رد: مقارنة عملية بين الشيفروليه كروز والكيا سيراتو
 

انا لا حظت ان ماتور الكروز ليس به اى حماية من اسفل حتى غطاء بلاستيكى هل السيراتوا كذلك؟؟؟؟؟؟؟؟؟؟؟؟؟؟؟؟؟؟

رد: مقارنة عملية بين الشيفروليه كروز والكيا سيراتو
 

تسلملى يا غالى وربنا يخليك يارب

شوف بقى ياسيدى انا عربيتى lacetti-cdx جاية من برة طبعا اكيد حضرتك عارف انها ملهاش وجود فى مصر ولا ليها وكيل وكدة

طيب اية الفرق بين عربيتى وبين الشيفرولية كروز ؟؟؟

نرجع فى الاصل ان العربيتين برة مصر واااااااااحد مفيش بينهم اى اختلاف سواء فى الاوبشن او المحركات مجرد فرق العلامة التجارية فقط

بمعنى ان المصنع بيخرج العربية بثلاث محركات فقط الى انا قولت لحضرتك عليهم

المحرك 1.6 منزلش ابدا فى العربيات دى ..

تعالى بقى نشوف الفرق بين عربيتى والشيفرولية كروز الى موجودة عندنا

الشيفرولية كروز الى هنا راكبلها محرك اوبترا e-tecll 1.6 بيولد 107 حصان وطبعا دة السبب انة خلى اداء العربية دى وحش جدا

الكروز الى هنا الكاملة بتاعتها تعتبر الفاضية بالنسبالى مفقترة جدا للكماليات

تعالى بقى نتكلم عن اداء العربية الى معايا او المحرك ecotec 1.8

المحرك دة بيخرج صافى 138 حصان ... كلام جميل بس كل دة كلام ع ورق

من تجربتى الشخصية ... المحرك جميييل جدا كقوة اداء وعزم وتسارع وتحس فعلا انا راكب عربية من قوة المحرك وانطلاقة

العيوب الى انا شايفها لحد دلوقتى ... استهلاك بنزين عالى نسبيا مع المقارنة بالمحركات 1.6 اليبانية والكورية

المحرك بيتميز بخشونتة وزئيرة العالى دى بالنسبة لناس كتير اوى عيب بس بالنسبالى انا ميزة وزى ما قولت لحضرتك هتلاقى معظم محركات الالمان بنفس النظام دة

قطع الغيار بتيجى من برة وفيها بهدلة شوية بس دى بردة مش عيوب محرك .. دى مشكلتنا احنا ان معدناش حاجتها .. مع العلم انك ممكن تروح تجيبها من التوكيل منصور باسم مثلا (عاوز فلتر الزيت بتاع اوبل استرا المكنة الاوروبى ) وهكذا
بس احلى تخيط يا معلم

ملحوظة ... عاوز اقولك ان اى حاجة عندى فى حوض المكنة made in germany
كل قطع غيارها وفلتر الزيت وكلة المانى وطبعا دى كفاية لوحدها

معلش طولت عليكى بس حبيت اقولك كل حاجة

سلام يا صاحبى :CHUBBY~36:

رد: مقارنة عملية بين الشيفروليه كروز والكيا سيراتو
 

تمام يا باشا ربنا يبليك فيها وديك خيرها ويكفيك شرها
بس فيه حاجه عاوز اقولها
نفسي ان العربيات في مصر تبقا زي بره يمكن الحلم يتحقق
وبالمناسبه
تسارع عربيتك نفس تسارع الاكسنت الي معايا لو عربيتك اوتو 0-150 في 24 ث

رد: مقارنة عملية بين الشيفروليه كروز والكيا سيراتو
 

بس اعتقد ان فيه كروز 1.6 بس 113 حصان دي برضو مبنشفهاش

رد: مقارنة عملية بين الشيفروليه كروز والكيا سيراتو
 

الله يخليك يا باشا تسلملى وياااارب والله كلنا نتمنى دة يحصل بس منهم لله بقى اصحاب التوكيلات اهم حاجة يحققو ارباح

وبالنسبة لعربيتك فما شاء الله عليها معروفة بالتسارع الممتاز بتاعها بس بردة مش عاوزين ننسى حجم ووزن العربية وانة لية تأثير كبير فى الموضوع دة

موضوع ان فى كروز خرجت من المصنع بمحرك 1.6 دى جديدة عليا الصراحة وكل حاجة ممكن لية لا ... بس الشركة بتقول انها خرجت العربية بالمحركات الثلاث فقط ممكن يكون دة حاجة جديدة وانا معنديش خلفية عنها

رد: مقارنة عملية بين الشيفروليه كروز والكيا سيراتو
 

من الاخر فى رايى بعد لف كتير السيراتو نسخة من الالنترا و هى سحبها جامد و احسن فى السحب من الكروز و هى اوسع من جوة من الكروز و صاجها اضعف من الكروز ...الثبات على الطريق الكروز افضل بكتير اوى دة لو السيراتو عادية مش كوبية ....يعاب على الكروز عدم وضوح ابعادها و ضعف سحبها...من حيث قطع الغيار بالنسبة للموتور الكروز ارخص بكتيير اوى لان الموتور موتور اوبترا اللى يعتبر موتور نوبيرا بس متعدل فية حاجات بسيطة ...اما بقية قطع الغيار فالكروز ارخص بفرق مش بطال

رد: مقارنة عملية بين الشيفروليه كروز والكيا سيراتو
 

انا معايا فلوكس 1303 بيتلز ازاز بنبويه 1.6سي سي احسن من كول دول وباب واحد وتبريد هوا وفل اوبشن بس قطع غيرها نار:36_1_1[1]: