المشاركة الأصلية كتبت بواسطة nawwara (المشاركة 770851) الشراء عن طريق بنك ناصر فيه ربا اللهم بلغت اللهم فاشهد

وايه سندك فى الكلام ده ؟؟

المشاركة الأصلية كتبت بواسطة hossamdoaaaa (المشاركة 771394) وايه سندك فى الكلام ده ؟؟

للاسف مش هاقدر اقولك سند لكلامى , لانى ببساطة شديدة نسيته , مع انى سمعته اكتر من مرة
اللى فاكراه انى لما كنت عايزة اشترى عربية قسط عن طريق البنك سألت فى الموضوع ده اكتر من حد والكل اجمع لى على الحرمانية
دخلت على اليوتيوب عشان اشوف اى فتاوى للشيخ ابو اسحاق مثلا ولقيت فعلا وكان كما قيل لى
فنصيحة كما قال صاحب الموضوع , ياريت اللى هايعمل كده يسأل عن الحكم الشرعى
اتذكر بردو ان الشراء من بنك ناصر من اسباب الحرمانية انه فيه طرف تالت فى البيع , والمفروض ان البيع يكون بين طرفين بس
المهم من ضمن ما توصلت له بعد السؤال ان بنك فيصل ممكن الواحد يشترى عربية تقسيط منه ومافيش ربا فى الموضوع
البيع بيبقى من البنك لى مباشرة , عكس البنوك الاخرى
سألت اخويا محاسب واكد لى الموضوع ده
طبعا كلامى كله لا يعتبر سند لأى حد , عشان كده لابد من سؤال اهل العلم قبل شراء عربية قسط من البنك
انا بس نبهت على الامر ده لانى متأكدة منه رغم نسيانى للسند بس متأكدة
وربنا يوفق الجميع