رد: 75% من مصانع السيارات في مصر مهددة بالإغلاق
 

الأستاذ سيف, طبعا حضرتك ليك وجهة نظر و انا أحترمها, بس أعترض إنك تتهم الألاف من المصريين إنهم خونه لإنهم بيقاوموا جشع التجار بالطريقه الصح اللي بتجييب نتيجه في كل مكان في العالم.

ثانيا توكيلات العربيات المستورده مش فاتحه مصانع ( قصدي ورش تجميع) في مصر و بالتالي مفيش عماله نخاف عليها

ثالثا فيه عماله عددها أكتر فقدت عملها نتيجة الأزمه الأقتصاديه في قطاعات تانيه كتير زي البناء و العقارات و السياحه و المقاولات و مسمعناش حد بيتكلم عنهم إشمعنى يعني قطاع السيارات

رابعأ ان حديلك مثال على الشركات اللي بتجمع في مصر و قوللي رأيك:-

إذا إفترضنا أن التخفيض الأخير لسعر Elantra بنسبة 5% هو نتيجة الركود العالمي إي تخفيض ناتج من تقليل الربح و التكاليف الرأسمالية " over heads" إذأ فأين التخفيض الناتج عن إنخفاض أسعار المواد الأولية "raw material" عالميا بما يعادل حوالي 20% في خلال الستة شهور الماضية!!!!!!!! و أين التخفيض الناتج عن هبوط قيمة العملة الكورية أمام الجنية المصري بحوالي 27% خلال 8 شهور!!!!! فبحسبه بسيطة نجد أن سعر Elantra يجب أن يكون 54000 جنيه.

خامسا و أخيرأ أنا متأكد إن حضرتك برضه بيهمك مصلحه الاف المصريين اللي بيشتروا عربيات بأضعاف قيمتها الحقيقيه لإن ده فعلا حرام.

رد: 75% من مصانع السيارات في مصر مهددة بالإغلاق
 

عزيزى Hima_jordan
انا لا اتهم احد وانا لم يصدر منى الموضوع الاتهام دة
اولا احنا فى منتداء للسيارات وبنعرض ونقاقش مشاكل متعلقة بالموضوع دة
ثانيا احنا عندنا صناعة مبدئية للسيارات وعندنا خطوط تجميع فى مصر وممكن حضرتك تقراء الموضوع دة
http://www.masrmotors.com/vb/showthread.php?t=4341
ثالثا انا لما قولت خبر وعقبت علية علشان حملة خليها تصدى انا كان وجهة نظرى شى واحد بس الحملة دة مش اصلها مصرى صح ومحدش مننا فى مصر قام بالحملة دة دة مجرد نقل لحدث فى السعودية والدول العربية احنا حلنا غيرهم وحياتنا واقتصادنا مختلف عنهم خالص يبقى مش من الصح اننا نمشى وراهم ولازم يكون لينا راى
وبعدين الموضوع دة كبر جدا طيب احنا كشباب لينا فكرنا وعقلنا تعال نعمل شى مفيد بجد حملة نطالب برفع سعر السجاير ال بتدر بجد نعمل حملة لا للمخدرات ال اصبحت منتشرة جدا فى كل الاوصات نعمل حملة للكبار نقول لهم كفاية فساد يا كل صاحب منصب نعمل حملة ونقول عيزين نقضى على البطالة نعمل حملة ونطالب بتخفيض اعباء الاثتثمار لتشجيع المستسمر الاجنبى يعمل مصانع والتوكيلات تكبر مصانعها نقول عيزين ننتج عربية مصرية بكامل
ندور على شى لة هدف ونبنى بدل محنا بنعمل مشكلة على شى هياخد مننا فلوس مش هيجيب عائد
مهم نعمل حملة يكون هدفها عائد للبلد ونطلب بحقنا فعلا
طول ماحنا بلد مستهلكة طول مالجنية المصرى اقل وطول مالاسعار علينا زيادة
طبعا بحيك على اسلوب المناقشة التحضر واتمنى ان كل الشباب يكون ليهم دور بجد فعلا مش كلام

رد: 75% من مصانع السيارات في مصر مهددة بالإغلاق
 

ده اقل شئ امام جشع التجار الكبار والموزعين كفاية بقى استغلال فى الشعب الغلبان اسعار العربيات هنا من اغلى الاسعار فى كثير من الدول العربية الشقيقة بالرغم من قلة الاوبشنز التى تصنع فى السيارات خصيصا لمصر.

