|
رد: عايز أركن قصاد بيتي
اقتباس:
اولا انا هابتدى من اخر نقطه فى كلامك ...... سامحنى و اعذرنى لو حسيت ان ردى رد شخصى و انا اسف ليك و عموما مافيش خناق وللا كلام من ده و بكرر اعتذارى لك لو كان فيه حاجه ضايقتك من اسلوبى ..... و ارجو منك قبول اعتراضى على رأيك بقلب رحب . ثانيا , الساده المسؤلين دول ليهم وضع خاص من حمايه و امن و بعضهم يكون مستهدف للأغتيالات و التصفيه الجسديه و اعتقد انه لا انا و لا انت و لا اى عضو معانا هنا فى المنتدى مستهدف للدرجه دى و اخرها بنبقى مستهدفين من زوجاتنا او اهالينا هههههه ثالثا , موضوع تفسيه الكاوتش ده بيبقى ليه ظروفه اللى هى انك واقف فى جراجك الخاص و مش عارف تدخل وللا تخرج و فيه يافطه كبيره تسد عين الشمس بتقول ان ده جراج خاص و الجراج الخاص هو امتلاكك لقطعه للركن فيها من حر مالك و مدفوع مقابل هذه القطعه و بالتالى فأن لم يكن عندك جراج سوف تقوم بالركن فى الشارع و سوف تأخذ هذا المكان من الشارع و لكن بأمتلاكى للجراج و قد قمت بشراءه فبالتالى اصبح من حقى قانونا القطعه التى امام الجراج للخروج و الدخول و ذلك بدلا من الركن فى الشارع و قد تم حجز مكانى الذى فى الشارع بالجراج المدفوع حقه ........ و اى عربيه تقف امام الجراج يحق لى ازاحتها من مكانها بأى طريقه ان كانت لأنه واقف فى ملكى الغير مسموح لأحد غيرى بأستغلاله ...... و من وقف امام جراجى فهو من بدأ بالسلوك العدوانى على حرمتى و بيتى و جراجى فلذلك من حقى ان ادافع عن نفسى و عن حقى و حرمتى بأى طريقه ان كانت حتى و لو بالقتل و كذلك ينطبق على مدخل العماره حيث انه للمدخل حرمه و لا يصح ان يمنعك احد من خروجك او دخولك الى بيتك و انما المحاط بالمكان الخاص بك هو ملكيه عامه لجميع الأشخاص سواء من ساكنى العماره او من خارجها او حتى من مدينه اخرى ..... و اؤكد لك انه لو تم زراعه العواميد مثلا فى المكان الذى تريد الركن فيه فسوف تشيلها الأزاله من الحى او البلديه و ده معناه انه قانونا زرعك للعواميد دى غلط و لا يحق لك الأنتفاع بهذا المكان ..... و بكررها تانى مع اسفى الشديد :- انت غلطان |
رد: عايز أركن قصاد بيتي
احنا اكبر مشكله في بلدنا ضياع الحقوق و الواجبات ...
