|
|
رد: كل اللي نفسه في حاجة عن اللوجان يدخل هنا
سؤال كل مرة بنسى اساله
ايه الفرق بين 8 صباب و16 صباب |
رد: كل اللي نفسه في حاجة عن اللوجان يدخل هنا
معلش نسيت اقولك
ان شاء الله لما اجيب العربية ايه المفروض اغيرة خلى بالك انا اول مرة اركب عربية يعنى امتى بغير الزيت واجات ده وده على حسابى ولا على الضمان يعنى ازاى اتابع العرببية كل شويه وايه المفروض انه بيستهلك شكرا ربنا يحفظك ويصلح حالك |
رد: كل اللي نفسه في حاجة عن اللوجان يدخل هنا
اقتباس:
1- 8 صباب 90 حصان ودة اللى موجود فى السيدان 2- 16 صباب 110 حصان ودة اللى موجود فى بعض فئات ال MCV ...................... وهنا قوة الماتور لا تنعكس على عمره الافتراضى لكن ال 16 صباب بيكون اقوة لدفع السيارة بقوة اكبر وومش بيبان فى السرعات الاولى لكن بيبان اوى فى السرعات العالية وبيكون تجميعه اسرع من تجميع ال 8 صباب و حتى انت لو لاحظت فى المواتير ال 16 صباب بيكون السرعة القصوى اعلى من السرعة القصوى لماتور 8 صباب طبعا مع افتراض انهم الاتنين نفس ال CC |
رد: كل اللي نفسه في حاجة عن اللوجان يدخل هنا
اقتباس:
بالنسبة ليك انت حتابع صياناتك فى التوكيل ودة مهم لانك لو متابعتش صيانات التوكيل حتخرج برة الضمان صيانات التوكيل كل 5000 كيلو واحدة مدفوعة وواحدة مجانا طول فترة الضمان بتغير الزيت كل 5000 كيلو او كل 10000 كيلو حسب رغبتك و كل حاجة ليها زيت مخصوص ليها وطبعا تغيير الزيت والقطع الاستهلاكية على حسابك .. الحاجة اللى تتغير بس فى الضمان هو عيب الصناعة ......................... .... القطع الاستهلاكية دى بتختلف من شخص لاخر حسب طريقة قيادة كل شخص ونوع الطرق اللى بيمشى فيها يعنى مثلا الكاوتش ممكن تغيره على 40000 كيلو تيل فرامل كل 15 20 25 الف كيلو على حسب قيادتك وطريقة ضغطك للفرامل ......................... بالنسبة لمتابعتك انت لعربيتك فهى بتتلخص فى 1- الكشف على ضغط الهواء فى الاطارات كل اسبوع ... لو حتملى نيتروجين تكشف على الضغط كل شهر 2- تكشف كل فترة وليكن اسبوعين على سوائل العربية زيت وماء ريداتير ودة بيكون من خلال مقياس للزيت وبيكون بين العلامة ال MIN و العلامة ال MAX ونفس الكلام على ماء الريدايتير لكن الماء بيكون لونه اخضر وبيكون فى طرمبة لونها ابيض فاتح بتظهر من خلالها مستوى المياه ولازم لا يقل عن العلامة ال MIN و لا يزيد عن العلامة ال MAX من الحاجات الضرورية اللى لازم تعرفها انك لو لاقيت ماء الريديتير ناقص عن العلامى السفلى متزودش بمياه من الحنفيه لان مياه الحنفية بها املاح تؤزى العربية المياه ليها مياه مخصوص اسمها المياه الخضرا .. وبتتباع فى البنزينات فى جراكن وفى كارفور والاماكن دى :waving: |
رد: كل اللي نفسه في حاجة عن اللوجان يدخل هنا
مش عارف اقولك ايه اخ رنجو لسانى يعجز عن الشكر ptmnlo123per171
جزاكم الله خير الجزاء بجد والله متشكر جدا على معلومة قولتها |
| الساعة الآن 06:54 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017