ده نتيجة جشع التجار واصرارهم على تحقيق معدلات ربحية عالية جداً على حساب المواطنين بالرغم من هبوط الاسعار الشديد فى كل الدول وانا مع خليها تصدى وموديلها يعدى

رد: 75% من مصانع السيارات في مصر مهددة بالإغلاق
 

عزيزي سيف, شكرا على الرد المحترم, انا شايف إن مفيش أي إختلاف في الرأي

أنا معاك في اننا لازم نعمل حملات تانيه للمواضيع المهمه بس كمان لازم نستمر في حمله خليها تصدي لغايه الجشع بتاع توكيلات العربيات ده ينتهي ويحترموا المستهلك المصري الغلبان.

رد: 75% من مصانع السيارات في مصر مهددة بالإغلاق
 

انا كنت بس عايز اقول وجهه نظري في نقطتين
في فرق بين الوكلا و التجار ... الوكيل هو اللي بيحدد سعر العربيه اما التاجر فدوره البيع وبيكون التنافس بين التجار في هامش سعري بسيط لأن مكسب التاجر في العربيه مش كبير بالدرجه اللي تخليه ينزل في سعرها بالالافات ...

حاجه تانيه ...
هو سبب الحمله ايه ؟؟
مش الازمه العالميه و بالتالي انخفاض الاسعار نتيجه ضعف القوى الشرائيه ...
وده معناه بمنتهى البساطه ان العربيات سعرها بره رخص لأن الناس قدرتها الشرائيه قلت ... وبالتالي انخفاض الاسعار علشان تشجيع الناس انهم يقدرو يشترو المنتجات المختلفه ومن ضمنها العربيات ولتصريف المخزون
وطبعا مصر اتأثرت بالازمه العالميه ... قناه السويس - الضرايب اللي عمالين يفرضوها يمين و شمال ( صيادله - تقاضي - ولسه الاقرار في 31 مارس للافراد و 30 ابريل للشركات .. ولسه حنشوف مهازل )

من الاخر في ازمه سيوله و ضعف شديد في القوى الشرائيه و وصل لمصر زي باقي الدنيا

عموما هو لو في 75 الف عامل في مجال السيارات يتعرضون للخساره ... ففي الاف مؤلفه في مجالات تانيه يتعرضون ايضا للخساره و محدش حاسس بيهم بجد ...

ولا هي وطنيتنا مش موجوده الا في العربيات و بس !!!

يعني على كده انا معايا الجنسيه الهيونداويه ... والمفروض اتبرع بالعربيه و اشتري عربيه هيونداي جديده و كل ما اروح اعمل صيانه اتبرع لغبور و لو ب 100 جنيه !!!!

رد: 75% من مصانع السيارات في مصر مهددة بالإغلاق
 

طبعا بحى الناس ال بتكلم ونقول وجهة نظرها بطريقة كويسة جدا ودة شى كويس
وبرضة بقول للناس ال بتنساق وراء شى لمجرد الكلام والتقليد فكر وخلى ليك دور ولو بسيط بالفعل مش بالكلام فى امور تانية مهمة
يا جماعة صدقونى احنا فى مصر مش محتجين نطلب تقليل سعر السيارات ونشغل نفسنا بحملة مش بتعتنا
فى امور تانية مهمة جدا ممكن يكون لينا دور فيها مهم

رد: 75% من مصانع السيارات في مصر مهددة بالإغلاق