رد: و سقط حبى للبرافو ......وقلبى يبكي لفراقها
 

بص انا هكلمك عن تجربتى الشخصية,
لما فكرت اشترى عربية بعد ال128, كانت خياراتى تنحصر فى الشاهين و اللانوس و اللادا 2110.
و كانت نصيحة الجميع هو عدم الخروج عن الفيرنا أو اللانوس,
لكن محبتش العربيتين دول, لا شكلا و لا موضوعا و لا أى شىء.
و جبت الشاهين ال1600 رغم انها كانت أغلى واحدة.
تقفيل التابلوه خاصة الكونسول الوسطى مكنش اد كده, و حجم الرفاهية ليس كبيرا و ده كان واضح من الوهلة الأولى.
لكن بعد ثلاثة سنوات و 70 الف كيلو انا راضى تماما عن اختيارى.
70 الف كيلو بلا مشاكل تذكر لسيارة تعتبر رخيصة مع الاستخدام القاسى و اهمال الصيانة فى معظم الأوقات هو انجاز أكثر من جيد, بالاضافة الى متعة القيادة و صوت المحرك و عصبيته.
فى المقابل ليا صديق مشى مع التيار و اشترى فيرنا من 3 سنين تقريبا بعدى بشهر, لكن عمل بيها 30 الف فقط,
و النتيجة أن صديقى غير اسطوانة الدبرياج و واجه مشاكل بالسخونة و هو غير راضى عن السيارة بتاتا, من ناحية الأداء و متعة القيادة و الجودة.
و عندما قدت سيارات أغلى كثيرا من الشاهين مثل اللانسر و الكورولا شعرت بالرضا أكثر و أكثر خاصة لناحية القيادة.
مازلت أستمتع بقيادتها و هى لا تخذلنى أبدا, و لم أواجه أبدا مشكلة فى التصنيع و لا مشكلة ميكانيكية تذكر, كما حافظت السيارة على أدائها كما الجديدة بعد ال70 الف كيلو الاولى.
أما مشاكل التابلوه فلم تتعدى تلف بكره التكييف و كسر فى ذراع وحدة رفع الزجاج, و أصلحتهم بسهولة, مع ملاحظة اننى ثقيل اليد عموما.
و لحد دلوقتى مفيش اى عربية خيشت فى نافوخى من سواقتها غير ال128 و الشاهين و البيجو 405.
حتى المرسيدس لما سقتها لمسافة قصيرة مدخلتش فى نافوخى و لا اقنعتنى.

سيبك من اى حاجة,المهم الماكينة!

رد: و سقط حبى للبرافو ......وقلبى يبكي لفراقها
 

يا جماعة كل واحد كان عندو رأى و كل رأئى كان فعلا رائع و ليه مميزاتة بس القصة إن أنا فعلا مافيش عربيىة ما فصصتهاش فى السوق من أول الكورى اللى مع إحترامى الشديد للكورين كنت بشوفها و أقول بردو أهو الواح يوافرلو قرشين و أنا جوا نفسى بقول "يا واد العربية هتتفرك تحت رجللك فى إسبوع ...و إليكم كل ملاحظاتى عن السيارات التى رأيتها و على رأى كوكى ....أنا محسوك و بالتى يمكن تشوفوا تفاصيل كانت غايبه عنكم و يارب تفيدكم....ودى العربيات اللى أنا شوفتها

