|
|
رد: حوار بين تيته وحفيدتها سنه 2100
اقتباس:
واسرائيل خارجه خارجه من الاراضى المحتله وان غدا لناظره قريب |
رد: ارتفاع الاسعار فى مصر
شكرا يااستاذ سيف بس انا بيتهيالى الاخبار دى قديمه او فيها حاجه غلط بالنسبه للاسعار وبرضه سعر الدولار
|
رد: إوعى حد يخش الموضوع دة علشان صاحبه زهقان
والله يا علوه وكأنك بتحكى عن حالى انا كمان ......لأنى عاوز اشترى عربية ومش عارف اجيبها مستعملة ولا جديدة شوية اقول لانوس وشوية اقول لانسر وشوية اقول فليشيا وبعدين اقول يا واد خليك فى الجديد احسن ومالها اللوجان اهى مهما هيظهر فيها من مشاكل اهى برضة جديدة وكل يوم الواحد برأى مع انى خارج مصر حاليا وقدامى 4 شهور وبرضه مراتى زهقت منى ومن العربية اللى انا لسة مجبتهاش وبعدين انا دلوقتى فى نفس المرحلة اللى انت بتمر بيها تشتت الذهن والامتلاء والتشبع من كتر تصفح اخبار السيارت حتى حدث نوع من الميوعة ....والله يا علوه انا جديا فكرت اتوقف شوية عن متابعة اخبار السيارات حتى يزول هذا الاحساس بالتخمة من الاراء المختلفة حتى فى السيارة الواحدة ......يا ريت لو لقيت لينا حل تقوللى لان الظاهر دى فره مشية اليومين دول ل للأسمهم على
|
رد: إوعى حد يخش الموضوع دة علشان صاحبه زهقان
كل سنه وانتو طيبين يا جماعة ويارب يبلغنا رمضان ونخرج منه فائزين ان شاء الله
اما بخصوص الحيرة قبل اتخاذ القرار فهى عادية مش مرضيه ابداً وكلنا تقريبا مرينا بيها او بنمر بيها على فترات وانا بعتبرها حيرة ممتعه على فكرة لانها بتشد انتباهك لبدائل فتدرسها فتعرف اكتر لحد ما يكتمل تشكيل رغباتك وقناعاتك واولوياتك فديه مرحلة مهمة قبل اختيار بديل هيقعد معاك سنين مش شهور ولا ايام فطبيعى تفكر في الحاجة اللى هتقعد معاك سنين شهر وشهور علشان كده بقولك استمتع بجد وادى نفسك فرصه تدرس كل عربيه وتفكر فيها وتحلم بيها وتقرى عنها وتلاحظها فى الشارع وتسال عنها وتطمن على قطع غيارها وصيانتها يعنى هى زى واحد بيدور على عروسه وكل ما يشوف واحدة ياخد فترة يدرسها ويشوف هيقتنع بيها ولا لاء خد وقتك يا باشا وقريب ان شاء الله هنباركلك على العروسة وتكون اختيار موفق يارب |
رد: إوعى حد يخش الموضوع دة علشان صاحبه زهقان
حبيب قلبي معاش ولا كان اللي يحيرك بص يا جميل انتا مش اول واحد يمر بالمرحله ديه الكل مر بيها اول ما يقرب يجيب عربية او يغير عربيته وتلاقي نفسك دخلت في دوامة الحيرة مش عارف ترسي علي بر وكل ما تقول هيه ديه اللي هجيبها يطلعلك وساوس للصبح وترجع تاني تقارن وتبقي مش عارف انتا عايز ايه بالظبط هقولك علي حاجه حلوه حاول تشوف العربية اللي تستحمل قرف البلد ديه وجمعهم وقارن بينهم يعني ايه انتا تحاول تشوف انتا عايز ايه من العربية ومن كماليتها وسعر اعادة بيعها لو من النوع اللي بيغير كتير وكمان توكيلها علشان العزاب اللي الواحد بيبقي فيه واسعار قطع غيارها انزل معرض واتنين وتلاته وجرب العربيات اللي موجوده هناك وفي دماغك انك تجيبها شوف العربية عامله ازاي من جوه مريحة للي هيقعد فيها ولا لا وهكذا يعني انا لسه كنت امبارح في المصرية للسيارات بالصدفه جربت الباسات والسيفك والمازدا 3 والسيراتو والكيا سول والماتريكس واخيرا الكروز والله مش هتصدق لو قولتلك ان اشد عربية في المجموعة ديه الكروز يليها الماتريكس الكروز عربية مريحة جدا للاعصاب من جوه مش شكل مستفز يخليك تكره نفسك وانتا قاعد جواها السيفيك جميلة جدا لكن عيبها الوطي اللي فيها ومش هتستحمل القرف اللي هتشوفه هنا من المطبات والحفر الماتريكس اجمل حاجه فيها وسعها كنت حاسس اني قاعد علي الانتريه عندي في البيت نصيحة شوف انتا عايز ايه من العربية وصلي صلاة استخارة وان شاء الله تنول اللي انتا عايزه ومتحيرش نفسك وحاول تشغل نفسك باي حاجه تانية لما تلاقي نفسك احترت ومش عارف تعمل ايه |
