مصر موتورز مجتمع السيارات - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة A.F.Shaheen (المشاركة 989138)

عربيتى النترا 2008 شاريها من اسبوعين عامله 140 الف كيلو صيانات فى مواعيدها

العربيه بعد ما جبتها غيرت زيت الفتيس ( كان ريحته محروقه على خفيف ) وغيرت الفلتر ..والفتيس اخد 4 لتر ليكوى مولى 1200 G جيت اقيس مستوى الزيت بعد اسبوع ( العربيه دايرة على N ) لقيته اعلى من hot بحوالى 1.5 سم ... دا عادى ؟ وهل الفتيس فى طبه لخروج الزيت الزيادة

كمان فى هبده بين ال P , R مش علطول ( لو برجع لورا وبعدين جبت ال P )

امشي بالعربية لحد ما توصل لدرجة حرارة التشغيل العادية - اقف وبعدين حرك العصاية في كل الخانات وبعدين حطها علي (N) وسيب الموتور داير لمده دقيقتين وخد القراءة والموتور داير
اما الهبده دي فشيك علي القواعد
والله العظيم اعلي واعلم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة romeoalmansour (المشاركة 989202)

انا راي انك تغير الزيت بالكامل
المشكلة في الزيوت ان كل شركة ليها سرها والاضافات اللي بتضيفها للزيوت ومش معني ان الزيوت متكافئة اني ممكن اخلطها علي بعضها - لان خلط الزيوت ممكن ياتي بنتيجة عكسية نتيجة عدم توافق الاضافات او حتي تفاعلها مع بعضها.

والله العظيم اعلي واعلم

كان نفسي تقول عادي حط موبيل تاني
لان التغيير كامل ده هيعدي الالف جنية غير المصنعية

لكن الحمد لله ... كتر خير حضرتك على الاهتمام
وربنا يبارك فيك ويوفقك

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة A.F.Shaheen (المشاركة 989138)

اقتباس:

المشاركة الأصلية كتبت بواسطة romeoalmansour (المشاركة 989212)

رحت النهاردة عند مركز صيانه معتمد وكشف بالكمبيوتر على الفتيس قاللى تمام مافيش فيه حاجه ..
كشف على القواعد والكبالن ...قاللى تمام مافيش فيهم حاجه
صوت الهبدة زى ماهو بيجى لما اكون على P واجيب ال R .... قاللى دا العادى فى العربيات دى :(

تانى هام

انا كنت حاطط زيت ليكوى مولى 1200G (هو لونه بنى فاتح وزيت خفيف عن الموبيل الاحمر )
الراجل لما شافه قاللى الزيت دا غلط على الفتيس ومش هاينفع له ... الكلام دا صحيح ولا لا ؟ لانى قلت

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

السلام عليكم ورحمة الله وبركاته
مشكله مغلباااني وزهقت من افتاءات الصنايعيه
عربيتي بوما 2004 1300 اتوماتيك 300,000 كيلو تقريبا
المكنه خليجي تمام حالتها ممتازه الحمد لله
حضرتك انا عندي مشكلة فالفتيس لما بيسخن السخونية الطبيعية بتاعه
تقدر تقول حضرتك بيأخر في الاوامر
يعني انا ممور N ونقلت D بتاخد خمس ست ثواني على ما تنقل بنتشه خفيفة
لسة مغير زيت الفتيس كلو من سنه موبيل ATF
يعني اول ما بدور الصبح واسخن مبيكونشش فيه اي مشاكل نهاااائي
المشكلة دي بتظهر فالغالب لما الفتيس يسخن
اي ايضاح لاي حاجه يا ريت

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

قم بتغيير حساس درجة الحرارة بتاع الفتيس

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

طيب يا فندم الحساس ده بيبقى موجود فين؟؟ جوا الفتيس؟؟
وهل بيبان على كمبيوتر الفحص
انا كنت شاكك في بلف من بلوف الفتيس
وممكن سعره يكون كام الحساس
بس حضرتك وصف المشكلة تاني باختصار ان الفتيس بيأخر في الاوامر بيهبط كدا

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

سيدي الفاضل
من وصف حضرتك ان المشكلة بتحصل لما درجة الحرارة بتعلي ودا معناه ان اشارة الحساس مش دقيقة ومش بيقرا درجة الحرارة صح وعشان كده فيه تاخير في النقلة
طبعا احسن حل انك تكشف كمبيوتر وهو هيحدد العيب بالضبط فين ان شاء الله