احنا للأسف مش عارفين اللي لينا و اللي علينا .... حتى الاعراف والتقاليد مش قادرين نعرفهم .. و الذوق و المجاملات تااااااهوووو في الزحمه ... يعني مثلا لو انا جيت ركنت في حته واسعه و فاضيه وفيها اماكن كتير .. وجه حد طلب مني اركن في حته تانيه علشان ده بيته ... حسيب له المكان .. لأن في غيره .. و دي حاجه ذوقيه مش لأنه قدام بيته ... لكن لأني شويه و حمشي ... لكن هو ممكن يبيت او تعبان وعايز يطلع يستريح ومش نازل تاني ... لكن لو الدنيا زحمه و لقيت المكان بالعافيه ... عمري ما حسيبلوه المكان ... دا انا ما صدقت ركنت .... الا اذا كان مدخل جراج او محل خصوصا محلات تصليح الكاوتش وخلافه ... لكن علشان سعادته عايز يركن تحت البلكونه فده موضوع تاني ... وبعدين لو عماره كبيره 10 - 15 دور .. من غير جراج ... يبقى الشارع عمره ما حيكفي سكان العماره نفسهم ... يبقى مين يركن و مين لأ ؟؟!!!! وبعدين حضرتك بتقول انك راكن فوق الرصيف ... طب هو ده مكان انتظار اساسا ؟؟!!!!! بصراحه حضرتك و اي حد يركن مكانك غلطانين ... لأن الرصيف للمشااااااه .... ولو اي حد جه و ركن عربيته وقفل عليك يبقى مش غلطان لأنه ركن في المكان الطبيعي .. في الشارع جنب الرصيف ... وده المكان اللي المفروض اي حد يركن فيه ... مش فوق الرصيف ... حضرتك بنفسك اعترفت انك ظبطت الناس يوطو الرصيف لمصلحه شخصيه (مكان انتظار غير رسمي ) ... و هما استجابو لمصلحه شخصيه ( التظبيط ) ... وطبيعي ادي البيضه و ادي اللي شراها و ادي اللي قال هات حته !!!! يعني الموضوع من اوله لأخره مش مظبوط .... انما ... هي دي بلدنا ... و كل واحد بيشوف انه صح و على حق ... طالما بيدور على مصلحته الخاصه ... لكن تعارض احتياجاته مع متطلبات الاخرين ... متخصهوش !!!!! |
رد: عايز أركن قصاد بيتي
اقتباس:
الأصل أيضا في الدول المتقدمة أن تكون المناطق السكنية للسكن و التجارية للمحلات و لكن عندنا بظراميطة فقد تحولت مناطق عديدة كان اصلها سكنيا الى مناطق تجارية فعاني الدكتور و كل من في مثل حالته من هذا العذاب و هو محق في أن يعود ليجد مكانا يركن فيه سيارته و لكن ايضا ليس من حقه طرد مواطن من مكان هو دافع ضريبة له المشكلة عزيزي تكمن في الفوضى و الفساد الإداري الذي نحن جميعا ضحاياه بشكل أو بآخر و أحمد الله انني اسكن في حلوان و لهذا أعتقد أن ما يسمى بقانون المرور الجديد ما هو إلا أكذوبة للمنظرة الإعلامية و الجباية فعشان تعمل قانون مرور صح تحاسبني عليه لازم تزيل أسباب العشوائية من كل طرق مصر (و هذا يحدث فقط لو دخل إبليس الجنة) و بعد كدة تحاسبني على قواعد المرور و ازاي احط المثلث المزعوم لو عريتي عطلت و كمان لازم تمنع ما لا يقل عن 80% من الناس أن يقودوا سيارات الا أن يتم اعادة تأهيلهم و تهذيبهم |
رد: عايز أركن قصاد بيتي
اقتباس:
أكيد اي مكان ح تركن فيه ح يكون قام بيت او قدام محل او قدام اي مكان .... وسكان هذا المكان عاوزين يركنو قدام بيوتهم بنفس المنطق اللي حضرتك عاوزه .... يعني اي مكان ح تروحه ح تلاقي حد بيقولك ماتركنش هنا لو سمحت .... انا عاوز اركن قدام بيتي .... مش معقول ح تروح مكان صحراء عشان تركن .....ومش معقول برضه ح تسيب عربيتك وتتحرك بتاكسي او مواصلات .... يبقى العربية مالهاش لازمة انت في القاهرة يا عزيزي واماكن الركن لا تكفي لجميع السيارات في اي مكان في مصر المحروسة يا راجل ده النكر بتاعة العربيات خلصت وبقت مش كفاية وعملو النمر الجديدة ام حروف وارقام عشان يكفو العربيات .... ما بالك باماكن الركن وبعدين الناس اللي من خارج القاهرة ...... يركنو فين لو واحد جاي من منية شنتنا عياش ... او كفر الشلشلامون... او الدلجمون مثلا ... وجاي يعمل اي مصلحة في قاهرة المعز..... او يزور ناس قرايبة .... او يشتري بسبوسة من عند العبد مثلا ..... بالشكل اللي حضرتك عاوزه ..... كل الاماكن في القاهرة قدامها بيوت ...... يبقى يعمل اية ؟؟؟؟ طلب حضرتك ده انا باعتبره ....... حلم ..... امنية ....... لكن واقع.... لا أعتقد مع خالص تحياتي |