1- كيا سيراتو......فر رأيى أن الكوريون وجدو أن أنسب طريقة لطناعة التابلون الداخلى و تقفيل فرش الباب و الصالون هو التعاون مع الشركة المصرية "الهلال و النجمة الذهبية".....بذمة دة مش عيب يعنى كل الهيلمان اللى بره دة و الجمال اللطيف اللى أنا مستغربو على التصميم الطورى ...ما أحنا مش متعودين أن الكوريين يعملو عربية تصميمها و روحها أوروبى كدة بس أنا عرفت السبب...مصمم السيارة هوا نفسه مصمم الأودى 4 و 6 و هنا عرف السبب...الراجل عملها من برة و الكوريون أقفلو من جوة......طبعا عربية ماتتركبش بعد لما لقيت كل الناس ركبها ...و أنا ماشى يت أما على يمين او شمالى ......ورايا...قدامى ولما أشم أنفاسى و ملقيهاش ماشيا حوليا.....أوف أحمدك يارب .......يادى النيلة القيها مرزية ركنا على بع مترين على جنب ......هو أيه النظام هما بيوزعوها على علب السمنة فى كارفور و اللا أية......المهم بجد عربية ماتتركبش خصوصا أن بردة أسعا قطع غيارها ولا الألمانى ؟؟؟؟؟؟؟و سعر إعادة بيع منيل و مهبب.....طب أركبها لية بقى.

بس الحق السيارة كبيرة....شنطه واسعة....سعر منافس بكل الكماليات دى لو أنت عاوز تركب و متبصش للكلام الفاضى بتاعى ده

2- هوندا سيتى.....مش عايز أقوال التصميم الأمامى لو حد يفتكر الشيفى الأفيو مع تعديل شكا الشبكة يبقو توأم ناهيك عن الخلفية المقلة للبلى أم....بس ماشى الحال مش مشكلة ماهو الناس برضة دمغها صدة من التصميمات أو يمكن المصصم كانت حماتو ٌارفاه شويتين و مزاجو مش رايقك يعمل شكل جديد فا قلب الشركة و إدها مندا على دة كربونة و الحال مشى ....و قب و غطس بالهوندا سيتى ....طيب مافيش مشاكل .....مت جوة لا يختلف الوضع كثير عن الجار الأسيوى و واضح أن ضيق العينين عند الناس دى خلاهم مش فاهمين الفرق بين البلاستيك و الفيبر أو الرابر ...فطلعت برضو بلاستيك من جوه و الأنيل أن فى فرغات عجيبة بين الزجاج و الصاج الداخلى و الفرش تسمح بتحويش أكوام من الأتربة و كأنك هاتاجر فى التراب ...طيب ماشى الحال شغال يا جدعان......قالوا تقفيل ماليزا....ماشى ماشى عديها أهو الناس كلهم عنايهم ضيقة هى فارقت ياعن هاعرف الماليزى من اليابانى......

حقاها....متور لطيف يعنى 1500 سى سى و 125 حصان ...كلمة من بق مهندس جو التوكيل "هوندا لم تنتج سوى سيفيك و الباقى عك"رغم معلومة مهمة جداً هاذكرها فى نهاية الموضوع أن طريقة قياس القدرة الحصانية للسيار تختلف فى دول أوروبا عن الدول الأاسيوية....و الأصح الطريقة الأوروبية لأنها بتكون أكثر تحد يد و نتزاهة......

طيب ماشى .....لما نبص على السيفيك...رغم أنى مش بحبها بشكل شخصى و ليس عيب بالسيارة

3- الهوندا سيفك
طبع مش كلام كتير...عربية مهولة موتور أكثر من رائع طيرى يا نورماندى تو بجد ....عربية طلقة....تصميم داخلى لطيف بس مش واو يعنى.....و العربية لا غبار عليها و لا نص كلمة اللهم الا قطع غيا نار يا حبيبى نار....اليارة لا تلائم الشوارع المصرية نهائيا ....واطيه أوى وطبعا أنتو سيد العارفين شورعنا حرير فى حرير و مافيش أى بلاليع ...ابداً أبداً......و المطبات الصناعية أيه ....يادوب كل 200 كيلو...فتأكد أن يوم ما هاتشتريها أكيد هاتحفظ عليها لأنك مش هاتمشى جو البلد أكتر من 60 ولما توصل أبق كلمنى إن شاء الله أو خليك مديها مارينا رايح جالى بس شوف هنيدى و فؤاد رجعوا من الإسماعلية ولا لأ لزوم الصحبة