رد: إوعى حد يخش الموضوع دة علشان صاحبه زهقان
صباح الخير على احلى منتدى بيتى التانى اللى مراتى شوية حتولع فى الكمبيوتر من كتر ما انا قاعد على المنتدى الجميل دة يابشوات انا اكتشفت انها بتراقبنى من وراء الباب خايفة الا اكون فى موقع شات مع واحدة خلاص انا ادمنت الموقع الجميل دة ومراتى كرهت الموقع دة
بالنسب للعربيات كلنا لما بنغير عربية بنقعد ندور ونلف لما بيطلع عين اللى ..... انا زيك قلت اغير بس مشكلتى انى بعت عربيتى قبل ما اقرر حشترى اية وطبعا كان لسبب ان عربيتى السابقة كانت شيروكى4100 سى سى وكان ميعاد التجديد وجالى سعر حلو فيها فا بعت وحاليا عايش على السلف شوية عربية مراتى وشوية عربية اختى لما خلاص اتخنقوا منى وانا اتخنقت منهم ومن الحوجة ليهم فاصبر شوية وربنا حيهديك ويهدينا ان شاء الله وتصبحوا على خير عشان انا عايز اكمل نومى |
رد: يلا كلنا نشجع الزمالك
خلاص ياشباب
الموضوع بسيط احنا هنا متلمين على حاجة واحدة بس هى العربيات واستاذ وائل مغلطش هو سرد حقايق عن الزمالك وادى احصائيات عن نادى الزمالك والنادى الاهلى بلغة الرقام منقول من موقع يلا كورة نبذة تاريخية عن النادي حمل الزمالك في البداية اسم نادي قصر النيل وكان مقره في نفس المكان الذي يقام عليه حالياً كازينو قصر النيل ثم صار نادي المختلط عام 1911 وتم نقله لمساحة أكبر بكثير في حي بولاق وبالتحديد عند تقاطع شارع 26 يوليو مع شارع رمسيس "دار القضاء" في عام 1915. اقترن اسم الزمالك بالحركات الوطنية التي ظهرت في ذلك الوقت خاصة ثورة 1919 ثم انتقل مقر النادي إلي مكان مسرح البالون بالعجوزة. مع ثورة يوليو 1952 استطاع حيدر باشا الحصول علي حق الرعاية الملكية للنادي ومعها شهد الزمالك اهتمام الملك فاروق بصورة لافتة للنظر حتى حمل اسم نادي فاروق وتولي إسماعيل بك شيرين أحد أفراد أسرة محمد علي منصب نائب الرئيس.. بعدها استقرت القلعة البيضاء في ميت عقبة بصفة نهائية عام 1962 وضم وقتها 17 فداناً ليصبح أكبر أندية الشرق الأوسط في عام 1967. ابرز اللاعبين في تاريخ النادي محمد لطيف – حلمي زاموار- حمادة إمام – حسن شحاتة – فاروق جعفر. انجازات الفريق المحلية فاز ببطولة الدوري المصري: 11 مرة فاز ببطولة كأس مصر: 21 مرة فاز بكأس السوبر المصري: مرتين فاز بكأس السلطان حسن: مرتين فاز بدوري القاهرة: 10 مرات انجازات الفريق القارية فاز بدوري أبطال إفريقيا: 5 مرات (1984-1986-1993-1996-2002) فاز ببطولة كأس الكؤوس الإفريقية: مرة واحدة (2000) فاز ببطولة السوبر الإفريقية: 3 مرات (1994-1997-2003) فاز بالكأس الافرواسيوي: مرتين (1988-1997) انجازات الفريق العربية البطولة العربية لأبطال الدوري: مرة واحدة (2003) السوبر المصري - السعودي: مرة واحدة (2003) |
| الساعة الآن 08:38 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017