رد: عايز أركن قصاد بيتي
سيدى اللاخ الدكتور
انا معاك فى كل اللى قلته ولكن المشكله فى عدد السيارات والشوارع لاتسع لكل هذا العدد وبعدين الواحدبيكون راجع البيت بعد معاناه وحرب ومعركه مع السيارات فى الطريق مجهد وتعبان ومشناقص اجهاد البحث عن مكان للسياره ويلاقى مكان ويكون بتاع واحد تانى وهكذا دائمافيه واحد مظلوم المشكله الجديده فى هذ ا الموضوع اصحاب المحلات والسيطره على الشارع امام المحلات ومنع السيارات من الركن امامهم قال العربيه بتمنع الزباين عن المحل هيه دى المشكله وربنا يحلها من عنده ونحترم بعض |
رد: عايز أركن قصاد بيتي
شريف
صافي يا لبن ولا يهمك sam ram العماره اللي فيها 100 عرييه ، سكانها ح يركنوا قصادها ، واللي ميلاقيش مكان قصادها ، يركن بعيد شويه جنب جنينه ، او في مكان ميضايقش حد ، انا بقولك على واقع ناس كتير بتعمله meemo the beast متفق معاك ان المنظومه كلها غلط بس غياب اخلاقيات الذوق ، ويا بخت من زار وحفف ، يدل على ارتفاع معدل الذاتيه اللي بنعيشه يعني حضرتك جاي زياره ساعتين ولا تلاته ، او جاي تقضي مصلحه ، ايه المشكله لو ركنت بعيد شويه ؟؟ عشان تسيب حق اللي جاي يركن وح يبات ، بدل ما يركن عربيته في مكان بعيد ، او مكان غير امن وتبقى عربيته ملطشه maher fsfs أصحاب المحلات معذورين فعلا لأن مفيش رصيف في مصر لو فيه رصيف محترم ، هو ح يبقى متشاف كويس ، ومدخله مستريح بالمناسبه انا لا املك محل ، لحسن حد يفتكر اني صاحب مصلحه |
رد: عايز أركن قصاد بيتي
بسم الله الرحمن الرحيم
الاجابة تونس ptmnlo123per1127 ياجماعة انتوا عملتوا قصة وموضوع وحريات وحقوقق انسان وبوليس وونش وألغام أرضية ( طبعا فكرة هايلة هاجربها بكره ) زي كده الصعيدي اللى عايز يصحى بدري ptmnlo123per172 فحط قنبلة تحت المخده المهم انا الناردة راجع عادي خالص لاقيت واحد راكن مكانى عادى جدا رحت لمحت مكان تانى رحت وركنت بعد معاناه عشان المكان يدوب ونزلت وبعد مانزلت طلعلى واحد متفهمش شغال ينبه الناس ان ده مكان واحد تانى وزمانه على وصول ( ptmnlo123per111 ) قولتله ياعم انا ساكن هنا اهو وشاورتله على البيت قالى اركن هنا ( مكان تانى فاضي ) قولتله اعرف اصحابه وزمانهم جايين قالى لا مش جايين النهاردة ( باين عليه محضر ) او من المخابرات العامة للمرور اعدت الف بالعربية لحد مالقيت مكان تانى فاضي بعيد جدا عنى ركنت وقولت لواحد كان واقف انا ساعتين وهاخد العربية تانى عشان لو مكان حد مايزعلش ( قالى ولو مكان الريس ) براحتك على الأخر ( واحد ذوق جدا طبعا ) لامؤاخذه ياريس اللى مايعرفك يجهلك اصل لو مكان الريس انا هاشوفة اصلا ptmnlo123per160 المهم ركنت وروحت نمت وصحيت لاقيت الحمد لله الراجل مشي روحت جبت العربية وركنتها مكانى وللأسف الشديد خدتلى كام خربوش محترمين من الدرجة الخامسة في الاكصدام الخلفى وانا بركن مش عارف ليه مع انى مش أول مره أركن ptmnlo123per1129 لكن نصيب لابد منه ( العربية مش بقالها الا يومين ) جديدة ولسه مستلمها لكن عادى بقى خدت العين في حاجة بسيطة ptmnlo123per131 المهم انى دفعت نتيجة ذوقى وطبعا الحمد لله على كل شي ومين فينا عربيته ماتخربشتش من الارصفة الهايلة بتاعت مصر ptmnlo123per168 |
| الساعة الآن 03:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017