رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
انا متشكر جدا لكل اللى رد على موضوعى وشارك علشان اقدر اقرر ومتشكر لكل اللى قرأ الموضوع
بجد والله مش عارف اشكركم ازاى على اجابيتكم انا الحمد لله اخذت القرار واشتريت شانا بينى 2013 وحبيت اقول لحضراتكم تجربتى معاها خاصتا انها معايا منذ شهرين تقريبا انا استلمت العربيه يوم 6 مارس والعداد دلوقتى عامل 8200 كم انا عارف انه كتير شوية بس انا مشاويرى كتير وبعيده شويتين العربيه الحمد لله تعالى كويسه جدا جدا طبعا الوكيل بتاعها سعودى يعنى نفس توكيل سوزوكى عملت صيانتين ليها فى مركز الهايكستب صيانة ال 1000 دفعت فيها 400 جنيه صيانة ال 5000 دفعت فيها 350 جنيه وده لإنى فى الالف حطيت زيت 10000 كم اما فى الخمسة ألاف حطيت 5000 كم للأمانه قبلتنى مشكله واحد فى قطع الغيار وهى فى الاكصدام الخلفى العربيه اتخبطت وهى مركونه فى الجراج من ورا فالأكصدام اتكسر بطيعا علشان العربيه زيرو واتخبطت بعد ما استلمتها ب 15 يوم حبيت اشترى اكصدام جديد من التوكيل اتصلت بيهم كتير وكانو بيقولولى ان قطع الغيار فى المينا مستنيه الافراج الجمركى لحد ما زهقت وروحت لحمت الاكصدام عند واحد بتاع فايبر العربيه سحبها حلو قوى وكنت بجيب بيها 140 وبعدى بس الطريق طبعا ما بيساعدش بس طبعا لما بوصل ل 130 و 140 بحس ان العربيه بقت خفيفه قوى و الواحد بيقلق بس ربنا بيسترها والحمد لله دى تجربتى مع العربيه وارجو انكم تستفيدو منها وان شاء الله احاول انزلكم صور العربيه قريب وشكرا |
رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
ماروتى وش.........
|
رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
اقتباس:
عايز اعرف سعر العربيه كاش والكماليات اللى فيها وهل هى اوسع من الماروتى من الداخل ولا اصغر ؟ |
رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
اقتباس:
وبالنسبه للكماليات فهى : تكييف باور 2 زجاج كهرباء أمامى فقط راديو + AUX مصباح ضباب خلفى دى كل حاجه تقريبا + بقى انها 1000cc مش 800 زى الألتو والماروتى وفيها الكاسيت راكب مش زى الماروتى والالتو اللى بيقولولك بتركب الكاسيت على حسابك فى التوكيل انما الشانا انا اول ما استلمتها رحت ركبتلها سنتر وانزار ووحدتين رفع بره التوكيل من غير ما أطلع من الضمان والحمد لله |
رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
الف مليون مبروك وقرار جريء انا كنت ناوي ارشح
byd f0 عربية ممتازة والناس بتشكر فيها وتوكيل افضل شوية لكن قرار ممتاز انا ركبت جو العربية دى ف المعرض وبصراحة واسعة جدا اوسع من الفيرنا واعلي منها بس يعيبها حاجتين ..........قطع الغيار والشنطة صغيرة وكمان الموتور 1000 سي سي |
رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
الف مبرووك عليك وهو حضرتك جبتها اوتوماتك ولا مانيوال لانه نزل منها وانا افضل الاوتوماتك لانها اسهل للسيدات خصوصا لو في اولاد
و سؤال ممكن اعرف حضرتك قسطها مع مين لان عاوزه اجيبها قسط وادفع نفس المقدم 20 الف ان شاء الله و القسط شهري اد ايه واخبار قطع الغيار ايه هل توفرت ولا لسه في الافراج الجمركي ؟ وربنا يعطيك خيرها ويكفيك شرها ويحفظها لك ان شاء الله |
رد: محتار بين السوزوكى ماروتى وبين الألتو وبين الشانا بينى 2013 ... ياريت حد يساعدنى
اقتباس:
بس طبعا مع احترامى الشديد لرأى حضرتك بس BYD F0 مش أحسن منها ولا حاجه لأن فيها عيوب كتير جدا ومنها الشنطه بتاعتها اصغر من بتاعت البينى + ان 2 باب الخلفى مالهمش شبابيك انما فيهم هوايات بس غير ان الماتور بتاعها 3 سلندر بس وطبعا ده مع السرعه والتكييف ماقولكش بقى وغير ده كله سعرها كان اعلى من الشانا بينى بحوالى 8000 جنيه |
الساعة الآن 11:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017