المشاركة الأصلية كتبت بواسطة منجاية (المشاركة 268988)

: معلش كمان سؤال هل ممكن اعمل لبنتي عقد بيع اني بعتلها العربيه عشان تبقي بتاعتها لو انا توفيت
وهل لو كتبت عقد بيع لبنتي ولو توفيت اهلي ممكن يورثو في العربيه ؟؟؟
هل لزوجي نصيب فيها اذا كتبتها باسم بنتي وهل ممكن اكتب ابيها واصي عليها يعني هوه يديرها بعد وفاتي؟؟ لحين ابنتي تبلغ سن الرشد؟

المشاركة الأصلية كتبت بواسطة egman (المشاركة 273920)

ألف مبروك GIFT4U

مفهوم 444546
بيانات الرخصة :

وجهة الرخصة :
نهاية الترخيص : 21/12/2010

ظهر الرخصة :
مكتوب تاريخ الفحص 2011 دون ذكر شهر ده معناه اية ؟
يعني انشاء الله عندما يحين موعد الترخيص الجديد ( 21/ 12 ) من عام 2011 يبقي العربية لازم تتفحص ، بس ده في حالة ان العربية مملوكة للمالك الاساسي ، أم في حالة نقل الملكية يبقي لازم سيادتك هتفحص (إجباري) و بعدين بيبقي الفحص بعد ذلك كل 3 سنين

طيب وانا عايز فى خلال شهر نوفمبر ده ان شاء الله انقل ملكية السيارة باسمي قبل ميعاد انتهاء الرخصة .


إستفساراتى :

1. لازم لإتمام نقل الملكية يكون معايا عقد بيع مسجل فى الشهر العقاري نعم لازم عقد بيع مسجل في الشهر العقاري ولا ممكن بالتوكيل انقل الملكيه لا ماكنش حد غلب هههه علماً بأن التوكيل مكتوب فيه يحق البيع للنفس ولغيره والتعامل مع المرور .
2. طيب فى حالة انه لازم عقد بيع مسجل :
   
   
3. بيتكلف كام عقد البيع لموديل عربيتى والسي سي بتعها ؟
   راجع الجدول الموجود في المشاركة
   
4. بيتعمل فين فى الشهر العقاري بتاع السيارات الى فى سوق السيارات ولا فى اى شهر عقاري اخر ؟
   في أي شهر عقاري و لكن يفضل في التابع له عنوانك في البطاقة و ممكن برضه بتاع سوق السيارات.
   
5. أشتري عقد البيع المسجل ده منين مكتبة ولا من الشهر العقاري ؟
   ده نموذج مجاني بيبقي موجود في الشهر العقاري نفسه و بيبقي ببلاش
   
6. اية الورق الا اخده معايا وانا رايح الشهر العقارى والاجراء ده ممكن ياخد وقت قد ايه فى شهر عقاري مدينة نصر ؟
   بطاقتك (رقم قومي و سارية) و أصل رخصة السيارة (سارية) و أصل التوكيل السابق و صور ضوئية من جميع تلك المستندات
7. اية هى المده المسموحه ليا بعد عمل عقد البيع فى الشهر العقاري ونقل الملكية فى المرور ؟
   شهر واحد فقط
   
8. بعد عمل العقد باخد التوكيلات ولا الشهر العقاري بيحتفظ بيها ؟
   بتأخذها معاك و المرور هوه اللي بيأخذها منك و يضعها في ملف السيارة

طيب بعد إتمام عمل العقد :

1. أعمل اية بقى بعد كده علشان انقل الملكية فى المرور واسمي يكون فى الرخصة بتاعه العربية من اوراق وإجراءات وفلوس ؟
   هتأخذ جميع الاوراق السابق الاشارة اليها + العقد المسجل و تشتري دوسه من المرور و تشتري نماذج ترخيص و تعمل فحص و تقدم الورق علي الشباك و تدفع الضريبة و تعمل تامين اجباري (من اكشاك التامين بالمرور) و شهادة المخالفات و تقدم كل ذلك لموظف الشباك و بعدين يندهوا عليك و تأخذ رخصة باسمك ده لو كانت وحدة المرور بتاعتك هي نفس وحدة المرور القديمة للسيارة أما اذا كانت مختلفة هتأخذ تصريح مؤقت لمدة 3 شهور لحين ورود ملفلسرة من مرورها الاصلي الي المرور الجديد ( الذي انت تتبعه) و تقريبا القصه دي هتتكلف حوالي 500 ج لو كنت هتجدد سنة (طبعا ما تنساش انك لو ما عندكش طفاية حريق و شنطة اسعافات يبقي لازم تشتريهم و همه برضه بيتباعوا في المرور)
   
2. شهادة المخالفات الى بتطلع من المرور القديم بتكون سارية لمده قد اية ؟
   شهر واحد فقط
   
3. طيب معلش يا جماعه علشان ابقى عارف بس لما اروح الشهر العقارى واطلع العقد المسجل هل فى الشهر العقارى بياخدوا التوكيلات الى معايا ولا انا باخدها تانى مع العقد المسجل بعد ما اخلصه ?
   سبق الرد اعلاه علي نفس النقطة ، هما بيطلعوا عليهم فقط و بيثبتوهم و لكن المرورفي النهاية هوه اللي هيأخذهم كلهم
   
4. وفى ملحوظة كمان مكتوب على الرخصة فى دهرها كلمه رويال ورقم جنبها ده معناه اية ؟
   الله اعلم
   
5. طيب واية حوار التامين ده بيتعمل فين فى المرور ولا فين بالضبط ؟
   داخل المرور نفسه هتلاقي اكشاك خاصة بذلك
   
6. واية الفرق ما بين شهادة المخالفات (المخالفات = براءة الذمة و دول بيبقوا طالعين من النيابة و ده يخص المخالفات و الشهادة دي بيتم استخراجها في حالتين إما البيع و الشراء علشان الطرف المشتري يطمئن قلبه الي ان العربيبة مفيش عليها مخلفات من المالك السابق و الحالة الثانية لها عند التجديد بالمرور او نقل الترخيص او تغيير النمر ) والبيانات وبرائة الزمة وحالات استخدام كل واحده ؟( أما شهادة البيانات دي بتستخرج من المرور و دي بيكون مكتوب فيها بيانات العربية "المالك و اللوحات و الشاسيه و الموتور و تاريخ انتهاء الضريبة و الصناعة هل هي محلي او مستوردة و الموديل و بيانات وثيقة التامين الاجباري و خلافه ) و بتبقي مطبوعة كمبيوتر و مختومة بختم المرور و متغلفة بالبلاستيك و دي بيتم استخراجها لجهة معينة مثلا للشهر العقاري و ده في حالة انه لا توجد رخصة سارية للسيارة سواء كانت تلك الرخصة منتهيه السريان او عبارة عن تصريح فقط و ليس رخصة و ذلك لايضاح تلك المعلومات للشهر العقاري ليتثني له العمل في ضوئها ، كما انه يتم استخراجها ايضا عند نقل العربية من مرور الي مرور اخر كبديل عن انتظار نقل الملف اللي ممكن يتأخر سنين

أنا آسف جدا على الإطالة لكنى اول مرة فى حياتى بعمل الموضوع ده بس ان شاء الله عند إجابة المحترفين والخبراء هيكون موضوع كامل لكل الناس الجداد زي حالاتى ....