رد: رابطة مالكى الاكسل
 

يا باشا الشكر لحضرتك انك خصتنى بهذه الرسالة والحمد لله كل اعضاء المنتدى يقدمون نصائحهم وخدماتهم لوجة الله
وبنا يوفقك الى الخير دائما

رد: رابطة مالكى الاكسل
 

يجيبوا اكسيل 1300 آخر موديل وبحالة حلوة جدا او 1500 موديل 94 او 95 لكن بحالة تعبانة شوية يعنى هتصرف عليها ممكن تزود المبلغ الى 33000 وتجيب 1500 بحالة جيدة

رد: رابطة مالكى الاكسل
 

الف شكر علي الرد

رد: رابطة مالكى الاكسل
 

السلام عليكم
حضرتك من المنصورة يا دكتر محمد
انا اخوك وائل من المنصورة
يا ترى ممكن اعرف حضرتك بتتعامل مع ميكانيكي وعفشجي مين هناك
وياريت لو يكون لهم علاقه بالاوتو ماتيك
والعربيه واقفه والكونتاكت شغال بسمع صوت كركره من الخلف ولكن بعد لما امشي بيها الصوت بيروح والماتور سحبه كويس الحمد لله ؟ وكمان سحبها بطيئ لحد لما اوصل مثلا لسرعه 40 كم على عكس ما كنت بسوق ع المانيوال هل ده عيب شائع فى الوتوماتيك ولا دى حاله خاصه بيا
وكمان بتعمل 140 كم فى الصفيحه داخل البلد بدون تكييف
(اكسيل 1500 مو 94 اوتوماتيك )
واسف للاطاله

رد: رابطة مالكى الاكسل
 

أخى العزيز وائل أهلا بيك
انا من بلقاس بس بتعامل مع عفشجى موجود فى شارع متفرع من شارع عبد السلام عارف اسمه مصطفى وده رقم موبايله 0165600248 وانت جاى من كوبرى السلام ورايح الترعة هتلاقى مسجد جديد وبعديه على اليمين بشوية محل عطارة هو فى الشارع اللى محل العطارة على ناصيته
الميكانيكى اللى بتعمل معاه هنا من بلقاس بس سافر السعودية الأسبوع اللى فات فلسه بشوف ميكانيكى تانى
الصوت مقدرش افيد حضرتك فيه الا لما اسمعه حاول تسمعه جاى من الموتور ولا الفتيس ولا من بكرة سير
المعدل اللى حضرتك بتقول عليه انا هقول لحضرتك العربية عندى بتستهلك حوالى 210 كيلو /صفيحة ومعظم مشى بره البلد يعنى مجربتش اشوف الاستهلاك جوه البلد اد ايه لكن لما بمشى بيكون بره وجوه ( مختلط يعنى ) الاستهلاك بيكون حوالى 180 كيلو /صفيحة
جرب تملا التانك لحد الزور ( تملاه كويس) واصبر عليه لحد آآآآخره وبعدين امشى كام يوم وعيد نفس التجربة دى اضمن طريقة علشان تحسب الاستهلاك مظبوط

ولا داعى للأسف يا باشا مفيش اطالة ولا حاجة