رد: في الأول إسطوانة وديسك وفي الأخر فتيس
 

لو حد هنا ياشباب يقولي إيه أفضل فتيس ممكن أشتريه هيكيون تمام مع الموتور أشتري الفتيس بيتاع ال ١٣٠٠

ولا أجيب بتاع ال ١٤٠٠

أصلي سقت إبيزا بتاع واحد صاحبي ١٤٠٠ سسي كانت تحفة ملهاش حل كنت ماشي علي ١٠٠ وال RPM علي ٢.٥ تقريبا والمكنة مرتاحة ع الأخر

فهل لو إشتريت الفتيس بتاع ال ١٤٠٠ هيديني نفس الأداء

وبالمناسبه لو حد عنده خبرة أنا قدامي تكييف بتاع صني مو ٩٥ بالكباس والكومبرسور ،،، المفروض يعمل كام ؟ ... وهل يركب عندي عادي ولا في مشكله

رد: في الأول إسطوانة وديسك وفي الأخر فتيس
 

لا اشتري فتيس ال 1300 يبقى احسن علشان ده فتيس العربيه
انا اشتريت فتيس البسات ب 2000 جنيه استيراد من عند محمد سمير

رد: في الأول إسطوانة وديسك وفي الأخر فتيس
 

+1111111111111111
اويدك طبعا يا ابو نورا حاول تشوفها عند واحد واتنين وتلاتة

رد: في الأول إسطوانة وديسك وفي الأخر فتيس
 

والله يا moshax هو ده اللي انا بقوله من بدري بس محدش مقتنع حتي فادي نفسه مش مقتنع طب انا هسأل سؤال دلوقتي لو انت عربيتك محتاجة تغير فتيس هتمشي ازاي !! و مش هتحس بأي حاجة غير عضه في النقلات!!

dr_3esho انا عارف يا احمد انك غيرت فتيس بس ايه اسباب تغيير الفتيس انك خرمت طبه زيت الفتيس بشنيور و عملتولها بلف و لما البلف ده وقع الزيت كله نزل و الفتيس اتحرق !! يعني الفتيس متلككش ولا حاجة الزيت نزل منه عايز ايه يا جدع ده حقه يولع مش يتحرق و ده بينطبق علي اي فتيس سواء الماني او كوري

انت يا فادي عربيتك ماشية كام 130 150 180 200 250 حتي لا يمكن هتكون ماشي اد عربيتي انا عربيتي ماشية 405 الف كيلو انت متخيل الرقم 405 الف كيلو و حتي لو انت غيرت طقم دبرياج فيها ايه المفروض الاداء و السحب و التسارع يتحسنوا فا انا قولت رأيي ان حد يبص علي العربية تاني و ليكن محمد سمير بتاع جسر السويس انما تغير فتيس بالسهولة دي لا انا بصراحة مش معاك في القرار ده بس عموما حتي لو نويت تغيره قولي قبلها

و احب اقول برضه ان فتايس الفولكس مش فتايس تعبانة ولا بتحتاج صيانة كتير ولا اي حاجة من الكلام ده اقسم بالله العظيم انا مشيت بالعربية حوالي اسبوعين و كنت بقرص و بحرق كالعادة و الفتيس فيه حوالي كيلو و نص زيت فقط و كان بيعض جامد انا عارف ان ده خطأ اني اسيبه مدة كبيرة من غير ما ازود الزيت خصوصا لو ناقص بس انا بقول الموضوع ده عشان تعرفوا ان الفتيس ده علي درجة عالية من الجودة و الاعتمادية...و الحمد لله رغم اني عندي مرسيدس بفضل ميال للابيزا مش عشان بحبها عشان عربية 15 سنة فحت و ردم و الحمد لله عمرها ما كسفتني

انا قولت رأيي واجري علي الله...

رد: في الأول إسطوانة وديسك وفي الأخر فتيس
 

أنا فاهم كلامك كويس بس الفكرة إن الموضع اللي عندي حصل مع واحد صاحبي الفتيس بتاعة إتخبط وصفي الزيت بتاعه وإتحرق ولما غيره إشتري فتيس مش بتاع الموتور مختلف عنه بس بيركب عليه وأعتقد إنه نفس الفتيس اللي راكب عندي

المهم العربيه بعد مالفتيس غيره أدائها إتغير تماما والأربي إم بقي عالي بدون مايوصل السرعة المطلوبة يعني المفروض إنك تبقي ٣٠٠٠ علي سرعة ١٠٠

لكن اللي بيحصل إنه بيبقي أكثر من ٣٥٠٠ علي سرعة ١٠٠ يعني الموتور بيجهد أكثر .. وعلي فكر أنا مرة من زمان كنت عند محمد سمير والكلام ده أكدهولي بشمهندس هاني اللي هناكوقالي هنبقي نبص علي أرقام الفتيس اللي عندك ونتأكد إذا كان الفتيس الأصلي ولا متغير .. بس أنا كبرت دماغي وقتها

وإنشاء الله قبل ماغير أي حاجة هوريك العربية وأخليك تجربها بنفسك ...... وشكراً علي إهتمامك يا كبيييييييير

رد: في الأول إسطوانة وديسك وفي الأخر فتيس
 

يا أخ فادى معلش احنا بس بنتكلم ( على رأى القرموطى ) ازاى بعد ما ركب قطع الغيار اللى انت شاريها بنفسك يقولك الفتيس ده بتاع بولو ؟؟ptmnlo123per1106 حد يفهمنى ؟؟ هوه مش قطعة الغيار اللى انت شاريها بتاعة ابيزا واللا لادا واللا ايه باضبط ؟؟؟ الكلام مش راكب على بعضه وسامحنى معلش احنا بنتكلم يعنى !!!



Dr. Bolbolan

رد: في الأول إسطوانة وديسك وفي الأخر فتيس
 

طب روح يا فادي لمحمد سمير يتأكدلك من ارقام الفتيس لو مش فتيس الفابريقة يبقي كان حصل حاجة في القديم اتحرق او كده و اتغير ساعتها نبقي نظبط الاداء بقي و نرجع الامور لطبيعتها و نجيب فتيس ابيزا 94