|
|
رد: أعرف كل شئ عن السباكة
موضوع رائع و انت بجد انسان خدوم جدا يا استاذ ايمن
انا كنت عايز اسأل حضرتك كام سؤال كده خصوصا اني مقبل علي مرحله تنفيذ اعمال السباكه الداخليه بشقتي لحمام رئيسي و حمام ضيوف صغير و مطبخ المهم انا سألت واحد مهندس صحي زميلي علي انواع المواسير قالي ان افضلهم الاكواثيرم و دي مفهاش مشكله مع ان الناس بتقول انها اغلي بكتيررررر من الباننجر اللي محيرني بقه طريقه عزل الارضيات للحمامات و المطبخ لانه قالي البيتومين البارد اللي معظم الناس بتعمله دلوقتي ده مش فعال بالطريقه المطلوبه و ان الشغل القديم بتاع زمان اللي هو البيتومين الساخن اكثر فاعليه و اللي افضل منهم هما الاتنين هو شرايح كده مش عارف اسمها ايه حاجه زي (( مينبيرين)) دي بتتجاب و تتلزق بالارض و دي افضل شيء فقولت اسألك برده لانك شغال بأيدك في الموضوع ده و اكيد هتفيدنا في حاجه تاني اني بفكر اعزل كمان الحوائط و السقف لاني مش عايز اشوف اي نشع للمايه في اي مكان خالص, متشكر مبدئيا و يا ريت تقولي برده تكلفه مبدئيه لاعمال السباكه بحيث اننا نتعامل مع بعض |
رد: أعرف كل شئ عن السباكة
الف شكر علي هذا المجهود الطيب اللي حاسس فية بإخلاص وحب للمهنة النادر اليومين دول.
عندي استفسار،ان شاء الله بشطب حمام جديد ومكان البانيو علي حيطة مشتركة مع جار مركب فيها لوحة كهرباء ،وطبعاً ظهر اللوحة دلوقتي باين من الطوب الاحمر عندي، وخايف بعد ما اشطب ومع الاستعمال حد يتكهرب نتيجة اي تسريب للمياة من خلال السياميك. فما هو الحل برأيك؟ وشكرا |
رد: أعرف كل شئ عن السباكة
اقتباس:
أنا عاجز عن شكر حضرتك لثقتك الغالية بى أتمنى من الله عزوجل أن أستطيع مساعدتك بخصوص أنواع مواسير البولى بروبلين فعلا صديق حضرتك على حق فى أن الاكوا ثيرم من أفضل الانواع بمصر وهى ألمانى الصنع أستيراد شركة أولاد حمزة وفعلا سعرها غالى ومتفاوت كثيرا عن مثيلاتها مثل مواسير ولوازم بننجرBRالمصرية الالمانية وأيضا مواسير ولوازم الشريف (الامل) وهم أقل بكثير فى السعر لكن كرائى شخصى هم أحسن الرخيص وأيضا معتمدين من ناحية الكفاءة سيدى الفاضل بخصوص عزل الارضيات فأهميته للحفاظ على المكان من الرطوبة الناتجة عن أستخدام المياة فى الحمامات وخاصتا المياة الساخنة الناتج عنها بخار ولكن من رائى الشخصى أن الفنى الذى لا يراعى ضميره فى التأسيس الخاص بمواسير المياه والصرف فا العازل لا يصلح عيوب التركيب الناتج عنها تسريب مياه بل العازل سوف يحافظ على أرضية الحمام فقط لكن تسريب المياة سوف يمتد من خلال الرمال أسفل البلاط لباقى سقف الشقة لذلك أنصح بالتأكد أولا من مهارة الفنى القائم بالاعمال وأختبار المواسير جيدا أما العازل فلا مانع من أستخدام العازل على البارد سواء البيتوكوت أنتاج المصرية الالمانية أو سيروتكت أنتاج شركة كيماويات البناء الحديث أو السيروبلاست أنتاج شركة كيماويات البناء الحديث وهذا النوع خاص بالاسطح المعرضة للحرارة مثل أسطح المبانى اما عن النوع الى حضرتك ذكرته فهو يسمى أنسومات وهى عبارة عن لفف مطاطية سمك 3مم و4مم ويتراوح طول الفه من 10 الى15 متر طولى وعرضا 1 متر وأسعارها من 120 جنيه الى200 جنيه حسب جودة الشركة المنتجة وأليك صورة من هذا النوع http://a7lashare.com/viewimages/95dfcb31c3.jpg الصورة من محرك البحث بجوجل لأنى للاسف معنديش صور ليه بخصوص أسعار التكلفة للاعمال المطلوبة يشرفنى أولا القيام بمعينة مبدئية لتحديد المصنعية ويشرفنى كثيرا التعامل مع حضرتك ولاتقلقل من الاسعار فهى مثل أى صنيعى يحب مهنتة ويراعى الله فى تعاملة أتمنى من المولى عزوجل أن أكون أفدتك أخوك أيمن أبو شروق 01005314147 01287710555 |
رد: أعرف كل شئ عن السباكة
اقتباس:
بخصوص أستفسار حضرتك أول شى أتمنى أن يكرمك المولى عز وجل بفنى ماهر فى الصنعة ويراعى ضميره ثانيا لتفادى أى أخطاء من الفنيين فرائى أنك ممكن أن تستغنى عن 12سم من مساحة الحمام وتقوم ببناء حائط خلف لوحة الكهرباء أو بمعن أصح الحائط الذى سيتم تركيب البانيو عليه ثالثا وهذا رائى أخر وهو بدل بناء الحائط تقوم بتركيب البانيو بعد السيراميك ( بانيو خارجى بالشاسية)مثل الصور http://a7lashare.com/viewimages/70e47a81c7.jpg http://a7lashare.com/viewimages/f69063aa07.jpg http://a7lashare.com/viewimages/6b04751b00.jpg أتمنى من المولى عزوجل أن أكون أفدتك أخوك أيمن أبو شروق 01005314147 01287710555 |
رد: أعرف كل شئ عن السباكة
شكرا علي اهتمامك، مرفق صورة الوضع بالضبط وسيتم عمل شاور وليس بانيو. وشكراهل يتم عمل عزل للحائط؟ وهل العزل قبل بناءالحائط ام بعده ام قبل وبعد؟ كل الخوف من تسرب ماء الاستحمام عبر الحائط ولاقدر الله حد يتكهرب عند لمس الحائط. معلش انا موسوس اوي. |
| الساعة الآن 09:56 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017