طيب ها يل سيدى عندكوا أية تانى...."بقول لأصحاب المعارض".....عايز كدة حاجة حصوى نقاوة تكون من على وش القفص......قللى بس ...طلبك عندى

4- فيتارا...........ردى كان واضح و صريح............. أمش أنجر ياد من هنا و هاتللى حد كبير أكلمو.....دا انا لو حطيت جوجو فى الشنطة مش هاتكفيها ....و أية الزراير البلاستيك البيضة اللى فى التابلون دى .....هوا أنا راكب اله حاسبة.......ناهيك عن عدم توافر قطع الغيار....و بجد بجد كان أحسن لو عملوها كرسيين بس عشان الكنبة اللى ورا دى ماتنفعش تكون الا كنبة العمدة يقعد كدة و يستربع عشان لمو أخذة الأرض لسة البت مسيقاها ......هوا فى مكتن أحط رجللى يا عم أنت ...و بعدين دى الكنبة أخرها نفرين محشورين و بكريم كمان عشان ما يعملوش شرز فى بعض و هما قاعدين.....المهم .......خلصنى أقلب دى و هات اللى بعدو

العارض: ماشىطب تعلى شوف دى

5- مازدا 3 airo
واو أنا بحب العربية دى ....تابلون شيك و لذيذ ....عربية شقيو و برستيج....بس أأأأأأأأ واطية أوى ....قالى يا باشا دى عفشة مصفحة ز للأمانة صديق يقتنيها قاللى أنو دخل بيه فوق الرصيف ولا الهوا....قلت ماشى ....ماهوا نفس الصديق قالى برضو أنها حوت بنزين و للأمانة يا جماعة كل ما أفتكر لما كنت راكب معاه و لقيت مؤشر البنزين بيتحك أقول يا نهار أسود ...ودى تكنولوجى جديد دى ولا أسه العربية بتشتغلنى و جعانة عتوزلها هابر بنزين ؟؟؟؟؟؟؟بصراحة أحنا رحنا من حلوان ل 6 أكتوبر ب 20 ليتلر .......نهار مهبب بقى دى عايزلها ميزانية لوحداها يعنى أنزل أجيب اكل البيت اول كل شهر من كارفور و أاشتريللى برميلين بنزين فى أيدى من موبيل وان من بره.....كلام غريب.....الملحوظة الأخيرة و دى بتجربة العربية سحباها مش الواو تقيلة قوى....مافيش وكيل أنما مركز صيانة معتمد أوتو سمارت ....ياعنى لو إتهبش فى دماغو فى يوم و حب يتاجر فى لبطاطا و يبطل عربيات يبقى ياللا السلام أروح أصلح عند أبو رامى.....مش مستريحلها......المهم قلت دا أنا شكلى مش هاركب كدة ....فوت بقى ماهو لازم يكون فى عيوب برضة على رأى "كوكى" مش كدة ولا أية....طيب أنا بكلم العاض....سيبك من دى هات حاجة تانى دور كدة فى المخزن تحت المكتب و قب لى بحاجة للزباين الخصوصى....رد بالسيارة الأتية

6- تيريوس.............بس ماتكملش يخرب بيتك دا انت فاهم غلط خاااااااااالص أنا راجل يا ابن مش فوفا.....أقلب دى

7-قالى أية رايك فى دى ....."ليفنيا نيسان" قلت له كلمة تانى و هاقولك ناديلى صاحب المعرض ....دى تقفيل صينى يا رمة هو فى فور ويل و يابانى ب 114000 دى ولا البعكوكة...بس العربية و للأمانة مش وحشة بص مش هاركب فانوس رمضان الصينى مع الإعذار ل حلو يا حلو.............أنجر بقى و ورين حاجة عليها القيمة بقول للعارض

