطه وبالنسبه للصيانه هى صيانتها مش معقده وسهله وفيه ميكانيكيه كتير حضرتك بس قولى انت منين وانا اقولك على اقرب واحد لمكانك مع مراعاه انه فيه تجمعين واحد فى صقر قريش وواحد فى عين شمس هتلاقى كذا ميكانيكى وكذا واحد بتوع قطع غيار هناك وبصراحه انا مش فاكر اسعار قطع غيار ليها بس اللى فاكره كان فلتر الزيت ب25 وطقم البوجيهات ال1 شمعه اليكترونى NGK تمنه 50 جنيه (متأكد من السعر ده تماما لانها نفس البوجيهات اللى بتركب عندى)وفلتر الهوا على ما اتذكر كان ب60 بس مش متأكد لو حضرتك ممكن تصبر عليا لبكره اجيبلك اسعار قطع غيار كتير فيها وارجو انى اكون افدت حضرتكptmnlo123per122 |
رد: اى حد محتاج اى معلومه عن الرينو
اقتباس:
انما بالنسبه للحاجات المستهلكه اعتقد انها مش غاليه جامد ومقدور عليها غير كده انت هتجيب زيرو يعنى تأمين وضمان معاك يبقى متشيلش هم قطع الغيار دلوقتى يا باشا فكر فيها بعد سنتين ولا حاجه وبالنسبه لموضوع مابل انا معنديش اى فكره عنها بس لو هتشترى عربيه صينى يبقى اقولك اشترى فيرنا او لانوس احسن بكتير اينعم عليهم بعض الملحوظات انما ارحم من الصينىptmnlo123per111 |
الساعة الآن 05:47 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017