رد: FIAT 132 2000
 

الله يخليك يا باشا دا من زوقك
انا بس عاوز ابين للناس اد ايه العربيه دي عظيمه و تستاهل كل كلمه حلوه بتتقال عليها

رد: FIAT 132 2000
 

تسلم ايدك يا حازم
عاوز اخد رأيك الاحسن 131 ام ال 132 لاني داخل على شراء عربية جديدة

رد: FIAT 132 2000
 

ال132 فئه السيارات العائليه المتوسطه
و ال 131 فئه السيارات العائليه الصغيره
يعني دي فئه و دي فئه
ال 132 اوسع من ال 131 بمراحل
و مواتيرها اقوي من ال131
و الشنطه اوسع .
انا عن نفسي بفضل ال132 عن ال 131
لكن في الوقت الحاضر لو بشتري
و قدامي العربيتين بشوف الحاله الافضل و اشتريها
لان قطع غيار ال 132 بقت نادره شويه عن ال 131
لان انتاجها اتوقف من 1981 لكن ال131 مستمره حتي الان
(تنتج الان تحت اسم شاهين)
و دا بيوفر قطع غيارها لسنوات طويله مقبله حتي لو كانت قطع غيار تركي مش ايطالي

رد: FIAT 132 2000
 

حازم باشا ممكن مساعده انا بحب 132 قوي بس ادبست فى 132 فيها بارومه كتير فى الرفارف و ا لابوب و بطختين الشنطه و مش عارف اعمل ايه هى 1600 موديل 76 للعلم انا حديث العهد بالسيارات

رد: FIAT 132 2000
 

اهلا و سهلا بيك نادر باشا
هو العربيه بالحاله اللي بتقول عليها لازم تفكها و تعمل البارومه اللي فيها
و تتعمل مضبوط و تاخد بلاك خام مش متخفف بتينر علشان البارومه ما تسرحش فيها تاني بسرعه
مالهاش حل تاني و اي سؤال انا تحت امرك

رد: FIAT 132 2000
 

السلام عليكم
شكرا لك حازم بيه على المعلومات الجميلة دي
انا معروض علي 132 1600 ومش عارف أخدها ولا لأ
بيقولوا مفيش قطع غيار
تنصحني بايه

رد: FIAT 132 2000
 

اهلا بيك يا حفناوي باشا
ال 132 لو حالتها نضيفه خدها
انما لو حالتها تعبانه يبقي فعلا حتصرف معاك جامد
خصوصا ان قطع غيارها الاستعمال بقت قليله و غاليه بعكس الاول
يعني انا سنه 1994 جايب طقم ابواب 132 2000 سماوي كامل
بالفرش و الزجاج و المكن الكهربا و حالتهم زيرو ب 1200 جنيه
دلوقتي مش اقل من 4000 جنيه او اكتر علشان تجيب طقم زي دا
و مش بنفس الحاله اكيد