طب بص دى دى لسة نازلة و يابانى و تحفة

8- نيسان بلو بيرد......رغم عدم حبى للنيسان رغم أنها أجمل المواتير هدوء....متسمعش حاجة و لا كأن العربية دايرة...بس أهو مافيش بينى و بينها عمار فوق روس بعض.....بس السراحة العربية شفتها من ورا شدتنى .....يا ولاد الأية يا حرامية .....قلبتو ال ألفا روميو و سقتو أسبرينة تصميم موديل 2009 مش فاكر القم كام بظبط بس قلت و مالو ...يالا أهو الناس تفتكرنى راكب الفا جديدة.............المهم لفة صغيرة حول السارة للوصول للمقدمة ؟؟؟؟؟؟؟؟؟؟؟طن؟؟؟؟؟؟؟؟؟؟؟؟ ؟؟أية الوش العفش اللى مسروق من لكزس بغباوة دة.....بصراحة قرفت و مشيت قبل مسال عن إمكانيات السيارة اللهم إلا أنها تقريبا ب 1420000 ......ياسلام و الله دا النيسان إطورو أوى و نسيو أنهم فى ذيل قائمة المصنعيين اليابانين يعنى أول ما يشطح ينطح.......يلا يلا اللى بعدو ....أدينى يا معلم

العارض طيب لانسر.................أنا ولا هاتغلط ولا أية .....ماشى العربية لذيذة بس مش ليا و مش عاوز أعرف عنها حاجة و لو كانت نانس عجرم هاتطلع من الكبوت كل ما أجى أدور العربية..........لو كان التصميم غير كدة كنت بصيت بس انا رأيى أن ميتسوبيشى لم تخرج تصميم ناجح فى مثل الفئات المنتشرة فى مصر سوى كولت....و القديمة كمان عشان الجديدة عربية لبن أصلا....و أيضا الريفوليوشن و مش منتشرة فى مصر......هات واحدة تاني

المهم يا جماعة العارض كان جثة و أنا ياولدة صغنن.....حسيت أنو عتوز يأكلنى أو يادوب يسلك سنانو بيا ....بس أية أوعى دنا الزبون ياد......ولا نص كلمة ....أمشى...أمشى.....ورينى يالا ....بعنطزة بعد ما دارة الفكرة بتاعت أكلى فى دماغى و أنا هافطس من الضحك وماسك نفسى ....بس المصيبة مراتى فطسانة ضحك من اللى بعملو ....و جوجو أية ماتتوصاش ورا مامتها ...وكررركرررركككررر...يا ولاد الأيه هاتفضحونا....يالا يا باشا أيش بدك تورينى تانى

الراجل بق محتار و أيدو بتتمد يشاور على توارج...ذى مايكون قاللك لما أكسر أبن الأية اللى مش عاجبو حاجة دة....بس قبل ما يكمل ......مسكت رجلو........ممممم قصدى أيد مهو لو شالو دى و حطوا دى مش هاتفرق باقولكم جثة متحركة.......قلتلو لا أنت فهمت غلط يا باش أنا بتكلم فى 150000 لحلوح مايزيدوش نص جنية و إلا انن مش عايزنى أجيب بيبسى لجوجو و أنا خارج ولا أية....................ار تسمت على وشة إبتسامة سخرية و كأنو كسارنى.........فسيبت مراتى عالية ماهى حسيت..........أيه هما 150000 قليلين ولا أية...هو أنتو يعنى بتبيعوا كام عربية فى الشهر ب 150000 ............بس يا مودام أهدى .........أنا مراتى AUC بس لو فتحت على حد يبق أمو داعية عاليةوراحت فاتحللو مسلسل ردح بالأنجليزية محترم الراجل مافهمش ولا كلمة .....و أنا بس يا سيتى هوا الراجل م قلش حاجة المهم هدأتها و جوجو طرت القاعدة بمسلسل ضحك عل مامتها كل ماتشوفها بطلتم لاوندى.....المهم يا ريس أه النظام قالى طب بص دى


