رد: 12# دكتور تامر (fhd737)
 

أحذف النكته اياها لابو نورا وانا وانت نروح ورا الشمس

رد: 12# دكتور تامر (fhd737)
 

طيب انا هقول ل وائل بس المصيبة ليكون حد شافها

رد: 12# دكتور تامر (fhd737)
 

الف شكر يا دكتور تامر على ردك الجميل
سؤال تاني بس يا ريت ماكنش تقلت عليك في الاسئله
ازاي تتعامل مع العيانين المستفزيين في العياده
ايه شعورك لما عيان يقولك شكرا يا باش مهندس
هل بتخلط بين حياتك الطبيه و حياتك العاديه يعني بابا يقولي ماتعليش الكاست سوق بالراحه ماتلبسش كوتشي سرح شعرك لورا ماتحطش جل كده يعني امشي مع دكاتره بس
هل لو رجع الزمن بيك لورا كنت هاتتخصص انف و اذن برضه
كنت تحب تشتغل ايه في الامتياز يعني اعرف واحد قريبي اشتغل عظام بس في الامتياز و اشتغل جراحه عامه في الاخر مع انه في المستشفى مرجع العضم لكل النواب و بعض الاخصائيين مع انه لسه نايب كبير سنيور
و اعرف واحد اشتغل نسا بعدد شعر راسه و اشتغل في العنياه المركزه في الاخر

يارب ماكنش تقلت عليك في الاسئله

رد: 12# دكتور تامر (fhd737)
 

*انا تحت أمرك فى اية أسئله
*بالنسبه للمريض على الطبيب ان يتحمل ويكون واسع الصدر ويحتوى المريض ولا يسمع الا شكوى المريض ولا يلتفت لسخافاته او سخافة من معه00لانك سوف تتعرض للسخافة والجهل والغباء وقله الذوق00 لكن التجاوز وتعدى باللفظ انفجر عندما يضيق صدرك وكم تعرضت لمواقف وواصلت العمل وبعد عمل اللازم للحاله تجد الجميع يعتذر انها ثقافه بعض الناس فلا تهتم فالطبيب ستبقى مكانته مهما حاول ان ينال منها احد
*بالنسبه للملابس أرتدى ما تحب وأفعل ما تريد لكن فى حدود المقبول من الناس وليس شرطا ان ترتدى ملابس كلاسيك حتى تتناسب مع المهنه
*تعليه الكاسيت اكثر من المقبول غير مطلوب الشخصيه والسرعه فى القياده تهلكه
*موضوع التخصص هذا فيما بعد يخضع لظروف عدة
وانا اعمل خارج نطاق العمل الحكومى فى طب الاطفال 00الطب يكمل بعضه بعضا ومن الجميل ان تكون ملم بدقائق اكثر من تخصص لطبيعه العمل فى مصر

رد: 12# دكتور تامر (fhd737)
 

بس يا دكتور تامر نسيت حاجه مهمه
انت على كرسي الاعتراف
يعني بسئلك علشان استفيد من خبرتك و علشان اعرف حضرتك بتعمل ايه ptmnlo123per1127
حاجه كمان
ازاي الدكتور يقدر يقيم شغله ماديا
يعني يفرق ايه الدكتور الي هايعمل زايده و ياخد فيها 300 جنيه عن الدكتور الي هاياخد 3000 جنيه مش هايعمل نفس الكلام
يعني بالنسبه ليا انا عاييش في دمياط و ناس كتير بيجولنا المستشفى و انا لما بسمع اجور الدكاتره غير طبعا حساب المستشفى بصراحه بزعل و اتكلمت مع بابا كتير في الموضوع ده و بقوله مش ده حرام <مع اني شخصيه انتهازيه ههههههههه>
كمان حاجه كيفيه اتخاذ القرار بالنسبه لمصير العيان كيف تأخذ قراراتك طبعا بالنسبه لخبرتك
معلش تقلت عليك قوي قوي قوي بس اخوك الصغير و بيتقل عليك
حاجه اخيره قبل ماانسى
ايه رايك في الطب حاليا في مصر و الي بيحصل للعيانين و الدكاتره
يعني مرتابات الدكاتره الي مش مكفيين عيش حاف و بالطبع بيأثر على العيانين بعد كده
ايه رأيك

رد: 12# دكتور تامر (fhd737)
 

*بالنسبه للعائد المادى بالنسبه لى وبعد ثمانى سنوات من ممارسه الطب باحتراف لم انظر له فى مرة بمعنى ألف زى عشرة لا تفرق والحمد لله أشعر بانى الافضل ماديا ولا توجد عندى ادنى مشكله ماديا
يجب ان نرحم الناس حتى يرحمنا الله والعمل الخارجى لمن يدفع ومن لا يدفع 00أقسم بالله لم أطلب من مخلوق قرش والسكرتيره عندها تعليمات بعدم طلب مليم من مريض واللى ما يدفعش ياخد دوره ومع السلامه وانا ادعو له بالشفاء00فالماده غايه من لا يؤمن بالله وبأن المستقبل ورغد العيش لا يستقيم الا براحه البال والضمير ودعاء المحتاج00
هل تتخيل ان يقول لك مريض:حرام عليك يا دكتور لسه حد بيكشف بعشره جنيه خليهم عشرين!
وقمت فى اول العام بزياده الكشف ل11 جنيه بعد خمس سنوات من تثبته وركبت تويوتا 2008 والحمد لله!
*بالنسبه لاخذ القرار للمريض يكون حسب الحاله وما تحتاجهمن فحوصات وعلاج فى الضرورى فالمهاره ان تطلب فحوصات فى الضرورى فقط وانا اكتب علاج نوع او اتنين او ثلا ثه بالكثير واجتهد فى معرفه أجود وأرخص دواء00 وقد تفاجىء عندما تعرف ان الروشته لا تزيد عن 20 جنيه فى معظم الحالات والنتيجه ممتازه باذن الله لانها فى النهايه رساله وليست تجاره والعياذ بالله فمن لا يرحم لا يرحم
*الطب فى مصر متأخر لانه يفتقد لمهارات التدريب العملى الجيد باستثناء المستشفيات الجامعيه وضعف دورات الوزاره والعمل المفرد وليس المؤسسات الجماعيه والا مبالاه فى المستشفيات الحكوميه والاهمال
وبالنسبه للاجور فقد تحسنت كثيرا فى عهد الجبلى وهى مشكله اقتصاديه كما يدعون فى حين ان العامل فى الاتصالات والكهرباء والبترول أجره اكبر من طبيب حاصل على الدكتوراة فى الصحه والتأمين الصحى له أفضل من الطبيب!

رد: 12# دكتور تامر (fhd737)
 

دكتور تامر
ايه رايك فى الحب والمرأة والزواج