9-فورد.............ياعم أنت بتهرج هو من أمتى فورد كان ليها مكان فى مص ولا وكيل ...لا لا بلاش دى

زهق و قاللى طب بص على العربيات و شاورلى لما تختار......وقبل ما يتحك متر أبصت عينى النور....كنت فين ياجميل و أنا تايه عنك

10- جولف 5 ..................بقيت بكام دلوقتى ....قاللى 150000 ....قلت فل فى الميزانية .....لسة بركب مرات قالتلى تانى طب ما انت كان معاك ال 4 و طلعت عينك.....قلتلها مش مشكلة دى طليقت القديم و أهى اتعدلت اكتر و إحلوت...........والله يا جماع اللى حصل كان فى الأتى لأانو كان كأنوا مشهد من فيلم كومدى لمستر بين لدرجة أن الراجل ضرب كف بكف و فطس من الضحك...و كان كالأتى

فتحت باب السواق ....دخلت.......عديت من جوه للكرس المجاور .....فتحت الباب اللى جنب السواق و خرجت.....بقلها يالا يا ست الظاهر أنا مش هاركب ...أنا هاروح أشتر قطر أيه رأيك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟ معقول؟؟؟؟؟؟؟؟؟؟؟؟؟؟؟؟؟أيه ده يا جماعة كل الجما و العضلات دى و أبص القى التبلون مسح كدة...و زورارين بلستيك للشباك ....يعنى قدام بس .....ايه التابلون الفقير دة................لا يا عم يفتح الله دا الدوجان التبلون فى شكل عن ده......هما الألمان أتغرو بإمكانيات العربية و قلولك دول عاوزين ميكنة جرى و بس فا مش مهم من جوة ولا أية..............يلا ماليش معاكى نصيب ي جولفة ياتحفة شكل خارجى ووحش يسكن باطنك بس نسينى تتزوقى شوية لزوم الشياكة للى راكب جوة

المهم مشيت....رحت مركزين بيع أخرين منهم أوماترا اللى أنتو عارفين قصتها دلوقتى....و كمان الهندسية عشان الليون ...اللى أنا ماشوفتلهاش عيب حتى الأن سوى إعادة البيع ....و دى أنا عامل إتفاقية كامب ديفيد مع مراتى عاليها تخدها بعد 5 سنين و نبع البونت و أنا أجيب حاجة تاني؟؟؟؟عشان المسلسل يرجع يجيب نفسة من تانى فا يارب "بى أم وان سريوس" عشان أخلص من تلاكيكى دى..

وإلى أن أكون قد قررت هاشترى أيه ....أركم قريبا :)

رد: و سقط حبى للبرافو ......وقلبى يبكي لفراقها
 

احييك يا اتش علي طريقتك مره اخري
و احب اطمنك
ان انا حلمت انك مش حتشتري عربيه خاالصptmnlo123per145
لا بجد بتمني من ربنا يوفقك بعربيه كويسه
بس الصراحه اللي بيبقي عامل زيك كده(محسوك اوي علي رأيي كوكي:) ) بيقع واقعه مالهاش حل
اتمني انك يبقي حظك افضل بكتير و ما تزعلش من كلامي يا باشا

رد: و سقط حبى للبرافو ......وقلبى يبكي لفراقها
 

رد: و سقط حبى للبرافو ......وقلبى يبكي لفراقها
 

الأخ أيمن ....شكرا كثير للنصيحة الغالية بإقتناء البيجو بس أنا ليه بعض التحفظات الهامة و ذلك عن تجربة أخى فى سيارته وهى:
1- البيجو فى يحتوى على بعض المكونات الغريبة كده ...زيادة عن أى عربية و تختلف كمان عن جميع موديلات السيارات بتخلى فى مشكلة فى أمرين ...اولا مافيش حد بيعرف يشتغل فى البيجو الحديث خارج التوكيل و إن كان فى حد هايبوظ حاجات تانيه فى العربية من غير ما يدرى و من عير أنت كمان ما تعرف.

2- قطع غيار غالية اوى ....مش عارف لية و مش كدة وبس ....فى الجديد مش معمرة لأن البيجو مش عربية تمشى فى مصر...دى فرنسية يعنى عاوز شارع شانزيليزية تمشى فية و تتمخطر و دة بشهادة جميع من أقتنى سيارات فرنسية.....لا غبار أنها سيارات رائعة بس مش لمصر....أنا عندى صديق أشترى سيتروين سى 4 و باعها بعد 3 شهور لأنو لقاها هتتفتفت فى الشوارع المصرية رغم قوة أداء السيارة

3- السيارة و رغم جمال تصميمها تختفى منها الملامح الرياضية....تحس كدة إنها عاوزه غندورة تركبا و تتمخطر بيها فى الشارع

4- البيجو الجديد كلة بتظهر فى أصوات و حاجات غريبة مانتش عارف سبابها أية ....عن تجربة صديق ...بعد أسبوعين بس

فى النهاية لا إعتراض على كفاءة السيارة البيجو التى لا طالما صالت و جالت بالشوارع المصرية بس أنا إعتقادى أن ده كان زمان فى ال 305 و ال 405 و لو دام الحال على نفس الكفاءة لكانت البيجو أكثر السيارات إنتشاراً الأن بدلا من ال بى أم أو مثيلاتها الى مبرتعلى فى الشوارع ولا ال 128 .....أمر أخر لا أعتقد ان البيجو الحديث أصبح يناسب الشباب الرجال اليومين دول بس هوا بقى ناعم قوى و أكثر مناسبة للسيدات و البنات ؟؟؟ده رلأيى الشخصى مع إحترامى الشديد لكل الشباب الممتلكين للبيجو الحديث

رد: و سقط حبى للبرافو ......وقلبى يبكي لفراقها
 

إنت حيرتنا معاك يا إتش
إختار ماتريده وإرجعلنا بتقرير عن السياره التي إخترتها ونفذت فيها

ولو عايز خامات وجوده وأداء رياضي ومش فارق معاك سعر إعادة البيع ........ زود ميزانيتك وتوكل على بي إم دبليو عشان لن يرضيك غيرها
لا فولكس عاجباك ولا بيجو ولا فيات ولا سيات ولا .......
خلاص مفيش غير بي إم دبليو (دستور صناعة السيارات)

رد: و سقط حبى للبرافو ......وقلبى يبكي لفراقها
 

أحمد باشا واضح فعلاً إن أنا غلبتكوا.. و زاهقتكوا ...عشان كدة أنا رسيت على عربية ولا أحسن و فيها كل الأبشن اللى أى بنى أدم يتمناها ... و العربية دى هيا...
.
.
.
ماروتى 1 سيريوس اكس 5 قدرة فول أبشن..ودى كماليات السيارة
1- السعر 1 جنية لكل قدم مربع للسيارة
2- المساحة الأجمالية 1ز25 سم صافى بخلاف العتب و خصتك فى المناور المتشاركة مع السيارات المجاورة
3- عدد 2 شباك خشمونيوم + وحدة رفع مركزية و قفل الأهرام لزوم السكيوريتى 4 تكة و عل المفتاح
4- نصف تشطيب يعنى ع المعجون بس ممكن تاخدة تشطيب سوبر لوكس دهانات يوتن مشجلر و ارضيات الجوهرة
5 عدد 2 باب أرو على زان يفتح لأسفل لزوم تنضيف الرجلين قبل ولوج حرم السيارة
6-عدادات ديجيتال + ألة حاسبة تتوسط تابلون السيارة عشان تجمع أنت مشيت أد أيه
7- 2 كرسى بامبو + شلتة إسفنج إضافية مع أمكان الط على مرتين + مسطبة خلفية مفروشه كليم أروجينال هاند مايد ودة سبب إرتفاع سعر السيارة المغلى فيه
8-تارة ملتى فانكشن على شكل دريكسيون عجلة مزودة بمثبت سرعة إجبارى لا يسمح للسيارة بتجاوز سرعة قصوى قدرها 1 كم كل 24 ساعة ...عشان العربية تقيل شوية قبل ما تكمل ماراثون الجرى الشاق ده
9-فوانيس أمامية مشبرة جاهز + نظام حديث يعتمد على اللمض الموفرة و زينزن نيون ماركة نيازا
10-عدد 2 ستيكر خلفى رياضى لإضفاء الشكل الرياضى للسيارة "يا ناس يا شر كفاية قر"
11-أرضية السيارة مجهزة بالكامل من موكيت ماك وبرة ناعمة
12-موتور 3 سي سي وممكن يكون رياضى سي دى يعتمد على تكنولوجيا الفحت و الردم ..و أيدك معنا زقة و تدور قدرة 2 معزة و خروف مجرى منزوع القرون بس عشان العربية ما تنطحش و هى ماشية
13- نظام فرامل مساعد تم تطويرة على أعلى مواصفات ال ايه بى أس و ال أيه بى دى على شكل هلب يتم رميه من الشباك الأمامى المجاور للسائق فى حالة الرغبة فى التوقف الفجائى
14- نظام صوتى حديث مع دولبى من خلال 4 جرادل حجم وسط لتضخيم الصوت و أهى تنفع لما تيجى تسيييييييق العربية
15- غطاء سيارة ضد المية ضد النار بس مش أكيد الحشرة و الصرصار ماركة الوكالة او وسط البلد حسب الأختيار
16- ألوان متعددة للسيارة "مشجر..مقلم...كاروهات و سمبوكسات..و الوان تلنية كتير و ممكن تضررررررب لون على أيد الشركة"
17- كلكس سيارة رنات بوليفونيك مجسمة و ألبوم عمرو دياب الجديد
18- عدد 4 زجاج الوان مسنفر أو منقرش ورد و يعطى الوان الطيف باليل لزوم التموية
19- كمبيوتر داخلى يعرض مشاكل السارة و voic command بصوت عبد الباسط حمودة أو شعبان عبد الرحيم مع تعهد الشركة التام بإلتزامهم بحدود الأدب أثناء المحادثات بس لو إستغبات الشركة مش مسئولة ممكن يعملو أية معاك أيييييييييييييييييييييييي يييييييه و إلتزام شعبان نفسة أنو مبطل سجاير و مش هايرجعلها تانى
و أخيرا السيارة متوفرة حسب الحجز بجميع الجمعيات التعاونية بس لازم تنزل بدرى عشان الطابور طويل و مش مسموح لكل عميل بأكثر من سيارتين أو حسب البطاقة التموينية

الأوراق المطلوبة بسيطة دا لو أنت عاوزها قسط
1- صورة حديثة و أنت بتضحك و رافع حواجبك و رافع أيدك بعلامة النصر
2-فيش و تأفيش...عشان لو ليك أى علاقات مشبوهة بالسيارات قبل كدة
3-تأمين أجبارى و شهادة حسن و نعيمة لضمان حسن السلوك
4- شجرة العايلة لضمان وجود حته ضلة تركن فيها العربية

الأستلم بعد 555 يوم من تاريخ الحجز عشان العربية ماتتحسدش على أن يلتزم المواطن من باب الأمانة بالقسم تحت شعار النسر الجمهورى بأن يعلق فردة شبشب طفل صغير فى مؤخرة ديل السيارة

و أخيراً أعزائى كدا أكون لاقيت السيارة التى تخلو من العيوب اللى أنا شوفتها و دلوقتى هادخل أنام و أحلم بيها بس ربنا يستر أقدر أقوم من الحلم و العربية متجبليش نقطة فى الحلم تموتنى ماقمش